SUNDA 27:20 - Boy Lonana

²⁰ Buuna li ŋgolo, faɗta u ciciwra sa ka wasiɗi, semeɗna sii saɓakŋa na gak gak, saa mamira mbuɗ ni ana ami ka suɗ oloɗi.

SUNDA 27:20 ပူးပေါင်းရင်းမြစ်များ

MATIYE 24:29

«Ŋgoo wihaw ndaɗta dagan ni, faɗta hin mbuɗ ki ndufunu, tilna ka wi haɓ oloɗi, ciciwra hin yak ki kaŋgaa, saɓakŋa vi tlesuu huulonna hin geŋeɗa.

1 TESALONIKŊA 4:13

Gorsenna ami ka min a agi lak bay wi u boyna kay suu miɗina kiɗi. Ka agi ɓalak hurugi ko suu ka wi Lonaɗina naɗi.

EFESNA 2:12

Fali ndaɗta ni agi ay ki day eg Kristu, agi li ay ni ka suu vi Lonanaɗi, kini njaf suu daŋŋa, agi li ay ka duk galamba vi Lonara nam vi vunum kaɗ u suu mamsinaraɗi, agi li poyogi hu duliyara ni bay juɓpa bay Lona lay.

EZEKIYEL 37:11

Nam dan ana, «Goŋ sanna sok namma halaŋŋi suu Israelna. Asi di ana sokomi so ki wa. Ami ka saa a li va oloɗi. Ami ki ni baaya.

JEREMI 2:25

Cola. Li ka naɗi ni ndak hin mbuɗ ki lalasi, fefegek hin co kiyo. Na may ndak di ana, «Ҥawaa va ka lanɗi. An min suu koyogina an hin liŋ usiya.»

EZAYI 57:10

Agi loɓ tagi a hal fulina cocoo, ka di ana agi loɓ waraɗi lay. Agi saa ana fulina hin ɦagi saɓak ma wilina, kay ndaɗta tagi ka loɓbi.

2 KORINTNA 11:25

Suu Romma can poŋga yasi hindi, yasi dew olo asi gigin u gogoyra a can kiyo, lumba dok ko goloŋ duk mbona u an kokora yan hindi, an buu duk mbona basa hura yan dew.

JONAS 1:4

May Yawe gi babaa ma ŋgolna kay mbona. Mbona mbuɗ ɓaɗ cocoo, lum kawina ka tuɗ oloɗi, hal a kus kiyo.

SOOLLA 105:28

Nam sun ndufunda aya, ndaɗ mba may, kay suu Egiptena humum boy mamma kaɗi.

SUNDA 27:19

Hin ha hu buu ma fokŋa wanni asi cuk tlesuu kosina kiyo, kay a hin lum kawina feɗ kay mbona.

SUNDA 27:21

Suu ay ki kaki keŋ lummana li buuna ŋgolo bay ti va tiya. Pol col kolo fokosi zowni dasi ha ana, «Humugi haa banayanna, hinigi Kretta kiɗi ni aygi hin puruɗ ki ko dla cora a viɗigi kira.