SUNDA 9:10 - Boy Lonana

¹⁰ Sa ma haɗina dew sem ana Ana nias ka hu ɦoŋzina Damas, Bu Suuna tak tam irim yam ana, «Ana nias,» nam hoŋom dira ana, «An wanni Bu Suuna.»

SUNDA 9:10 ပူးပေါင်းရင်းမြစ်များ

SUNDA 22:12

«Sa maa dew sem ana Ana nias, nammi sa ma ɗilina, vi u gaɗ maygira, suu Juifna, suu hu Damasna, halaŋ minimu.

SUNDA 10:3

Fali taa dew ni fiɗigi a boyogina yow wa ma funa wanni, sa sunda huulona tak tam irimu, nam wi sa sunda huulona mba varam dam ana, «Korniye.»

URA TIN AYRA 22:1

Ŋgoo dagan tlesuu li ay ki wanna, Lona tuk Abraham dam ana, «Abraham». Nam hoŋ dira ana, «An wanni».

EZAYI 6:8

An hum del Bu Suuna di ana, «An hin sunni gege, sa ma hin tuɗ sunuygina ni gege?» An hin di ana, «An wanni, sununu.»

1 SAMUEL 3:4

Yawe yi Samuel. Nam hoŋom dira ana, «An wanni.»

KALKIRA 3:4

Yawe wi ana nam hoŋ ay dagan ka gola ni, Lona yam ay duk hum guna, «Moiz, Moiz.» Nam humum ana, «An wanni.»

URA TIN AYRA 31:11

Sa sunda huulona vi Lona yan hu doyra ana, Yakob. An humum ana, An wanni.

SUNDA 2:17

Gologiya ni va ma Lona dam kay buu ma hin li ay daganna, An hin njay Musuk manda ki kay suuna halaŋ. Gor njufi magisina u gorɓii magisina hin di ki kay Boy Lonana. Gorzoŋi magisina tlena hin tak tasi ki irisiya, suu magi suu maana doyra hin dasiya.

DANYEL 2:19

Na ɗaŋŋi Danyel hin fi u dlara mbuɗ mbuɗ ndaɗta ki u doyra hu senna njeŋgee. Na ɗaŋŋi Danyel hin gi deɓpa maŋ Lo ma kolo huulonana.

2 SAMUEL 15:26

May lini nam di wa ana, an ka miniŋ boy maŋŋa oloɗi ni jivira ni nam lan dlara hurum vaɗta egenu.»

NDUMBA 12:6

Nam di ana, «Humun ki boy manna ha daŋ, lini sa ma jok vun Lona ka dukugiya ni an Yawe tak tan irimmi hu doyra ɦawaa. An njaɗ u nammi hu doyra.

URA TIN AYRA 14:15

Nam ɓorow ii suu duu mamsina ki a dugusi njeŋgera. Nam u suu sun mamsina su kasi dikisi ta ta Hoba, ni ii ma mbayawna vi Damas.

SUNDA 9:9

Nam li buuna hindi irim ka wiɗi, ti vaɗi lay, ci vaɗi lay.

SUNDA 11:5

«An ay hu ɦoŋzi ma ŋgolna Yoppe a cen Lona ni vana tak tam irinu. An gol irinu ni vana ay giɗi u ladarana kolo huulona, njuni keŋem fiɗi ndi ay kaŋga egenu.

SUNDA 12:9

Piyer kal ay ki hu zira daŋgayna gi tam tuɗa u sa sunda huulona. Nam saa ka ana dlara sa sunda laɗta ni gasira naɗi, nam cow ni ana va tak tam irimmi takiya.

SUNDA 16:9

Hu njeŋgera wanni van tak tam irimu, nam wi sa ma Masedoinna coli fokomu, ka dam ɗaŋi ana, «Tuɗ ay Masedoin mbay njun umiya.»

SUNDA 16:10

Cecemi ŋgoo va ma tak tam irimma may ni, ami cukumi tami tuɗ Masedoin ni na gaw. Ami wi ki kami ana Lona yami ay ni ana ami tuɗ di Boy ma Ayra ki maŋ suu hu li namma na.

SUNDA 18:9

Hu njeŋgera wanni vana tak tam ii Pol, Bu Suuna dam ana, «Li ndaaɗi, seŋ taŋgi, di ha ki na gak gak.

2 KORINTNA 11:32

An ay hu Damas mul ma li sunda vi mul ŋgolna Aretas, cuk suuna gol vun grekŋa ɦoŋzi ŋgolna kay a vanda.

GALATENA 1:17

An tuɗ ay ka Yerusalem eg suu vovoɗ suu jewennaɗi lay, an tuɗ ki ni Arabi na ɗow hin hoŋ ay ni Damas.

SUNDA 9:12

Nam gola ni sana viriw irim sem ana Ana nias kal um tin kom kamu, kay irim mal ki nam mbuɗ wiya.»