SUNDA 7:56 - Boy Lonana

⁵⁶ Nam di ana, «Humugiya, an wi huulona ki maliya, Goŋ Sanna coli kay bik ko Lona ma njufna.»

SUNDA 7:56 ပူးပေါင်းရင်းမြစ်များ

EZEKIYEL 1:1

Hu basara dok-hindira, hu til ma fiɗina, hu buurum ma vadlna ni an ay duk suu yowosi ha ki balna laki na tok eg mbo lum ma Kebarna, huulona mal kiyo, an wi tlesuu ha kolo huulonna.

MATIYE 25:31

«Mayra Goŋ Sanna hin mbay kay mul mambara wanni, suu sunda huulona umu, nam kak kaŋga kay dlam mamba mulla ta bibiŋilla.

MATIYE 3:16

Yesu fi batemma fi ni, a ɗuŋ ay ki kolora wanni, huulona mal ki gaw. Nam wi Musuk Lonara si ay kam ko gugukka na.

MATIYE 8:20

Yesu dam ana, «Bayakka zuluɗ ka lay, laygina ziisi kasi lay. Goŋ Sanna, li nam koɗ tam hu kaɗi.»

MARK 1:10

Hu li ma nam taɓa ay kolo doŋ lumma taɓana, nam wi huulona ki maliya. Musuk Lonara sii ay kaŋga kam ko gugukka na.

Boy Ma Ayra Ma LUK Ɓiirimma 3:21

Suuna halaŋ fi batemma eg Jaŋ ma mbus batemma wanni, Yesu fi batemma may, hu li ma nam cen Lona na ni, huulona mal kiyo.

Boy Ma Ayra Ma JAŊ Ɓiirimma 1:51

Nam di olo ana, «An dagi ni gasira, agi hin wi huulona ki maliya, agi hin wi suu sunda huulona tuɗ koloo, hoŋ ay kaŋga kay Goŋ Sanna.»

SUNDA 10:11

Nam gol irim ha kolo na ni, huulona mal kiyo, vana ay giɗi u ladarana keŋem fiɗi ndi ay kaŋgaa.

SUNDA 10:16

Dira ndaɗta dam yam hindi. Kak njokŋi tlesuu giɗi asina hoŋ kolo huulona ni na gaw.

SUNDA 7:57

Asi tum soora na ŋguk ŋguk ŋgel humusi ki kay boy namma, asi ɓaɗ tasi ha kam na zak zak u dlaasira halaŋ halaŋga.

WIRA ŊGAYRA 11:19

Vun Ziŋ Lonara ha kolo huulona mal ki wa, Zandukka Galamba hu Ziŋ Lonara suuna waɗ ha kiyo. Weleɗta liya, soora tumma, lo ma bayra baya, ndaŋgara wii na gizik gizik, dlaŋmagina cuk ki kaŋgaa.

WIRA ŊGAYRA 19:11

An gol irin ha kolo ni wi huulona ki maliya, kulum haɓma kal ki kiɗiki, sa ma fuli kamma sem ana ɗegeena, gasina, ma kaɓakŋa, ma duu duu ma ɗegeena.

WIRA ŊGAYRA 4:1

An wi va ma daŋŋa tak tam irinu, gola ni vun zira ha ki mali kolo huulona. An hum della soo ay kolo huulona ko dif tokolomma ɓakan ay jewra na, dan ana, «Ful ay kolo tani, an min takaŋ dlara hin mbay fokka.»