SUNDA 7:44 - Boy Lonana

⁴⁴ «Ŋgoo bagi ni somoyoygi min mbutluɓma kay magaara gaɗta, ɓiiri kay ɦinira nam mini ko Lona di maŋ Moizza na may, nam di Moiz ana nam zul u ma daŋ ha ko ma nam wamma na.

SUNDA 7:44 ပူးပေါင်းရင်းမြစ်များ

KALKIRA 25:40

Aŋ tuɗ gol jiviya, a asi min ko ndal an takaŋ mbeleŋ namma ha kolo kay ɦinira wanda na may.

KALKIRA 38:21

Gola ni bassa basaɗ kay a min mbutluɓmara kay Zandukka Galamba. Asi ndum tlena halaŋ ko Moiz dasira na. Ni sunda vi goryoŋ Levina, asi laɗ ni sa ma fokosina ni Itamar, ma goŋ mul ma li ɓivunna Aaronna.

HEBRENA 8:5

Muli suu li ɓivunna jok ay ni va ma ay ɓiiri jewna, ni ŋgus tlesuu ka kolo huulonna. Dla ndaɗta tli taɗ ni u mayra li ay u Moizza. Hu li ma nam a tuɗ min mbutluɓma wanni Lona dam anaba, «Aŋ tuɗ minim ko ma an takaŋŋa ay kolo kay yam ɦinirana na.»

HEBRENA 8:2

Nam ka li sun mamba mul ŋgol ma li ɓivunna hu li ma teteɗna. Ni di ana hu mbutluɓma gasina ma Bu Suuna minimma, ka ni saɗi.

2 DLAŊ MULINARA 24:6

Mulna hin yi mul ŋgol ma li ɓivunna, Yoyoda, ha egem dam ana, «Aŋ vi hum suu vi Levina ka kay a asi tuɗ taa gursura ay hu mbassa Yudara u Yerusalem ta Moiz sa ma sun Lona u suu Israelna tin taa ndaɗta a min mbutluɓmaranaɗi ni kay mege?

1 DLAŊ MULINARA 28:19

Tle asina halaŋŋi Yawe ma takan yal sun ndaɗta a lirana ɓii tle asina ni u bik komu.

1 DLAŊ MULINARA 28:11

David ŋga fiyek li ma fun zirana maŋ goromma Salomon. Li ma vi zigininana ma vi zigini suu mol tlena huna u zigini suu kolo fiyekina, hurusi ma kurufuna ma vi zira bulum cora ki huruɗta.

JOSUWE 18:1

Suu Israelna halaŋ tok tasi hu ɦoŋzina Silo, suu muli suu li ɓivunna u suu njun usina pi Mbutluɓ ma Tokka huwa, mbassa halaŋ hin ki ni masira.

NDUMBA 18:2

Aŋ hin gorseŋ suu hu njaf ma vi Levina mbay li sunda uŋ hu Ziŋ Lonara may, asi ni a suu funuŋŋa njunuŋ a li sunda, may aŋ u goryoŋ cologi fun Mbutluɓ Galamba ni agi doy hol.

NDUMBA 10:11

Hu basara mbara dagan basara suu Israelna cuk ay ki hu mbassa Egiptera, hu til ma mbana, hu buu ma dok-mbana ni ɗugulla ka ki kay Zira Galamba vi Lonara.

NDUMBA 9:15

Hu buu ma asi min Ziŋ Lonara kina ni ɗugulla kuluɓ ki kolo kaɗ na dlim kolo kay Mbutluɓ ma Galamba. Njeŋge ni ɗugulla li kiɗikka kasi ta ta fo lina u ndaɗta.

KALKIRA 26:30

Aŋ min mbutluɓma ni ko ndal an takaŋŋa ay kolo kay ɦinirara na.

KALKIRA 27:8

Givin ma togolla laɗ ni u guna, dukuɗ ki ni ɦawaa, laɗ ko ndal haɗaŋga ay kay ɦinirara na.

JOSUWE 3:14

Hu li ma suu Israelna hin mbutluɓ masina yow wa a calaɗ mbo lum ma Yurdanna ni, muli suu li ɓivunna suu zi Zandukka Galamba tuɗ ha ni fokosiya.