SUNDA 5:31 - Boy Lonana

³¹ Lona tlam kakam kay bikim ma njufna tinim a mulna, a Sa Suɗta a ɦal voɗta maŋ suu Israelna asi jok iiri masira ki zeɗ, a Lona hin bulumusi coosira kiyo.

SUNDA 5:31 ပူးပေါင်းရင်းမြစ်များ

Boy Ma Ayra Ma LUK Ɓiirimma 24:47

Suuna hin njaɗam sem ha ki hu mbassa halaŋ gijaŋŋa ha Yerusalem kay a di suuna asi jok hurusi ki zeɗ, daɓ coosira kiyo.

SUNDA 2:33

Lona tlam kolo hu bikim ma njufna, nam fi Musuk Lonara di ki kaɗ jewra ay ko Bumu. Nam hin njayaɗ ay ki kamiya, halaŋŋi va ma agi ka wam cecemi humum u humugiya.

SUNDA 11:18

Asi hum boy namma na ni seŋ vunna ni na gaw, gijaŋ geleɗ Lona ana, «Gasi Lona ɦal voɗta maŋ njaf suu ka Juifnaɗina a asi jok iiri masira ki zeɗ, a fi iiri ta gasira lay.»

Boy Ma Ayra Ma LUK Ɓiirimma 2:11

Sa Suɗta vuɗ ha karam njeŋge ni hu zina fi David. Ni sa Lona Fuurumma, Bu Suuna.

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.

1 JAŊ 4:14

Aygi wi boy namma aygi ɓak ki kam ana Lona sun Goromma ay a Sa Suɗta vi suu warna.

HEBRENA 2:10

Ni kay ndaɗta Lona, ma li tlena halaŋŋa, wi na ni namu, kal Yesu hu wihawra na ni mbuɗum ki jivi gaw, kay nam min a mbuɗ suuna ki a goryom ŋgolona hu bibiŋil mamba. Yesu ni sa ma tuɗusi hu suɗtana.

HEBRENA 12:2

Ŋgarasaygi iriygi ni kay Yesu, viiygira coli ni kay gi jaŋ ayra gak gak daɓpa. Nam vi kam a asi ɓalam ki hu gu garakŋa, nam li olo ka kay miɗ mammaɗi, kay nam wi furira ka juɓum fokka, cecemi nam ka kaki kay bik ko Lona ma njufna kay dlam mamba mulla.

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

SUNDA 3:15

Ni agi cagi ki ni mala iirira. Lona paɗam ki kolo hu miɗna iiriya, ami ni suu diki kamma.

MATIYE 28:18

Yesu ɦuɗ tam egesi, dasi ana, «Saɓakŋa huulona may, kay ndaŋgarana may, an fam ki kon halaŋ.

Magaara JUD Ɓiiriɗta 1:25

Ni maŋ Lona hol Saay ma Suɗta, Bu Suuna Yesu Kristu, ŋgolla u ŋgolla, bibiŋilla u saɓakŋa u eŋga, gijaŋŋa ay jewra day cecemmi lay, ha fokka lay gak gak a fafatɗa, Amin.

2 PIYER 1:11

Ni agi hin a fi voɗta a cuk hu mul mayra ka daɓ kiɗira vi Bu Suuna, Sa Suɗta Yesu Kristu.

SUNDA 2:38

Piyer hoŋosi dira ana, «Jokogi hurugi ki zeɗ, gege gegelay dukugi ni mba mbus ki batemma u sem Yesu Kristu. Kay coogira hin bulum kiyo, agi mba fi ɦala vi Lonara ni Musuk Lonara.

MATIYE 1:21

Ndaɗ hin vuɗ goona, aŋ tinim sem ana Yesu, kayme nam hin suɗ suu mamsina ki hu coosira.»

ZAKARI 12:10

An hin njay ŋgus mayra saara jivira u giyamba kaŋgara kay ziŋ Davidna u suu Yerusalemma. Na ɗaŋŋi asi hin golonu sa asi cokomma. Asi hin tiirim matam ko ndal goo ma dewna na. Asi hin tii kam ko suuna tii kay goo ma vuɗ jewna na.

2 PIYER 1:1

Ni Simon Piyer sa ma sunda ma vovoɗta vi Yesu Kristu. Maŋ suu may suu fi vira dlaɗ ŋgol ko ami na mayra u ɗegeera vi Lona u Sa Suɗta Yesu Kristu.

1 PIYER 3:22

Nam i kolo kaki kay bik ko Lona ma njufna. Nam kak mulna kay suu sunda huulona u suu ŋgolona u suu saɓakŋa ha kolo huulona.

KOLOSNA 1:14

Gi deɓpa ŋgolla kay buɗ maygira, kay cooygira daɓ kira.

FILIPINA 3:20

Kami ami ni liimina ha koloo, ha hu ni ami juɓmi Sa Suɗta Bu Suuna Yesu Kristu dew.

EFESNA 1:7

Hu miɗna vi Kristu aygi buɗ ki hu cora wa, cooygira daɓ ki wa. Ni kay ndaɗta Lona takaygi ŋgolla vi oo mamba.

2 KORINTNA 2:10

Sa agi heɓ hurugi ki egemma an hurun ni heɓi may. Lini an heɓ hurun ki wa eg saani ko an hin va ma namma ki wa, ni an li dla ndaɗta ni kagi fok Kristu.

SUNDA 13:23

Duk suu hu njafna vi Davidna ni Yesu ma Lona tinim ana nammi Sa ma Suɗta vi suu Israelnana, nam di ki jew ni kam lay.

SUNDA 4:11

Yesu ni sa ma magaara di kam ana, Ҥinira agi suu min zira noyoɗ kira mbuɗ a ɦinira garaŋga ni ndaɗu.

SUNDA 3:26

Ni nam Lona tak Saam ma Sunda kini magi agi jewe, nam sunum ay kay a paɗ vunum ki kagiya, kay a agi hin dlaagira laɗ cora kiyo.»

SUNDA 3:19

Jokogi iiri magira ki zeɗ, mbuɗugi irigi eg Lona a nam hin bulumugi coogira kiyo.

SUNDA 2:36

«Lini nanagelay ni suu Israelna halaŋŋi wam ki gasi, ni Yesu ma agi ɓalam ki hu gu garakŋana Lona mbuɗum Bu Suuna lay Sa Lona Fuurumma lay.»

MARK 4:12

Kay, Wira asi wiya, ka wi ki ɗal ɗalɗi. A humba asi humma, ka wam um kiɗi. Lini asi wam umu ni, asi ndak hoŋ irisi eg Lona, nam hin hinisi coosira kiyo.»

MARK 2:10

Agi wi ki anaba, Goŋ Sanna u saɓak ma daɓ cora vi suu kay ndaŋgarana egemu.» Nam di sa gugufura,

DANYEL 10:21

An hin daŋ dla mayra kaŋga ɓiiri hu magaara gasira. Sa ma col fokon a njun kay suu asina kaɗi, ni mul magina Michel dew.

DANYEL 9:25

«Wi dla ndaɗta ki jivi saa kaɗ ɗaŋ, ay hu li ma boyna di ay ki kay a hoŋ Yerusalem mindara ta ta tew kay mul maɗnara ni, cokira hin li na kiɗisiya, cokira dok kiɗisiya, dok kiɗisiya. Hu cokira dok karkiya yam mbara lina u zulla ŋgolla hin tos ki ni hu yoo tara.

EZEKIYEL 37:25

Asi hin lakŋi hu mbassa an ɦaɗ maŋ saan ma sunda Yakobpa. Mbassa somoyogi ay jew cuki hura. Asi hin cuk huruɗ ni asiya. Goryosiya u goryoŋ goryosina lay lak huruɗ a fafaɗta. Saan ma sunda David hinni mul masina a fafaɗta may.

EZEKIYEL 34:24

An, Yawe, hinni a Loosina. Saan ma sunda David hinni a mul masina may. Di boy namma ni an Yawe daŋ may.

EZEKIYEL 17:24

Na ni ŋgusu ki suu ŋgoo bagina halaŋ hin wi ki ana an ni Yawe, ma bow ŋgusu ma coli kolona ki gana, ma col ŋgusu ma bowi gana ki kolona. So ŋgusu ma ŋgolomma kiyo, ŋgusu ma sooyna hoŋ ɗufum mayna. An, Yawe, di dlara wa ni an hin laɗ kiyo.

EZAYI 49:26

Suu lasaŋŋa an hin ɦasi tliwisi asi komomu, asi hin guruɗ u busuusi ko ndal suuna guruɗ u summa na. Suu warna halaŋ hin wi ki ana sa ma suɗuŋ kina ni an Yawe. Sa ma buɗun ay kina ni Lo ma vi Yakob ma Saɓakŋa Kom Belna.

EZAYI 45:21

Dagi boy namma ha ki maŋ suuna, vasi u dla ndaɗta kiyo, lagi tokka ko tagi dew. Sa ma tak dlara li wanda ay ki fok jewna ni gege? Ni ka Anɗi su? Yaweɗi su? Lini anɗi ni lo ma daŋ kaɗi, anni Lo ma ɗegeena, Lo ma suɗ suuna. Lo ma daŋ kaɗi, ni an dew daŋ.

EZAYI 43:11

Ni anu, anni Yawe. Bay an bani sa daŋ ma suɗ sa kaɗi.

EZAYI 43:3

Kay an, Yawe, ni Looŋŋa, ma Teteɗ ma vi suu Israelna ni saaŋ ma suɗuŋŋa. An ɦal suu Egiptena ki a mbuɗuŋga. Suu Etiyopina u suu Sebana varak ki ni kay seŋu.

SOOLLA 89:24

Kay an cam suu gonok mamsina ha ki fokomu, suu ŋgulumma an casi ki halaŋ.

SOOLLA 89:19

Mbari mamina ni Yawe, mul mamina ni ma Teteɗna vi suu Israelna.

2 PIYER 3:18

Wulugi koloo, tuɗ fok u oora u wira vi Bu Suuna mayna, Sa Suɗta Yesu Kristu. Cecemi ŋgolla ni mamba lay ha fok din din. Amin.

2 PIYER 2:20

Lini suuna suɗ tasi ki ko dla cora hu duliyara wa ni kay asi wi Bu Suuna Sa Suɗta Yesu Kristu, asi hoŋ yasi kaŋga hu dlaasira cora hin dlaasi ndaɗta su kasiya daɓ masira hin mbuɗni co sura jewra.

TITTA 2:13

Ndaɗ haɗay kay ay mba kak iiri a juɓ u furira hu buu ma ay ka saa kamma. Ni hu buu ma bibiŋilla vi Lona ma ŋgolna, u Sa Suɗta Yesu Kristu hin mbana.

TITTA 2:10

asi mbuɗ tlena vi maliyasina ki masisinaɗi. Na may asi tuɗ fok a tak tasi ki jivi ɗegee ni taki na ɗow ɗow, a geleɗ haɗta vi Lona ma suɗta mayna.

TITTA 1:4

An ɓiiriŋ magaara ni maŋ aŋ Tit goron ma gasina hu tin huu ma dukuygi dewna. Ko Lona Buna u Yesu Kristu, Saay ma Suɗta ɦaŋ oora u heɓpa.

Boy Ma Ayra Ma JAŊ Ɓiirimma 4:42

Asi di cara ana, «Cecemi ami tin hurumi kay Yesu ni ka u boy ma ndak damma dewɗi, kayme ami hum u hum tamira may, ami wi ana nam gasi ni Sa Suɗta vi suuna halaŋ.»