Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




SUNDA 27:23 - Boy Lonana

23 Hu njeŋgera wanni sa sunda vi Lona ma an sunumma mba egenu.

အခန်းကိုကြည့်ပါ။ ကော်ပီ




SUNDA 27:23
41 ပူးပေါင်းရင်းမြစ်များ  

Hu njeŋgera wanni, Bu Suuna tak tam ii Pol dam ana, «Vi huruŋu, aŋ diki kan hu Yerusalem tani, tuɗ diki kan hu Rom na may.»


Suu sunda huulona asina ni suurage? Ni ŋgussa suu sun Lona suu nam cukusi a njun u suu fi suɗtana.


Bu Suuna mbay egen tok njunun ni namu, kay an ndak a di boyna maŋ suu ka njaf suu Juifnaɗina, asi humum ki halaŋ, nam suɗun ay fun dlona.


Duk njeŋgera wanni sa sunda huulona vi Bu Suuna mba mal vun zira daŋgayna ki malni cuk suu vovoɗta kiyo dasi ana,


Lona wi ana an di ni gasira, an sunummi nam Lona kay di Boy ma Ayra kay Goomma ki u hurun halaŋ nam wi ana an ka saa kagi tew tew.


Hu njeŋgera wanni vana tak tam ii Pol, Bu Suuna dam ana, «Li ndaaɗi, seŋ taŋgi, di ha ki na gak gak.


Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.


Sa sunda vi Bu Suuna di Filip ana, «Tuɗ hu voɗta ii mbayaw tana, hu voɗta col ay Yerusalem a mbay kaŋga Gaza, voɗ ndaɗta ki ni hu fulla.»


Na ɗaŋŋi Danyel ɓak mulna ana, «Aŋ mulna, kak iiri a fafaɗta.


Suu asina ɗaŋŋi mbay eg mulna zak dam ana, «Hum haa mulna, ni gaɗta vi suu Medena u Persena ana li ni mulna ɓii gaɗta wa ni, sa hin ka mbuɗuɗ ki oloɗi.»


Yakob humuŋ gaŋu. Israel aŋŋi saan ma sunda. An laŋŋi a sa ma sununna. Aŋ Israel ka hinin kiɗi.


«An Yesu sun saan ma sunda huulona ha ni a di boy namma maŋ suu vina halaŋ, an ni hu njafna vi Davidna, an ni vel ma fo lina.»


Ni an Pol ma sun Lona, sa vovoɗta vi Yesu Kristuna. Lona yan kay a mbaa suu nam manasi kina hu vira, kay a takasi gasi mayra viiygira haɗata,


Sa sunda vi Bu Suuna ka ɗeɗɗi. Nam mba lini sa ma suuna minim halaŋŋa, ndaki a haɗ suuna u lalamba.


An gi deɓ Lona ma an ka sunumma u saara jivira ko somoyon suu jewna lira na. An gam deɓpa hu buuna tew tew hu li ma humun gan kaŋ hu cenda.


Lona warak kagi a gusugira ni warakiya. Lagi tagi a ɦal ŋgolla maŋ Bu Suuna.


Cecemi agi buɗ ay ki ko dla cora wa, mbuɗ ni suu sunda vi Lona. Agi mbuɗ cecemmi suu vi Lonana, vuɗ magira ni poyra teteɗta, warak ma agi hin famma ni iirira bay daɓpa may.


Ni an Pol sa sunda vi Yesu Kristu, Lona yanu, manan a sa vovoɗta kay a dam Boy mam ma Ayra kiyo.


Ndaɗ gi taɗ umiya sawalla ana, «Suuna wanni suu sunda vi Lo ma kolo dayna. Asi dagi boyna ni kay voɗta tuɗugi hu suɗta.»


Hu li namma gaw ni sa sunda vi Bu Suuna mba ci Herod piŋ kay nam ka ɦal ŋgolla maŋ Lonaɗi, ɦaɗ ni maŋ tamba. Nam vi tuguɗira cuk ki njufulna ni na gaw hin miɗ kiyo.


Sa li a lan sun manda ni sa namma tuɗ ay kay cerenu, na may ni, saan ma sunda hin tuɗ ni hu li ma an huna may. Bun hin geleɗ sa ma sununna.»


Asi hin li ni suu mansina, Yawe, ma saɓakŋa kom belna, di ana, hu buu ma an hin min ii tlegeyen ki kay tasina. An hin suɗusi ki ko ndal buna suɗ goromma sunum ɦayna kira na.


Suu hin asina an tukusi u kura. An hin yoorosi ki ko suuna yoo doonora na, an hin yoorosi ki ko suuna yoo lorra na. Asi hin yan sen may, an hin humusi may. An hin di ana, «Ni suu mansina.» Asi hin di ana, «Loonna ni Yawe.»


Na ɗaŋŋi mulna col kolo yoŋgo na colol ŋgarpiira tuɗ ha fun zul dlona na zak gaw.


Nabukodonosor ɓak boyna di ana, «Ko sem Lo ma vi Sadrakŋa, Mesak u Abed Negona, suuna ŋgaamu, ma sun sasunda huulona mamma ay suɗ suu mam suu sunda ki kay ana asi ɦal tasi ki mam mayna. Hu li ma asi su vun mulna, asi ɦal tasi ki a lassa, goɓ lo ma daŋgi may, Loosina dew.


Na ɗaŋŋi Nabukodonosor ɦuɗ tam ha fun zulla kura ŋgik ŋgikka. Nam ɓak boyna hin di ana, «Sadrak, Mesak u Abed Nego suu sunda vi Lo ma Kolo Dayna, selegi ay kiyo, kakagi iiriya.» Na ɗaŋŋi Sadrak, Mesak u Abed Nego sel ay ki duk kura.


Lini Loomi ma ami sunumma ndak a buɗumi kiyo ni, nam buɗumi ki hu zulla kura ŋgik ŋgikka koŋu, mulna.


Ko ndal yoori suu hu Ziŋ Lonara na, ko yoori suu hu Yerusalem hu buu ma luuna na. Ҥoŋzi ma li ki tooy kaŋgana hin oy ki u suu warna. Ni suuna hin wi ki ana anni Yawe.»


Asi mbuɗ ki ni suu mansina, an hin li ni a Loosina may.


Gola ni galamba an hin vaɗ u suu Israelna ŋgoo dagan wanda. Yawe di na. An hin ɦasi gaɗ manda hurusi kurufuwa, ɓiiriɗ ki egesi lay, an hin li ni a Loosina, asi hin mbuɗ ki ni suu mansina may.


Gegelay dukusi ni hin di ana, «Anni vi Yawe,» suu daŋŋa hin tin sesi ana, «Yakob.» Suu hiŋŋa hin ɓii ki hu duk kosi ana, «Anni maŋ Yawe,» yi sesi ana Israel.


Anni maŋ galanna, galanna ni man may. Nam ma ka taa yoorina duk pafnana.


Galanna, ni manu, anni mam may. Nam taa yoori mamsina ay ni duk pafna.


U ɗegee maŋga aŋ daɓ suu babali mansina kiyo, aŋ hin baan suu gonok mansina kiyo kay anni saaŋ ma sunda.


Kay Yawe man Yakob ni namu, suu Israelna ni suu mamsina.


Wan hahawanu, Yawe, kay anni saaŋ ma sunda, ni goŋ cara sunuŋga lay. Aŋ buɗun zew ma njunun gana ki wa.


Yawe man suu Israelna ki ni a suu mamsina nam ka golosiya, Yakob ki ni a joomma.


Wan dara ni lini agi humun delenu, li u galam manda an vaɗ u agira may ni, duk suuna halaŋ agi hin kini a suu mansina. Kay ana ndaŋgara halaŋŋi varanu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ