SUU KAƁAKŊA 3:3 - Boy Lonana

³ Suu hin ka hu asina, suu hu mulla Filistinda iriɗ zeɗ zeɗ vadl. Suu Kanaanna, suu Sidonna, suu Hivna, suu cuki kolo kay ɦinira Libanda, col ay kay ɦinira Baal-Hermon day ta ta hu Lebo-Hamat.

SUU KAƁAKŊA 3:3 ပူးပေါင်းရင်းမြစ်များ

JOSUWE 13:3

Col ha fun mbo lum ma Sihorna vok tam u mbassa Egiptera na ta ta tew hu mbassa Ekronda keŋ ma mbayawna na, li namma a ndum ki ni duk mbassa Kanaanda, muli suu Filistinna ka hu ni vadl, mul ma Gazana, mul ma Asdodna, mul ma Askalonna, mul ma Gatna u mul ma Ekronna. Suu Avna ka cuki hu lay.

JOSUWE 13:5

Col ha hu mbassa Geballa u mbassa Libanda ii ma u maɗiinana na, col ha Baal-Gad u ɦinira Hermonda ta ta tew ay ki Lebo-Hamat.

1 SAMUEL 29:2

Suu ŋgolo suu vi suu Filistinna ŋguy fok suu kis kisna may, fok suu buɓ buɓma may. David u suu mamsina ŋguy dagan u Akis ni asiya.

1 SAMUEL 13:5

Suu Filistinna yow ay a duu u suu Israelna. Asi ay u puspusna usi buɓ buɓ dok-hindi, suu kulumina buɓ buɓ karkiya. Suu semba bolowra ko ndal ŋgetlna vun lummana na. Asi tuɗ lak hu Mikmas, hu Bet-Awen u faɗ maɗiiya.

1 SAMUEL 6:18

Kolomba ko lorra nara kay ndum ɦoŋzi ma Filistinna halaŋ halaŋ kay muli suu vadlna lay, kay ɦoŋzi ma saɓak ma hu zi namma, bay gulumunna kamma lay. Kay li ma gogoyra ŋgolla asi tin Zanduk Yawera kaɗta lay, karam gak lay gogoy ndaɗta ka hu sene ma vi Josuwe ma Bet-Semesna.

SUU KAƁAKŊA 18:7

Suu vadl asina jak foko tuɗ hu ɦoŋzi ma Laisna. Suu Laisna laki jivi u heɓpa ko ndal suu Sidonna na. Asi laki jiviya, va ma ŋgenesi kaɗi lay. Mul ma ɦeɓesi kaɗi lay. Sa ma ɦuɗ tam ay egesi a kak mul kasi kaɗi lay. Suu Laisna ki cuki ni na day eg suu Sidonna. Asi ka cuki kay saɗi.

SUU KAƁAKŊA 14:4

Gi bum u sum ka wi ana dla ndaɗta col ay ni ko Yaweraɗi kay nam hal ni dlara du del tam u suu Filistinna. Hu coki ndaɗta suu Filistinna ti mulla kay suu Israelna ni asiya.

SUU KAƁAKŊA 10:12

suu Sidonna, Amalek u suu Madiyanna lasagina ni agi yangi kolo na ni an hin suɗugi ka kiɗi su?

SUU KAƁAKŊA 10:7

Huu Yawe ɓeŋ ki eg suu Israelna. Nam gususi ki ko suu Filistinna u goryoŋ Amonna.

SUU KAƁAKŊA 4:2

Yawe ɦasi ki ko Yabin, mul ma Kanaanna. Nam ay kaki mulla ni hu zi ma Hasorna. Saam ma ŋgol asgaana ni Sisera. Nam ay ki cuki ni hu Haroset-Goim.

JOSUWE 19:28

Abdon, Rehob, Hammon u Kana tuɗ tew ay ki eg Sidon ɦoŋzi ma ŋgolna.

JOSUWE 11:3

Nam sun kay suu Kanaanna suu u maɗiinana u suu may suu u fiɗigina na may, suu Amorna, suu Hetna, suu Perizna u suu Jebusna kay ɦinira, suu Hivna ga u ɦinira Hermonda, hu mbassa Mispara may.

GA 8ATAMBARA 3:9

Suu Sidoŋŋa yi ɦini ndaɗta ana Siryon, suu Amorna yaɗ ana Senir may.

GA 8ATAMBARA 1:7

Cemi ni pereɗ irigi tuɗugiya, tuɗugi u ɦinira vi suu Amorna, vi suu ŋguy egesina halaŋ, ŋgoo bagi hu fulla, hu mbassa gara hu Negeb, kolo kay doŋga hu mbassa vi suu Kanaanna hu Liban ta ta tew fun mbo lum ma Efratna.

NDUMBA 34:8

Col ha u ɦinira Horra haka magira tuɗ gak gak tew Lebo Hamat jak ta ta Sedad.

NDUMBA 13:29

Suu Amalekŋa cuki ni hu mbassa Negebpa. Suu Hetna, suu Jubusna u suu Amorna cuki ni kay ɦinira, suu Kanaanna cuki eg mbo lum ŋgolna na tok may, fun mbo lum ma Yurdanna na.»

URA TIN AYRA 49:13

«Zabulon hin cukŋi fun lumma ŋgolna. Nam hin kakŋi hu li ma lum kawina col huna. Vun ndaŋga mamba tuɗ tew ay ki eg ɦoŋzi ma Sidonna.

JOSUWE 9:7

Suu Israelna di suu Hivna ana, «Kala agi li ka cuki ni dukumi tani tok kalage. Ami hin a vi galamba u agi ni ana mege?»

JOSUWE 11:19

Ҥoŋzi maa na dew lay ma vi bana u nam kaɗi, ni suu Hivna suu cuki hu mbassa Gabaonda vi banara u suu Israelna ni asi doy hol. Ҥoŋzi ma daŋŋa halaŋ asi ɓaɗammi u duuna.

SUU KAƁAKŊA 3:2

Li dla ndaɗta na ni a ɦaɗ gor suu Iraelna, ni a haɗasi dla duuna kay asi ni suu wi dlara duuna ay ka fok jewɗina.

1 SAMUEL 6:4

Asi di ana, «Va ma ami hin ɦam a miniɗ una ni mege?» Asi di ana, «Kay ndum muli suu Filistinna tuguɗii ɦuluna vadl may, yoo kolom lorra vadl may, kay ana ni tuguɗiira mba kagi halaŋga kay muli magisina may.

1 SAMUEL 6:16

Muli suu Filistin suu vadlna wi dla ndaɗta na ni cuk tasi hoŋ hu Ekron hu buu namma gaw.

2 SAMUEL 24:7

Asi kal ki hu ii ma saɓak ma Tirna, ki hu ɦoŋzi ma Hivna halaŋ halaŋ u ma Kanaanna may. Asi hin tuɗ hu fulla Yudara hu Berseba.

1 MULINA 8:65

Hu li namma gaw ni, Salomon li luu ma vun mbutluɓma ki hu gaw may. Suu Israelna tok ay ni halaŋ halaŋ, col ay Lebo-Hamat ii ma mbayawna ta ta fun mbo lum ma Egiptena ii ma dalina. Asi li luuna fok Yawe, Looygina, buuna kiɗisiya, asi hin li buuna kiɗisiya olo, buuna halaŋ doogo yam fiɗi.

EZEKIYEL 47:20

Ii u fiɗigina na ni lumma Mediteranena ni a ii hakara gaw. Col ha dali day ta ta Lebo-Hamat ki ii mbayaw na. Gola ni ii hakara u fiɗiginara.

1 MULINA 9:20

Njaf suu daŋŋa hin ka hu mbas ndaɗta tuwa. Suu Amorna, suu Hitna, suu Pirizna, suu Hivna u suu Jubusna. Ca ni suu may suu ka njaf suu Israelnaɗina.