SUNDA 7:60 - Boy Lonana

⁶⁰ Nam goɓ kaŋga u vun givim sawalla kolo eŋga ana, «Bu Suuna ŋgaasi co ndaɗta kasiɗi,» vunum ndi kaŋga may ni miɗ ni na gaw.

SUNDA 7:60 ပူးပေါင်းရင်းမြစ်များ

EZDRAS 9:5

Hu li ma a li ɓivun ma fiɗigina ni an kal ay ki hu liin ma hahawra baraw manna lay koɓoɗ manda lay ki hariya. An goɓ kaŋga u vok givinu. An baa kon maŋ Yawe, Loonna.

DANYEL 12:2

Bolow suu miɗi kaŋga duk ndaŋgarana hin dliɗ ki koloo, suu ɦiw hin fi iirira bay daɓpa may, suu ɦiw hin fi zolona a warak masi ma didinna may.

DANYEL 6:10

Hu li namma mulna Dariyus tin kom kay gaɗta doo suuna u ndaɗta.

MATIYE 27:52

Vun zulla mal kiyo, suu miɗ ki jew suu vi Lonna sel ki kolo iiriya.

MATIYE 5:44

Anu, an dagi ana, Minigi suu babali magisina. Cen Lona kay suu lasagina.

Boy Ma Ayra Ma LUK Ɓiirimma 22:41

Nam maɗ duk ɦoŋom ki u asi na nde ni, goɓ kaŋga a cen Lona.

Boy Ma Ayra Ma LUK Ɓiirimma 23:34

Yesu di ana, «Bunu, vaɗasi coosira kiyo. Dlara asi laɗta asi ka waɗɗi.» Asi ɓorowom baraw mamma ki kosi a ci ɓelera.

Boy Ma Ayra Ma LUK Ɓiirimma 6:28

Suu yagi tlena kagina, agi yasi sesi jiviya. Cenegi Lon na ni hurugi jivi eg suu lasagina.

Boy Ma Ayra Ma JAŊ Ɓiirimma 11:11

Yesu ɓak na ni, hin dasi ana, «Banaygina Lazar ha buuri senna, an tuɗ dliɗim ki koloo.»

SUNDA 13:36

Hu li ma David ayna ni nam sun Lona ko nam minda na, nam hin miɗa asi pammi kay us somoyomu, nam loɗ ki ko suu daŋŋa na may.

SUNDA 20:36

Pol daɓ ɓak mamma daɓmi, asi halaŋ goɓ kaŋga u vun givisi cen Lona.

SUNDA 21:5

Hu daɓpa vi buu ma kiɗisiya ma ami lam u asina ni, ami jak fok gak gak tuɗ koy mamira. Asi halaŋ tuɗ a tinimira, boyogina lay, gorkemba lay, gak gak tinimi ha ki doŋ kaana. Ami goɓomi kaŋga u vun givimi halaŋ doŋ lumma cenemi Lona.

SUNDA 9:40

Piyer cuk suuna ki bunsu halaŋ, goɓ kaŋga u vun givim cen Lona, nam pereɗ irim egeɗ na ni, daɗ ana, «Tabita col koloo.» Ndaɗ mal iriɗ ki na ni wi Piyer, ndaɗ kak ki ha uɗ gaw.

1 KORINTNA 11:30

Ni kay ndaɗta suuna dukugi ŋgolo, fi tuguɗira, mbuɗ maŋi lay, suu miɗina bolow lay.

1 KORINTNA 15:18

Ni di ana suu vi u Kristu suu miɗna ki baaya.

1 KORINTNA 15:20

A gasira ni Kristu paɗ ki kolo hu miɗna iiriya, nammi sa ma gi vun miɗna jewna, kay suu miɗina hin paɗ ki kolo hu miɗna iiri may.

1 KORINTNA 15:51

An min takagi dlara ŋgay ha dew. Aygi ka miɗ ki halaŋgi aygi halaŋ hin mbuɗ kiyo.

1 KORINTNA 15:6

Ŋgoo dagan nam tak tam ii suu mam suu haɗina su kis kis vadl, suu ɦiw dukusi ka iiri cecemi tuwa, suu ɦiw ki miɗi may.

1 TESALONIKŊA 5:10

Ni ma miɗi kaygina a aygi lini iiri lay miɗi lay lakaygi ni u nam dew.

2 TIMOTE 4:16

Hu li ma an di ay ki kay viinda ni sa ma njun ay un kaɗi, an ay fun dlaanda ni u dew tanu, suuna halaŋ noyon kiyo. Ko Lona ŋga co ndaɗta kasiɗi.

2 PIYER 3:4

«Nam di ki jew ana nam hin mbaa naɗi su? Ha nam ara ɗowge? Somoyoy halaŋ miɗ kiyo ni dlara hin halaŋŋi tuɗ ni ko u ndaŋgara tin ay jewra na.»