SUNDA 8:28 - Boy Lonana

²⁸ Nam hoŋ ay vora wanni ful hu pupus mamma na ni ndum magara vi sa ma jok vun Lona Ezayi.

SUNDA 8:28 ပူးပေါင်းရင်းမြစ်များ

KOLOSNA 3:16

Ko boyna vi Kristu u ɦiz mamba halaŋ kak hurugiya haɗagi tagiya gaɗagi tagi duk tagiya tagiya u ne mayra jivira. Gagi soolla gi deɓpa maŋ Lona u hurugi halaŋ, gagi soolla gi deɓpa ɗegeera, u soolla furira ta Musukka haɗagirara.

SUNDA 28:25

Asi cuk tasi ɦawa bay vunusi taɓ duk tasiya. Pol dasi ɦawa ana, «Musuk Lonara di gasini u voɗoɗu, hu li ma ndaɗ di somoyogi u vun sa ma jok vun Lona Ezayi.

Boy Ma Ayra Ma LUK Ɓiirimma 4:17

Asi ɦam magaara vi sa jok vun Lona Ezayi. Nam buɗ magaara kiyo, fi li asi ɓii kam huna ana,

Boy Ma Ayra Ma LUK Ɓiirimma 3:4

Lini dlara Ezayi sa ma jok vun Lona ɓiiri ay jew hu magaa mamba ana, «Del sana sawalla ki ŋgoo bagiya, ɗoɓogi voɗta vi Bu Suunara kiyo, mbuɗuɗ huruɗ kiyo.

EZAYI 1:1

Gola ni dlara Ezayi ma goŋ Amosna waɗ kay zi ma Yudana u ma Yerusalemma, ni hu li ma Oziyas, Yotam, Ahaz u Ezekiyas a mulina hu mbassa Yudarana.

SOOLLA 119:111

Gaɗ maŋga halaŋ mbuɗ ki ni a vaan ma kay tanna, ndaɗ hin ki ni a furi manda hurunda.

SOOLLA 119:99

An mbuɗ yal su suu haɗanna, kay an ka saa kay gaɗ maŋga.

JOSUWE 1:8

Ka magaara gaɗta tuɗ ki funuŋ dayɗi. Aŋ hin hosokoɗ ni faali lay, njeŋge lay. Ni kay a li u tlesuu ɓiiri huruɗna halaŋ. Aŋ li wa na ni aŋ hin fi tlena hu iiri maŋga coco lay, dlara aŋ laɗta halaŋ aŋ ka puk hu taaɗi lay.

SUNDA 8:27

Filip col kolo gi tam hu voɗta wanni ŋgaf u sa ma Etiyopina hu voɗta kay tam dew, sa namma ni sa ma huɗum ki paɗina, nammi sa ma ŋgol ma gol begera vi cara mulla Etiyopira, nam ay Yerusalem a cen Lona.

SUNDA 8:29

Musuk Lonara di Filip ana, «Ҥuɗ taŋ ha eg pupusna hu tok.»