SUNDA 8:24 - Boy Lonana

²⁴ Simon di Piyer u Jaŋ ana, «Cenegi Bu Suuna ay kanu, kay a boy ma agi dam wanna mba li hurun oloɗi.»

SUNDA 8:24 ပူးပေါင်းရင်းမြစ်များ

NDUMBA 21:7

Suu Israelna mbay eg Moiz dam ana, «Ami li coo, hu li ma ami gurni eg Yawe may, gurni egeŋ mayna. Aŋ cen Yawe nam ɦuɗumi guyugina ha ki egemiya.» Moiz cen kay suuna.

KALKIRA 8:8

Moiz u Aaron cuk ay ki vi Faraw, Moiz joɓ Yawe kay dla luu ma ka hu mbassa Egiptena ma mbuɗ Faraw li ndaana cocona.

Magaara JAK Ɓiiriɗta 5:16

Dagi coogira ki duk tagiya, cenegi kay tagiya tagiya kay agi mba garaɗ kiyo. Cenda vi sa ma ɗegeena hurum toki kaɗ dewna, saɓakaɗ ka cocoo.

JOB 42:8

«Cemi ni agi yowogi bologi mbutlugina na kiɗisiya, gamlagina na kiɗisiya may. Tuɗugi eg saan ma sunda, Job. Lagi ɓivun ma ŋgalam ki ŋgalina kagiya. Saan ma sunda, Job, hin cen kagiya. An ka lagi co ko agi li wandara naɗi ni kamu. Agi suu ɓak ka ki kan u jiviraɗina, lagi ka ko saan ma sunda, Job, lira naɗi.»

1 MULINA 13:6

Mulna di sa ma jok vun Lona ana, «Heɓ huu Yawe Looŋŋa ha na heɓge, cen ha kanu, hinin a kon hoŋ cuk ki ga na cage.» Sa ma jok vun Lona heɓ huu Yawe ko mulna hin hoŋ cukka kaŋga may. Kom hoŋ ki balamam ko fok jewra na.

1 SAMUEL 12:23

Kan an may ni li sulukŋa eg Yawe, ni dla cora ŋgolla kay hinda an hin ka a cen kagiɗira. An hin takagi voɗta jivira u voɗta ɗegeera.

KALKIRA 12:32

Yoori magisina suu ŋgolona u suu gorina lay yowosi ugi halaŋ ko agi dira na. Tuɗugiya, paɗ vunugi ka ki kan may.»

KALKIRA 10:17

Cemi an cenegiya heɓ hurugi egen olo. Cen Yawe, Loogina, a nam wan hahawan dikin miɗ namma ha ki egen na dikge.»

URA TIN AYRA 20:7

Cecemi hoŋ cara maŋ njufuɗu kay nammi sa ma jok vun Lona, nam hin cen kaŋu aŋ hin kak iiriya, lini aŋ hoŋoɗ kaɗi ni, aŋ wi ki kaŋ ana, aŋ hin miɗ ki u suu maŋsina halaŋ.»

EZDRAS 8:23

Ami li laara ɗaŋŋi joɓ heɓpa ko Loomina. Nam hin humumiya.

EZDRAS 6:10

a asi ɦal ɓivun ma taɓ dukka ay maŋ Lo ma kolo huulonana, a asi cen kay mulna u goryomu.

1 SAMUEL 12:19

Suuna halaŋ di Samuel ana, «Cen Yawe kay suu maŋ suu sunda ka ami miɗ kiɗi, kay suluk ma ami lamma halaŋ ami cuk dla cora kayam u joɓpa ami joɓ mulna ki kamira.»

URA TIN AYRA 20:17

Abraham cen Lona nam hin garaɗ Abimelek kiyo. Caŋ Abimelekka u boyogi suu sunda varamma gijaŋ vuɗta.

JEREMI 37:3

Mulna Sedesiyas sun Yehukal, ma goŋ Selemiyana, u mul ma li ɓivunna Sefaniya, ma goŋ Maaseyana eg sa jok vun Lona, Jeremi, dam ana, «Joɓ ay kamiya, an ceneŋu aŋ joɓ Yawe, Loomina, ay kamiya.»

JEREMI 42:2

eg sa jok vun Lona, Jeremi, dam ana, «Hinimi voɗta ami tii tami egeŋu. Tii taŋ ha eg Yawe, Looŋŋa, kay umira hin ew wanda. Gasi ami suu hin iirina ni ew ɦawaa, may ami li ay jew ni bolowo. Aŋ wi dla ndaɗta lay.