SUNDA 26:18 - Boy Lonana

¹⁸ An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

SUNDA 26:18 ပူးပေါင်းရင်းမြစ်များ

SOOLLA 119:18

Malan irin kiyo, an mbuɗ wiya, a wi dlaaŋga mbuɗ mbuɗta.

SOOLLA 146:8

Yawe mal ii suu dugina kiyo, Yawe col suu daɓ sesina ki koloo, Yawe min suu ɗegeena.

EZAYI 29:18

Hu buu namma ni suu ŋgelina hin hum ndum magaara. Suu dugina hin cuk ay ki duk ndufunda mba ki hu kiɗikka, irisi mbuɗ wi lay.

EZAYI 32:3

Ii suu may suu wina ka duk oloɗi, hum suu may suu humma ka ŋgel oloɗi lay.

EZAYI 35:5

Ni ii suu dugina mbuɗ wiya hum suu ŋgelina mal ki lay.

EZAYI 42:16

An hin tuɗ suu dugina hu voɗta asi ka waɗɗira, tinisi irisi hu voɗta asi ka waɗɗira tuɗ u asiya. Ndufunda fokosira an mbuɗuɗ ki kiɗikka. Voɗta gunira ɗoɓoɗ ki may. Dla ndaɗta an hin laɗu, ka hiniɗɗi.

EZAYI 42:7

Aŋ hin mal ii suu dugina kiyo, aŋ cuk suu ay hu daŋgaynana ki kiɗiki. Suu ay duk ndufundana aŋ hin cukusi ay kiyo.

EZAYI 43:8

Lona di ana, mbarangi suu mansina ay ki fun ɓakŋa. Asi suu irisi ka may, ka wiɗina. Humusi ka may, ka humbi lay.

EZAYI 49:6

Nam dan ana, «An yaŋ a saan ma sunda ni ka kay a mbaa njaf suu vi Yakobma, a suɗ ki ni suu Israelna holɗi. An manaŋ ay ki ni a kiɗikka fok njaf suuna halaŋ. Kay ana suɗ manda li ha ki ni kay yam mbassa halaŋ halaŋ.»

EZAYI 9:2

Aŋ wulusi furi masira kolo wa, aŋ zulusi u ay masira wa. Asi ka furi fokoŋu ko suuna furi hu buu ma feɗ tlena vona na, ko suuna furi a ɓorow joo ma asi fam ay fun duunana na.

MATIYE 4:10

Yesu dam ana, «Ҥuɗ taŋ ha kiyo, Satanna. Ki ɓiiri ana, Aŋ goɓmi Lona Bu Suuna dew daŋ, ka goɓ sa daŋgi.»

MATIYE 4:16

Agi njaf suu duk ndufundana, hin wi kiɗikka ŋgolla. Agi suu duk ndufunda ko suu zolina na na, kiɗikka hin fagi lay.»

Boy Ma Ayra Ma LUK Ɓiirimma 1:77

A tak maŋ suu mamma ana nam suɗusi ki u bulumba bulumusi coosira kira.

Boy Ma Ayra Ma LUK Ɓiirimma 1:79

A gi u suu ay ki duk ndufundana kiyo, asi suu ay fun maɗnana. Kay tuɗuy hu voɗta heɓpa.»

Boy Ma Ayra Ma LUK Ɓiirimma 2:32

Nammi sa hin takaŋ seŋ ki fok suuna buruna. Sem suu maŋ suu Israelna hin tii ki um halaŋ.»

Boy Ma Ayra Ma LUK Ɓiirimma 24:45

Nam malasi yasi ki ni ana asi wi boy ma ɓiirina kiyo.

Boy Ma Ayra Ma LUK Ɓiirimma 24:47

Suuna hin njaɗam sem ha ki hu mbassa halaŋ gijaŋŋa ha Yerusalem kay a di suuna asi jok hurusi ki zeɗ, daɓ coosira kiyo.

Boy Ma Ayra Ma LUK Ɓiirimma 4:18

«Musuk Bu Suunara ka kanu, nam ŋgaɓan a di Boy ma Ayra maŋ suu hahawra. Nam sunun ay a di boyna, cuk suu daŋgayna kiyo, a suu dugina irisi mbuɗ wi lay. A suɗ suu asi lasasina ki lay.

Boy Ma Ayra Ma JAŊ Ɓiirimma 17:17

Aŋ mbuɗusi ki teteɗ u gasira. Boy maŋŋa ni gasira.

Boy Ma Ayra Ma JAŊ Ɓiirimma 3:19

Agi gola, kaɓakŋa col ay ni ana, kiɗikka mbay hu duliyara, suuna min ndufunda su kiɗikka, kaymege, dlaasira ki coo.

Boy Ma Ayra Ma JAŊ Ɓiirimma 4:10

Yesu hoŋoɗ dira ana, «Lini ndak wi tlesuu Lona ɦasina ni, ndak wi sa joɓok yo ma cira may ni, ndak a joɓ yona ko sa namma ni ndak ɗow. Nam hin ɦak yo ma iirina.»

Boy Ma Ayra Ma JAŊ Ɓiirimma 4:14

Sa ma ci yo ma an ɦammana, laara ka cam oloɗi, yo namma hin egemmi a iirira ka daɓ kiɗira.»

Boy Ma Ayra Ma JAŊ Ɓiirimma 8:12

Yesu di boyna maŋ suuna olo ana, «An ni kiɗikka fok suuna. Sa ma tuɗ kay cerenna ka tuɗ duk ndufundaɗi, nam ka u kiɗikka iirira.»

Boy Ma Ayra Ma JAŊ Ɓiirimma 9:39

Yesu hin di ana, «An mba ni kay a ɓorow ii suuna kiyo, kay a suu dugina mbuɗ wiya, suu wina mbuɗ dugi may.»

Boy Ma Ayra Ma JAŊ Ɓiirimma 9:5

An duk suuna tu wanni, an ni kiɗikka irisira.»

SUNDA 10:43

Suu jok vun Lona halaŋ di ki kam ana sa ma tin hurum kamma u saɓakŋa vi semu co mamba hin bulum kiyo.»

SUNDA 13:47

Gola ni boy ma Bu Suuna damina anaba, An tiniŋ ko kiɗikka na fok njaf suuna halaŋ. Aŋ tuɗ ɦal suɗta maŋ suuna hu ndaŋgara suu ha dayna lay.»

SUNDA 15:9

Nam ɓorowosi irisi ka u aygi zeɗɗi, nam mbususi hurusi kiyo kay asi viya.

SUNDA 2:38

Piyer hoŋosi dira ana, «Jokogi hurugi ki zeɗ, gege gegelay dukugi ni mba mbus ki batemma u sem Yesu Kristu. Kay coogira hin bulum kiyo, agi mba fi ɦala vi Lonara ni Musuk Lonara.

SUNDA 20:21

An yi suu Juifna u njaf suu daŋŋa asi jok iiri masira ki zeɗ mbuɗ irisi eg Lona tin hurusi kay Bu Suuna mayna Yesu.

SUNDA 20:32

«Cecemmi an hinigi ko Lona u boy mam ma oora. Nam ndaki kay a njunugiya, a ɦagi jivira nam ŋgaaɗ kay suu mamsina ko jona na, ni kay suu mbuɗi teteɗna halaŋ.

SUNDA 26:19

«Mul ŋgolna Agripa va ma tak tam irin ay kolo huulona an hum umu.

SUNDA 26:23

Ana Sa Lona Fuurumma hin wihawra, nammi sa ma hin coli kolo hu miɗna iiri jewna. Nam hin di ki kay suɗta ɗal ɗal maŋ suu mamina u njaf suu daŋŋa lay.»

SUNDA 3:19

Jokogi iiri magira ki zeɗ, mbuɗugi irigi eg Lona a nam hin bulumugi coogira kiyo.

SUNDA 5:31

Lona tlam kakam kay bikim ma njufna tinim a mulna, a Sa Suɗta a ɦal voɗta maŋ suu Israelna asi jok iiri masira ki zeɗ, a Lona hin bulumusi coosira kiyo.

ROMMA 8:17

Aygi ni goryomu, aygi hin faygi jona vi Lona ma nam ɦam maŋ suu mamsinana, aygi hin faygi ii ɓorow maygina ko taygi u Kristu, lini aygi taɓ hu wihawra u namu ni aygi hin kak u nam hu ŋgol mamba lay.

1 KORINTNA 1:2

Maŋ suu vi Kristuna, suu vi Lonna hu Korint, suu Lona yasi ki mamma hu taɓpa u Yesu Kristu, maŋ suuna halaŋ suu yi sem Yesu Bu Suuna mayna Yesu Kristu, Bu Suuna masina u maygina.

1 KORINTNA 1:30

Lona taɓaygi ni u Yesu Kristu, nam mbuɗ Kristu kini a neeygira. Aygi mbuɗ ki ɗegee fok Lona ni u Kristu, Lona buɗuygi ki wa, aygi mbuɗ ni suu mamma.

2 KORINTNA 4:4

Asi ka ndak a viɗi kay lo ma co ma hu ndaŋgara tanina kuluɓusi yal masina ki wa. Lo namma doorosi kay a wi kiɗikka vi Boy ma Ayra ma tak ki kay bibiŋilla vi Kristura, ma tli tam u Lonna.

2 KORINTNA 4:6

Lona di ana kiɗikka weleɗ duk ndufunda nammi sa ma hin kiɗik mamba weleɗ huruygina, kay ɦaygi bibiŋilla vi Lonara u kiɗik maɗta weleɗ fok Kristu.

2 KORINTNA 6:14

Taɓagi u suu bay vinaɗi. Asi ni ka ndarayagi suu dlaagira taɓi dewnaɗi, va ma ɗegeena hin taɓ ko tam u va ma cona ni nanage? Kiɗikka ndak taɓ ko tasi u ndufunda ni nanage?

GALATENA 2:20

An ka iiri kay tan cecemi oloɗi, Kristu ka iiri hurun ni namu, iiri manda an a sa warna cecemi wanda an ka iiri hu vira u Goŋ Lonana nam ma mininna ɦal iiri mamba ki kanna.

GALATENA 3:14

Dla ndaɗta li na ni kay paɗvunna vi Lona ma nam di ki fok jew maŋ Abrahamma mba li maŋ suu ka njaf suu ɦawana halaŋ u Yesu Kristu kay aygi mba fi Musuk Lonara nam di kaɗta.

GALATENA 3:2

An min ana agi hoŋ dira kay joɓpa dew wanda, agi fagi Musuk Lonara ni ko agi li u gaɗtara su? Ɗowba kay agi hum Boy ma Ayra, vi umba su?

EFESNA 1:11

Aygi faygi suɗta ni hu taɓ maygira u Kristura, kay Lona manaygi ay ki ni jewe, u va ma nam ŋgaamma Lona li tlena halaŋŋi u va ma nam saaram u min mambana daŋ may.

EFESNA 1:14

Musuk Lonara ni va ma mbuɗ balna ŋgayra vi suɗta ta nam di ay ki kaɗ jew maŋ suu mamma ko jona nara, nam daygi ana aygi hin fi jo namma ni hu li ma aygi buɗ kiwana. Geleɗeygi Lona kay ŋgol mamba.

EFESNA 1:18

An min ana agi fagi kiɗikka hurugiya, kay a agi mba li a suu Lona yagi ay agi ka juɓumma, agi mba wi va ma ŋgol ma hu jona ma nam hinim maŋ suu mammana.

EFESNA 1:7

Hu miɗna vi Kristu aygi buɗ ki hu cora wa, cooygira daɓ ki wa. Ni kay ndaɗta Lona takaygi ŋgolla vi oo mamba.

EFESNA 2:8

Agi suɗ ay kini u oora vi Lona hu vira, suɗta ndaɗta col ay ka kogiɗi, ni ɦala vi Lona.

EFESNA 4:18

Yal masina mbuɗi ndufunu iirira Lona haɗta ka hurusiɗi, kay asi halaŋ suu giniŋŋa hurusi ki sooy eŋe.

EFESNA 5:11

Taɓagi u suu li dlara dadamba vi ndufundaɗi, takasi dlaasira ndaɗta ki kiɗiki.

EFESNA 5:14

Ni va ma tak ki ɗal ɗalna hin mbuɗ ki kiɗiki kay ndaɗta boyna di anaba, «Dliɗ ki koloo aŋ sa ma buu senna, col ki kolo duk suu miɗina, Kristu hin ɓo lina ki kaŋ kiɗiki.»

EFESNA 5:8

Agi li ay jew ni hu ndufunda, cecemi hu taɓ magira u Bu Suunara agi mbuɗ ni hu kiɗikka, ni kay ndaɗta poyogi ko suu hu kiɗikkana na.

EFESNA 6:12

Kay aygi ka njogo tay a duu taygi ni u suunaɗi, duu taygi ni u saɓakŋa vi fuli suu co suu ha kolona, asi ti mulla u saɓak masina a maliyaŋ duliyara hu ndufunda.

2 TIMOTE 2:26

Asi hoŋ mbuɗ ki suu jivina noy ganyamba vi Satannara kiyo, suu nam vasi ay ki jew a hum u min mambana.

HEBRENA 10:10

Kay mege, Yesu Kristu li tlesuu Lona minisina ki halaŋ, aygi cooygira mbus ki halaŋ u ɦala nam ɦal mbalatam kira, li sem dew ni ki daɓi halaŋ.

HEBRENA 10:14

U ɦal mamba dewra nam mbus cora vi suuna ki pasiyak a fafatɗa.

HEBRENA 11:6

Bay vira sana ka gol ii Lona jiviɗi. Kay ndaɗta sa ma min mba eg Lonna vi ki kam ana Lona kaa, nam warak suu ka halamma.

HEBRENA 9:15

Gola Kristu ni sa ma duk ɦoŋga kay galamba wilira, kay suu Lona yasina mba fi iirira ka daɓ kiɗira ta nam vi vunum kaɗ hu jona vi Lonara. Asi ndak kay miɗta, miɗ namma mba ni a buɗ suuna ki hu coosira asi laɗ hu li ma asi hum ay u galamba basira.

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

1 PIYER 1:4

Aygi ndak li furira kay tlesuu hu jona vi Lona nam hinisi maŋ suu mamsinana. Ni jo ma ka ɓeŋ kiɗina, ka mbuɗ zozoɗɗi, ka mbuɗ basiɗi lay, weleɗ na gak gak. Lona ɗokosi ha kolo ni magiya.

1 PIYER 2:25

Agi li ay ni ko timigii suu ki viɗina na, cecemi wanda agi mba eg sa ma taa yoona jivina a gologi Musuk magira.

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

1 JAŊ 1:9

Lini aygi di cooygira ki fok Lona ni, aygi ndak a ɦam huruygi halaŋ kay me nammi sa ma ɗili ma ɗegeena, nam hin daɓaygi cooygira kiyo hin mbusuygi ki ko dla cooygira halaŋ.

1 JAŊ 2:12

An ka ɓiirigi haa goryonu kayra co maygira u sem Kristura.

1 JAŊ 3:8

Sa yam gak li corana ni sa vi Satanna na kay me Satanna li cora ay jew ni namu. Ni kay ndaɗta Goŋ Lonna mba ni kay a ɓeŋ sunda vi Satannara kiyo.

1 JAŊ 5:19

Aygi wi ana aygi ni vi Lona, duliyara hin halaŋŋi hu duk ko Sa Cona may.

Magaara JUD Ɓiiriɗta 1:1

Ni an Jud, sa ma sun Yesu Kristuna, ma wayaŋ Jakŋa, An ɓiirigi magaara ha ni magi agi suu Lona yagina, minigi may, nam cukugi kini maŋ Yesu Kristu.

WIRA ŊGAYRA 21:27

Va ma njenje ka hin kal hu ɦoŋzi nammaɗi. Sa ma hin tam a li dlara njenjera ka hin kal huɗi lay, sa ma ka boyna ka kalɗi lay. Cuk hu ni suu sesi ɓiiri hu magaarana doy hol, ni magaara vi Goo Timiinara.