SUNDA 5:5 - Boy Lonana

⁵ Ana nias hum boy namma na ni ndi kaŋga miɗ gaw. Suu hum dla ndaɗta na mbuɗ ki ndaana na halaŋ halaŋ.

SUNDA 5:5 ပူးပေါင်းရင်းမြစ်များ

SUNDA 2:43

Suuna halaŋ mbuɗi ndaa ŋgolo kay suu vovoɗta li dlara mbuɗta u takka cocoo.

WIRA ŊGAYRA 11:13

Hu li namma na ni ndaŋgara wii na gizik gizik, keŋ ɦoŋzi ŋgol ma doogona bow ki kaŋga kirip! Suuna bup bup kiɗisiya wiira vi ndaŋga ndaɗta casi kiyo. Suu daŋ suu hin iirina mbuɗ ndaana cocoo, asi geleɗ Lona ma kolona.

WIRA ŊGAYRA 11:5

Lini sa halasi a li va ma co egesiya ni, kura kal ay ki funusi ŋgal suu gonok masisina ki gaw. Sa ma halasi a gonokka asi cam ki ni ko ndaɗta na.

2 KORINTNA 13:2

An min di yam suu li cora ay ki jewna u suu daŋŋa halaŋ lay, an dagi ki jew hu li ma an ay varagi a yanda mbara cecemi an ha ka dukugiɗi hin ha fokka an tuɗ ha varagi wa ni an ka wi hahaw sa oloɗi.

2 KORINTNA 7:11

Gologi va ma agi lamma kay yoo ndaɗta ko Lona minda na. Agi saa kay dla ndaɗta, agi tin vun ndemma, agi mbuɗ yara, agi mbuɗ ndaana, agi min wanu, agi mbuɗ tagi feɗta, agi kaɓakŋa kay cora. Hu tle asina halaŋŋi agi tak ki ana agi li va ma co ka huɗi.

1 KORINTNA 4:21

Agi minni mege? An mba egegi ni u tokolora kon su? U huu ma minda u lalamba su?

SUNDA 13:11

Cecemi aŋ hum haa Bu Suuna caŋ karam aŋ hin dug kiyo, iriŋ ka wi kiɗik faɗtaɗi njok tuwa.» Kak na njokŋi ii Elimas kuluɓ ndufunda na bim, nam mbuɗ gol tani ko njeŋgera na. Nam pereɗ irim tani may tani may a hal suu taɗam komma.

SUNDA 5:13

Sa ma daŋ ma ndak taɓ u asi kaɗi, na lay ni suuna geleɗesi ŋgolo.

EZEKIYEL 11:13

Hu li ma an ka cuɗ boy ma vi Lona namma ki na ni Pelatiya ma goŋ Benayana, ni ana u suu vi Lona suu suɗ ay ndena, ndi ga miɗ ni na gaw. An kuluɓ kaŋga u vun dikin, sawalla ha kolo u delenda eŋga ana, «Ҥii Bu Suuna, Yawe aŋ min a daɓ u suu Israel suu hin ndena ki gaw su?»

JEREMI 5:14

Ni kay ndaɗta Yawe, Lo ma Saɓakŋa, ɓak anaba, kay agi ɓak ko ndaɗta na kay dlaanda ka funuŋga an ŋgal kura. Suu asina ni guna gaw may kura hin ŋgalasi kiyo.

SOOLLA 119:120

Tan halaŋ ka dlak coco kay ndaa ma an ka lam koŋŋa, an liŋ ndaa boy ma aŋ damma cocoo.

SOOLLA 64:9

Nam vasi ga ni u boy masina. Gegelay ma wamma ni tam dlaka.

1 DLAŊ MULINARA 15:13

Gasi daŋ may kay ana dlara li ki jewra ni agi kaɗi, Yawe, Looygina, camiya, kay ana ami halam ka u gaɗtaɗi.»

1 DLAŊ MULINARA 13:12

David li ndaa Lona hu buu namma, di ana, «An hin li ni ana me a hoŋ Zandukka vi Lonara ay varanda ni ge?»

2 MULINA 2:24

Nam pereɗ irim golosi ha na ni gasi vunna u sem Yawe. Na gaw ni bosokona cuk ay ki duk gura na mba', kom ki u gor kem asira na dok-fiɗi yam mba'.

JOSUWE 22:20

Hu li ma Akan ma goŋ Zerana li dla cora ŋgel vun gaɗta na ni, dla cora hin ndi ni ka kay suu Israelna halaŋgi su? Nam ba ka kay coomba ni ka kay tam dewɗi.»

GA 8ATAMBARA 21:21

Suu hu ɦoŋzi nammana halaŋ gikim u gogoyra cam kiyo, ni agi bulum cora kal hu ɦoŋziiginara ki wa. Suu Israelna halaŋ hin hum boy namma na ni mbuɗ ndaana.

GA 8ATAMBARA 13:11

Aŋ gikim ki u ɦinira nam miɗ kiyo, kay nam hal a tuɗuŋ ki day eg Yawe Looŋŋa, ma kalaŋ ay ki hu mbassa Egiptera hu li ma mbaɓurana.

DLAŊ LEVIRA 10:3

Moiz di Aaron ana, «Yawe di ay ki jew jivi ana, An min ana suu a mbay egenna li u teteɗ manda. Asi ŋgaan ki ni fok suuna halaŋ.» Kay ndaɗta Aaron seŋ tam na yerek yerek.

2 KORINTNA 13:10

Kay ndaɗta an ɓiirigi magaara ko wani na kay an ki egegi day ni kay hu li ma an mba ha dukugi wani an ka hin lagi co kay ŋgolla suuna ɦandaraɗi ŋgol ndaɗta ni kay a wulugi kolo hu vira ka a ɓeŋegi ɓeŋi na ɗowɗi.