SUNDA 9:31 - Boy Lonana

³¹ Hu fali ndaɗta ni suu vina halaŋ hu Yude ni kaki u heɓpa suu Galilena u suu Samarina fi eŋga halaŋ hummi u Bu Suuna dew, Musuk Lonara njun usiya asi wul fok wuli na ɗow ɗow.

SUNDA 9:31 ပူးပေါင်းရင်းမြစ်များ

SOOLLA 111:10

Mbeleŋ may ma ŋgolna ni ndaa ma lam u Bu Suunana. Suu ka lam ndaaramma halaŋ lak jiviya. Suuna geleɗem ha ni na gak gak.

EZAYI 33:6

Suuna hin lakŋi u heɓpa, nam ka gol suu mamsina tew tew, ka ɦasi yalna u wira, ndaa ma lam u Yawena ni bege masira ŋgolla.

VUN ŊGOLNA 23:17

Mbuɗ huruŋ a li dlara gi sulukŋaɗi, hu buuna halaŋ aŋ li ni ndaa Yawe na ɗow.

SOOLLA 86:11

Yawe takan voɗ maŋga, an min tuɗ ni hu gasi maŋga, mbuɗun hurun a an laŋŋi ndaaraŋ dew.

ROMMA 5:5

Juɓpa ka ganyam saɗi, Lona ɦaygi min mamba u Musuk mamba nam ɦaygira huruygira.

VUN ŊGOLNA 1:7

Ndaa ma lam u Yawena ni sok wira ŋgolla gaw. Yalna u haɗta, suu laɓana san u dla ndaɗta ni asi hol.

ROMMA 15:13

Lona ma mba juɓpa hoɓogi u furira u heɓpa halaŋ, hu vira agi vi umba a Musuk Lonara u saɓak mamma hoɓogi u juɓpa heɓpa.

SUNDA 8:1

Sol vi kam a ci Etiyen kiyo. Hu buu namma ni lassa ŋgola ndi kay suu vi Kristuna hu Yerusalem. Suu vina halaŋŋi njay kiyo, hinni suu vovoɗta doy hol, asi njay ki ni hu ndaŋgara Yudera u Samari.

VUN ŊGOLNA 8:13

Li ndaa Yawe ni aŋ noy ki ni dla cora gaw. Vun ma ŋga tara u kaboyna an ka minimbi, sunda cora halaŋ an ka miniɗɗi.

JOB 28:28

Nam hin di sa warna ana, «Ndaa ma lam u Bu Suunana ni yalna gaw. Ka taɓ taŋ eg dla coraɗi ni mbeleŋŋa gaw.»

NEHEMI 5:9

An hin di ana, «Dlara agi laɗta ka jiviɗi. Agi tuɗ ni ka u ndaa ma lam u Lonanaɗi su? A doo zolo ma vi suu babali maygisinana kiraɗi su?

EFESNA 4:12

Nam li na ni kay a min ii suu vina ki u Lona kay asi mba li sunda duk suu vi Kristuna. Kay a wul mbalata Kristu kolo hu vira.

2 KORINTNA 13:10

Kay ndaɗta an ɓiirigi magaara ko wani na kay an ki egegi day ni kay hu li ma an mba ha dukugi wani an ka hin lagi co kay ŋgolla suuna ɦandaraɗi ŋgol ndaɗta ni kay a wulugi kolo hu vira ka a ɓeŋegi ɓeŋi na ɗowɗi.

2 KORINTNA 10:8

Lini an ŋga tan kay saɓak ma Bu Suuna ɦamina a wulugi kolona ni ka kay a hoŋogi kaŋgaɗi ni an ka mbuɗ zoloɗi.

2 KORINTNA 7:1

Banayanna vi vun ma namma halaŋŋi maygi aygiya, laygi taygi ki teteɗ u tlesuu ɓeŋ ta sana u iiri mamba, sooygi taygi ki kay a kak teteɗ u ndaana vi Lona.

SUNDA 16:5

Suu vi Kristuna halaŋ fi eŋga hu viisira, ndumusi zul ha fok hu buuna na tew tew.

SUNDA 12:24

Boy Lonana njay ha ki hu li ma daŋŋa cocoo.

SUNDA 6:7

Boy Lonana zul ha ki fok zuli na ɗow ɗow. Suu haɗina zul hu Yerusalem cocoo, suu li ɓivunna ŋgolo tin hurusi kay Yesu.

NEHEMI 5:15

Ki fokon jew ni, muli suu ŋgolo suu jewna ci suuna kiyo, yowosi mappana u sum veŋŋa ki kosiya, yowosi nus kelew doonona ki kosi dok-fiɗi olo. Suu masi suu li sunda lay las suuna coco lay. An tanda may ni an li ka naɗi, kay an li ndaa Lona.

Magaara JUD Ɓiiriɗta 1:20

Agi banayanna tuɗugi fok u viigi ta teteɗta, cenegi u saɓakŋa vi Musuk Lonara.

HEBRENA 4:9

Ni koɗ tara vi Lonara hu buu ma kiɗisiyana hinni maŋ suu vi Lonna.

1 TIMOTE 1:4

Dasi asi hin dlara njunjunda u sem somoyosi suu day daynara kiyo. Dla ndaɗta zulni ciwayra ɦawaa, ka tuɗ sunda suɗta vi Lona ta ay vi huri uɗta fokgi.

1 TESALONIKŊA 5:11

Kay ndaɗta gagi hum tagi tew tew, haɗagi tagiya tagiya ko agi kaa day lira na lay.

KOLOSNA 1:10

Ni agi hin poy ko Bu Suuna minda na, li ni dlara nam minda lay. Ni agi hin li sunda jivira a wulugi fok hu wiigira kay Lona.

FILIPINA 2:1

Viigira hu Kristu mbuɗugi saɓak su su? Min mamba ɦagi eŋga wan su? Hurugi taɓi u Musuk Lonara su? Na ni agi hurugi taɓi duk tagiya, li dlara jivira duk tagi su?

EFESNA 5:21

Humugi u tagiya tagiya kay humba agi ka hum u Kristura.

EFESNA 4:29

Hin boy ma dawi a kal ki funugiɗi, dagi boy ma gasi a njun u suu hiŋŋa a wulusi kolo hu viisira, li jivira maŋ asi suu ka humugina may.

EFESNA 4:16

Mbalatara zeɗ zeɗta taɓi mbuɗ eŋga ni u sun mamba, mbalatara zeɗ zeɗta ŋgafi taɓi dew u va ma njunuɗna. Lini ɓorow maɗta zeɗ zeɗta halaŋ ka li sun maɗta jiviya ni mbalatara halaŋ hin wul hu minda.

2 KORINTNA 12:19

Ɗowba agi saa ana ami halni dlara doo tami fokogira ɦawa su? Ami ɓakŋi ko Kristu minda na fok Lona banayanna ami dagi dla ndaɗta halaŋŋi kay a wulugi kolo hu vira.

1 KORINTNA 14:26

A da boy namma kira ni ay li ni ana mege gorsenna? Hu li ma agi tokogi tagina wanni sa ma dukugi ma gi soolla kaa, sa ma haɗ suuna ka may, ma gi u dlara ŋgayra vi Lonara kina kaa, sa ma hiŋŋa ɓak u vun ma daŋŋa, sa ma gi u boy namma kina ka may. Halaŋŋi kay wul suu vina kolo hu vira.

1 KORINTNA 14:12

Agi hurugi ka haɗ kay ɦala vi Musuk Lonara va ma ŋgolna ni halagi a wul suu vina kolo hu vira.

ROMMA 14:19

Halaygi dla mayra jivi a tuɗ u heɓpa, hiniygi aygi fi eŋga ko taygi dew hu vira.

ROMMA 14:17

Mul Lonara ni ka kay tlesuu tira u cira ɦawaɗi, ni kay ɗegeera u heɓpa u furira hu Musuk Lonara.

ZAKARI 8:20

Yawe, ma Saɓakŋa Kom Belna, ɓak ana, gasi, agi hin wi suuna mbay cocoo, suu ay hu ɦoŋzi ma ŋgolona.

EZAYI 11:10

Hu buu namma ni mul ma wilina col ay hu njaf David ma goŋ Jesena hin col ki fok suuna a va ma suuna wam halaŋŋa. Njaf suuna halaŋ hin halamu, daŋ may mamba hin lini bibiŋilla.

SOOLLA 94:13

a koɗom tam hu buu ma cona, hu li ma aŋ ka vek zulla kay suu li dla corana.

1 DLAŊ MULINARA 22:18

«Na ni Yawe Loogina ka u agiɗi su? Na ni nam ɦagi heɓpa ki hu li ma keŋegina ka halaŋgi su? Gasi daŋ may ni nam ɦan suu hu mbas mayra hom ki u Yawe u suu mamsinara ki konu.

1 DLAŊ MULINARA 22:9

Gola, goona vuɗ ka varaŋu, nammi sa hin mba heɓpa. An him ɦam heɓpa duk tasi u suu babali mam suu ŋguy kamma halaŋ halaŋ, kay ana Salomonni semu. An hin ɦal heɓpa u kakka enda maŋ suu Israelna hu buu mamma.

SUU KAƁAKŊA 3:30

Hu li namma ni suu Moabma hoŋ ga u suu Israelna, mbassa vi suu Israelna fi heɓpa ii basara dok-kalavandi.

JOSUWE 21:44

Yawe ɦasi koɗ tara baɗaɗ zeɗ zeɗ halaŋ ko nam vi vunum ay ki fok jew u somoyosira na may. Suu babali masisina sa ma col fokosi dew kaɗi. Yawe ɦasi suu babali masisina ki hu duk kosi halaŋ.

GA 8ATAMBARA 12:10

Na may agi hin calaɗ lum ma Yurdanna, agi hin nda cuk hu mbassa Yawe Loogina ɦagira a jonara, nam hin dikigi suu babali magisina ki halaŋ halaŋ. Agi hin lakŋi u heɓpa.

SUNDA 2:47

Asi geleɗ Lona, suuna halaŋ ŋgaasiya, hu buuna halaŋŋi Bu Suuna cuk suu ki suɗi wilina dukusiya.

SUNDA 5:11

Suu vina u suu hum boy namma halaŋŋi mbuɗ ndaana ɦay.

SUNDA 20:32

«Cecemmi an hinigi ko Lona u boy mam ma oora. Nam ndaki kay a njunugiya, a ɦagi jivira nam ŋgaaɗ kay suu mamsina ko jona na, ni kay suu mbuɗi teteɗna halaŋ.