SUNDA 3:22 - Boy Lonana

²² Ko Moiz di ana Bu Suuna Loogina hin sunugi sa ma jokom vunumma ay dew ko an na. Sa namma hin li ni hu njaf magina agi hum u va ma nam damma halaŋ.

SUNDA 3:22 ပူးပေါင်းရင်းမြစ်များ

SUNDA 7:37

Moiz di maŋ suu Israelna olo ana, Lona hin sunugi sa ma jokom vunumma ko an na aya, sa namma hin lini sa ma hu njafagina.

GALATENA 4:4

Hu li ma lina ndakŋa Lona sun goromma aya nam vuɗ ay hu cara hum u gaɗta vi suu Juifna.

Boy Ma Ayra Ma JAŊ Ɓiirimma 1:17

Lona ɦaygi gaɗ mamba ay ni ko Moiz. Oora u gasira col ay ni hu Yesu Kristu may.

HEBRENA 5:9

Hu li ma nam mbuɗ ki pasiyakŋa ni nam mbuɗ ni sa ma ɦal suɗta bay daɓpa, maŋ suu hum umma halaŋ.

Boy Ma Ayra Ma JAŊ Ɓiirimma 5:24

«An dagi ha ni gasira, sa humun boy manna, tin hurum kay sa ma sunun ayna may ni, iirira ka daɓ kiɗira ka hurumu. Ɓakŋa vi Lona ka kambi, nam hin lina vi suu miɗina kiyo, jak hu iirira ka daɓ kiɗira.

WIRA ŊGAYRA 1:1

Hu magaa ndaɗta tak ki dlara li ayra, Yesu Kristu hin takaɗ kira. Lona ɦamba ana nam takaɗ ki maŋ suu mam suu sunda kay va ma hin mbayna. Kristu sun sa sunda huulona ha sunni, tuɗ takaɗ ki maŋ saam ma sunda Jaŋ.

ROMMA 9:5

Asi ni hu dee somora vi suu Israelna, u Sa Lona Fuurumma, ko sa warna na, ka hu dee masira may. Nam su suuna u tlena halaŋ, Lona, ma suuna geleɗem na gak gak hu daɓ kiɗira. Amin.

Boy Ma Ayra Ma JAŊ Ɓiirimma 12:46

Anu, an mba hu duliyara ni ko kiɗikka na, a suu may suu tin hurusi kanna lak hu ndufundaɗi.

ROMMA 8:3

Va ma gaɗta vi Moiz ndak ka a lambina kay sa warna mbuɗuɗ ki maŋiya, Lona lam ki wa. Nam kaɓakŋa ki kay sa warna u sunda nam sun goromma ayra, nam mba u mbalatara egem ko ndal sa ma cona na. Ni kay a yow cora kira.

Boy Ma Ayra Ma JAŊ Ɓiirimma 8:12

Yesu di boyna maŋ suuna olo ana, «An ni kiɗikka fok suuna. Sa ma tuɗ kay cerenna ka tuɗ duk ndufundaɗi, nam ka u kiɗikka iirira.»

Boy Ma Ayra Ma LUK Ɓiirimma 24:19

Nam joɓosi ana, «Ni dla mege?» Asi dam ana, «Dlara li eg Yesu ma Nazaretna, nammi sa ŋgol ma jok vun Lona fok suuna halaŋ lay.

Boy Ma Ayra Ma LUK Ɓiirimma 13:33

Ɗaŋŋi an jak voɗ manda ni koyni gaw, vini an ka huruɗu u buu ma fokŋa lay, ka jivi a sa jok vun Lona cam hu zi daŋgi, casi ni Yerusalem na baba.

HEBRENA 2:1

Ni kay ndaɗta aygi njunuygi taygi eg gasi mayra aygi humuɗta. Kay aygi mba ba kiɗi.

MATIYE 21:11

Suu molina di ana, «Ni Yesu ma Nazaretna, ma jok vun Lonna, hu mbassa Galilerana.»