SUNDA 8:39 - Boy Lonana

³⁹ Asi sel ay ki kolo doŋ mbona selni, Musuk Lonara tli Filip kiyo, sa ŋgolna wam ka oloɗi, nam tli voɗ mamba ay kom u furira.

SUNDA 8:39 ပူးပေါင်းရင်းမြစ်များ

1 MULINA 18:12

Hu li ma an tuɗ hiniŋ ka wa Musukka vi Yawera tlaŋ ki wa, an ka wi li ma aŋ tuɗ huna oloɗi lay, an hin tuɗ di Akab ha ki ana aŋ ka tani may, nam mba faŋ kaɗi ni, nam hin can ki ni anu. Doli ɗini saaŋ ma sunda li ndaa Yawe ay ni u zoŋ tam day.

2 MULINA 2:16

Asi dam ana, «Suu sun maŋsina asgaari suu wi duuna ka usi na dok-vadl ni aŋ ndak a ɦami voɗta a ami sunusi asi tuɗ hal sa ŋgol maŋŋa, kala ŋgussa vi Yawera tlam ta ni gam ka ki kolo kay ɦini taa kala, kaŋga hu ɦuɗugum taa kala nige?» Nam hoŋosi dira ana, «Sunugi saɗi.»

EZEKIYEL 11:24

Musuk Lonara tlanu, an wi tanu ni ha ki ni duk suu yowosi ha ki hu mbassa Babilonda gaw. Dla ndaɗta an waɗ ni hu takka vi Musuk Lonara, wira an waɗ ndaɗta su ki ni kolo kan na ɗow.

EZEKIYEL 8:3

Vana maɗ ay ki ko ndal ko sa warna na, mboɗon tlimiɗ yan u dewna. Ŋgoo dagan Musukka tlan ki kolo duk ɦoŋ huulona u ndaŋgara. Hu wiinda ni ndaɗ tuɗun hu Yerusalem, colon fun vun ma kal ha kalafi dukŋa hu Ziŋ Lonara hu keŋ ma ii mbayawna na, ni hu li ma fuli ma dlam cona ka tini huna, fuli ma zuɗ suuna mbuɗusi hurusi ki cona.

EZEKIYEL 43:5

Musuk Lonara colon koloo, kalan ki kurufu hu kaana. An gola ni bibiŋilla vi Yawera oy huu Ziŋ Lonara kiyo.

EZEKIYEL 11:1

Musukka tlan koloo, tuɗun ha ki fun Ziŋ Yawera ii u maɗiina vun goŋga u maɗiinara na gay. Hu vun zira a kal ha kalafira ni suuna ka laki hu na dok-mba' yam vadl. Duk suu asina ni an wi Yazaniya ma goŋ Azurna u Pelatiya ma goŋ Benayana. Asi ni muli suu fok suunana.

MARK 1:10

Hu li ma nam taɓa ay kolo doŋ lumma taɓana, nam wi huulona ki maliya. Musuk Lonara sii ay kaŋga kam ko gugukka na.

FILIPINA 3:3

Aygi ni suu tak gasira vi caw ɗiwra, ni ka asiɗi, aygi ni suu sun Lona u Musuk mamba, aygi col gasi maygira ni hu Yesu Kristu, aygi tin huruygi ni ka kay dlara vi sa warnaɗi.

Magaara JAK Ɓiiriɗta 4:16

Cecemi agi ŋga tagi ni ŋgaaya tlagi yagi kolo lay, ŋga ta mayra ko ndaɗta nara ni coo.

FILIPINA 4:4

Furiyugi hu Bu Suuna na gak gak an di olo furiyugiya.

ROMMA 5:2

Aygi mbuɗ ndakira ni hu vi mayra u Yesura, cecemi aygi mbuɗ tok eg oora vi Lona ta nam miniygi huruɗta, u juɓpa ay furi hu ŋgolla vi Lonara.

SUNDA 13:52

Suu haɗina hu Antiok hurusi oyra u furira u Musuk Lonara.

SUNDA 8:8

Hu ɦoŋzi ŋgol namma suuna li furira cocoo.

MATIYE 13:44

«Mulla huulonara tli taɗ ki ko begera ŋgay duk senenara na. Sa ma dew faɗ fi ni, hoŋoɗ ha ŋgayra. Hurum furi cocoo. Nam tuɗ gus tlegeyem ki halaŋ, hoŋ ay gus sene namma gaw.»

MATIYE 3:16

Yesu fi batemma fi ni, a ɗuŋ ay ki kolora wanni, huulona mal ki gaw. Nam wi Musuk Lonara si ay kam ko gugukka na.

EZAYI 61:10

Yerusalem ŋga Lona di ana, an furi cocoo, furi coco ni kay Yawe, iri manda furi coco kay Loonna, kay nam cukun baraw ma suɗta egenu, nam kalan hu baraw ŋgol ma kaɓakŋa, ko ndal goora min taɗ a hal njufna, ɗowba mul ma li ɓivunna tin jumba jivira kamba na, ko goora hal a i njufna min taɗ ki jivira na.

SOOLLA 119:111

Gaɗ maŋga halaŋ mbuɗ ki ni a vaan ma kay tanna, ndaɗ hin ki ni a furi manda hurunda.

SOOLLA 119:14

Hu li ma an ka li u gaɗ maŋgana an ka fi ni furira na ɗow. An mbuɗ ni sa ma tlena kom cocona.

SUNDA 16:34

Nam yow gi Pol u Silas varam yow ni i ɦasi tina. Sa namma u suu mamma halaŋ li furira ŋgolo, kay asi mbuɗ ki suu vi Lonna.

EZEKIYEL 37:1

Saɓak ma vi Yawena mbay kanu, Musuk mamba tlan tuɗ tinin ki hu ɦuɗugumba ŋgolla sok suu warna cuki kaŋga hu na cakam cakam.

SUNDA 8:29

Musuk Lonara di Filip ana, «Ҥuɗ taŋ ha eg pupusna hu tok.»

SUNDA 8:38

Nam col pupusna na gawni, asi cuk ki kaŋga ca ni, Filip mbusum batemma.