SUNDA 7:2 - Boy Lonana

² Etiyen hoŋ dira ana, «Gorsenna u somoyonu humugi haa, Lona ma ŋgolna tak tam ii buygi Abraham ay hu Mesopotami ni bay nam tuɗ kak hu Haran tuwa.

SUNDA 7:2 ပူးပေါင်းရင်းမြစ်များ

URA TIN AYRA 11:31

Tera tay goromma, Abram, u goŋ ŋgolo mamma, Lot, ma goŋ Haranna, u Sarai, caŋ goomma, Abramba. Nam col ay u asi Ur hu mbas Kaldera a tuɗ Kanaan. Asi tuɗ ta ta tew Haran hin lak huwa.

URA TIN AYRA 12:1

Yawe di Abram ana, «Hin mbas maŋga u somoyoŋu u ziŋ buŋŋa ki tani, tuɗ hu mbassa an hin takaŋgara.

URA TIN AYRA 12:5

Abram tay caamba, Sarai, u goŋ wayammana, Lot, umu. Nam yow bege mamma u mborɓii suu nam gususi hu Haranna halaŋ umu. Asi tin irisi a tuɗ hu mbassa Kanaanda. Hu li ma asi tew ki hu mbassa Kanaanda,

URA TIN AYRA 15:7

Yawe dam olo ana, «Anni Yawe ma kalaŋ ay ki hu Ur hu Kaldera a ɦaŋ ndaŋgara aŋ kaɗ wandara ni maŋu.»

URA TIN AYRA 29:4

Yakob joɓ suu taa yoorina ana, «Gorsenna agi ni suurage?» Asi hoŋ dira ana, «Ami ni suu Haranna.»

NEHEMI 9:7

Aŋŋi Yawe Lo ma ŋgaɓ Abram, kalam ay ki hu Ur ta vi suu Kaldenara hin tinim sem ki ana Abrahamma.

SOOLLA 24:10

Mul ma bibiŋil namma ni gege? Ni Yawe ma Saɓakŋa Kom Belna, nammi mul ma bibiŋilna.

SOOLLA 24:7

Vun ma dugi kolo jew dayna, mal kiyo, hin mul ma bibiŋilna kal kalafiya.

SOOLLA 29:3

Del Yawe su ki kolo kay mbona, Lo ma bibiŋilna ka bay delemu, Yawe ti mul kay mbona halaŋ.

EZAYI 37:12

Loogi suu vi njaf suu daŋŋa suu somoyon ɓalakasi kina, ko ndal Gozan, Haran, Ressef u goryoŋ Edenna suu ay hu Telasarna na?

EZAYI 51:2

Humugi gagi kay bugi ŋgolo Abraham u sugi ŋgolo Sara suu vuɗugina. Hu li ma an yasina ni asi ni mba' daŋ, An hin paɗ vunun ki kasiya, zulusi ki bolowo.

EZAYI 6:3

Asi sawalla kolo duk tasi ana, «Teteɗ, teteɗ, teteɗ, Yawe, ma Saɓakŋa Kom Belna. Bibiŋil mamba oy ki kay yam ndaŋgara halaŋ halaŋ.»

MATIYE 6:13

Hinimi hu ndembaɗi. Suɗumi ki ko Ma Cona suɗu. [Kay mulla lay maŋga, garaŋga lay maŋga, ŋgolla lay maŋga. Amin.]

Boy Ma Ayra Ma LUK Ɓiirimma 2:14

«Geleɗey Lo ma kolona. Nam ɦal heɓ mamba ay kay ndaŋgara maŋ suu nam minisina.»

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

Boy Ma Ayra Ma JAŊ Ɓiirimma 12:41

Ezayi di na ni kayra nam wi ŋgolla vi Yesura, nam ɓakŋi kamu.

SUNDA 22:1

«Gorsenna u somoyonu, humugi boy manna an dam ka cecemma.»

SUNDA 23:7

Nam di boy namma na di ni suu Farisenna u suu Sadusenna irisi ɓorow ki mba', dlara col kolo dukusi ni suu tokina halaŋ vunusi ka taɓ oloɗi.

SUNDA 7:1

Mul ŋgol ma li ɓivunna joɓ Etiyen ana, «Gasi su?»

1 KORINTNA 2:8

Hu ndaŋgara tani sa ma ndak a wi nera ndaɗta kaɗi, lini asi waɗu ni asi ka ndak a ɓal Bu Suuna vi ŋgolla ki kolo hu gu ma garakŋaɗi.

EFESNA 1:17

An joɓ Lona vi Bu Suuna Yesu Kristu, mala ŋgolla, a nam ɦagi Musukka hin a takagi dlara ŋgayra vi Lona a agi hin wi Lona ki jivi suwa.

TITTA 2:13

Ndaɗ haɗay kay ay mba kak iiri a juɓ u furira hu buu ma ay ka saa kamma. Ni hu buu ma bibiŋilla vi Lona ma ŋgolna, u Sa Suɗta Yesu Kristu hin mbana.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

HEBRENA 11:8

U vira Abraham hum vun Lona hu li ma nam yamma, nam tuɗ hu mbassa ndaŋga Lona ɦamba a jonara. Nam hin mbas mamba kiyo, tuɗ hu mbas mayra bay nam waɗta.

Magaara JAK Ɓiiriɗta 2:1

Gorsenna agi suu lagi hurugi tini kay Bu Suuna mayna Yesu Kristu ma bibiŋilna, agi ka ndak a li tagi ii suuna zeɗ zeɗɗi.

JOSUWE 24:2

Josuwe di suu toki halaŋŋa ana, «Gola Yawe, Lo ma vi suu Israelna, di ana, somoyogi ay jew cuki ni ŋgoo lumma ii ma hiniŋŋa. Terak, ma bu gi Abraham, u Nakorna asi ay jew sunni loogi suu daŋŋa.

WIRA ŊGAYRA 4:11

«Bu Suuna mamina, Loomina, aŋ ndaki a sa ɦaŋ ŋgolla maŋu, geleɗeŋu, saɓakŋa lay ni maŋ bel. Kay aŋ min tlena halaŋŋi aŋu, tlena halaŋ ka iiri ni u min maŋga.»