SUNDA 9:21 - Boy Lonana

²¹ Suu hum boy ma nam damma halaŋŋi viɗ ki ɦawa na viɗ. «Ni sa ma las suuna kay sem Yesu ay Yerusalemmaɗi su? Nam mba tani kay a yow suuna tuɗusi maŋ mul ŋgol ma li ɓivunnaɗi su?»

SUNDA 9:21 ပူးပေါင်းရင်းမြစ်များ

SOOLLA 51:13

Dikin ha ki day egeŋgi, paɗan Musuk maŋga teteɗta ki hurunɗi.

SOOLLA 71:7

Dlara mbuɗ mbuɗta fan cocoo, aŋ dew ni sa ma an ŋgay tan egeŋŋa.

EZAYI 8:18

Anu, u gor suu Yawe ɦansinana, ami ni a suu tak ki kay dlara duk suu Israelna. Ni u sem Yawe, ma Saɓakŋa Kom Belna, ma ka kaki kay yam ɦinira Siyonna.

ZAKARI 3:8

Hum haa, Josuwe, mul ŋgol ma li ɓivunna, aŋ u ndaryaŋ suu ka moli fokoŋŋa, suu asina ni va ma takka, An ka hoŋ saan ma sunda aya ma yam ana, gogor guna na.

NDUMBA 23:23

Dlara kumuna ka tew eg suu vi Yakobmaɗi, dlara joɓ fulina ka li suu Israelnaɗi. Suu Israelna hum dlara Lona min a laɗta ni hu liiɗu.

SUNDA 2:12

Asi halaŋ boy namma su ki kasiya, umba dira ka irisiɗi. Asi joɓ tasi ana u boy namma ni ana mege?

SUNDA 2:6

Hu li ma suuna hum soo ndaɗta na ni toki kay tasi dew dla ndaɗta mba kasi ni asi waɗ uɗ kaɗi, dukusi ni gegelay ɓakŋi u vun mamma mamma.

SUNDA 3:10

Asi wi sa ma li kaki fun zira yaɗ ana «vun zira jivira» cen suuna na mbuɗ na ni, asi mbuɗ ndaana lakira na jim ko dlara li egem ndaɗta.

SUNDA 4:13

Suu ŋgolona wi ɦiŋga vi Piyer u Jaŋ na ni asi mbuɗ lakira na jim, asi wi kasi ana asi ni suu ɦawana, haɗ magaara ka ŋgolɗi lay, asi hin wi kasi na daŋŋi, ana asi ni suu poy u Yesu jewna.

SUNDA 7:59

Asi gikim u gogoyra na ni Etiyen cen Lona ana, «Bu Suuna Yesu van ŋgus manda ha koŋu.»

SUNDA 8:3

Sol so tam ana nam bulum vira vi suu vi Kristuna kiyo. Nam tuɗ ki vi suuna na dew dew halaŋ a halasira. Njufi suu vina u boyogi suu vina nam yowosi cukusi daŋgayna.

SUNDA 9:22

Sol ɓak boyna u saɓakŋa cocoo. Hu li ma nam dasi ana Yesu ni Sa Lona Fuurumma ni, suu Juif suu laki Damasna ka wi va ma asi a hoŋom diraɗi.

2 TESALONIKŊA 1:10

Ni hu buu ma nam hin mbana, suu mamma hin geleɗemu, kay suu tin hurusi kamma halaŋ hin goɓ kaŋga fokomu. Agi hin li ni duk suu asina lay kay agi vi u boy ma ami damma.

1 JAŊ 3:1

Goloygi minda Buygi Lona miniygira ndaɗ ŋgol coco ɦay, min mamba ni kayra nam yaygi ana aygi ni goryomba. Aygi ni goryom daŋ may kay ndaɗta suu kay ndaŋgarana ka waygiɗi, asi ka wi Lonaɗi may.