SUNDA 24:5 - Boy Lonana

⁵ Ami wi ana sana wanni sa ŋgol ma dlam ki saɓaki co ɦayna, nam mba dlara duk suu Juifna suu hu ndaŋgara halaŋ, nam ɓeŋesi ki ni namu, nammi mulna fok suu Nazaretna.

SUNDA 24:5 ပူးပေါင်းရင်းမြစ်များ

SUNDA 28:22

Ami min a hum boy ma aŋ saaramma, ami wi ana suuna ka ŋgolo, min li gonokka u vira aŋ tin huruŋ kaɗ wanda.»

SUNDA 24:14

Ni an wi ki kan fokoŋ tani anaba, an sunni Lona vi somoyomi ma jewna u voɗta wilira, ta asi di kaɗ ana ka u voɗoɗɗira. An vi u boy ma ɓiiri hu magaara gaɗta halaŋ u suu jok vun Lonna lay.

SUNDA 26:5

Asi wan ay ni day day ndak di ki kay poy manda dukusira lay, lini asi min a diya. An ay ni duk suu coli saɓaki kay viimira eŋŋa, ni suu Farisenna.

SUNDA 15:5

Suu ɦiw duk suu Farisenna suu mbuɗ ki suu vina yow kolo egesi dasi ana, «Lini nanagelay ni suu vi suu ka njaf suu Juifnaɗina, asi cawasi ɗiwisi kiyo, asi mba li u gaɗta vi Moiz.»

1 KORINTNA 4:13

Lini asi di va co kami lay ni ami hoŋosi dira u ɗigilla. Ami hu duliyara ni ko li ma suuna tokom ha ki cukum kina na, njenje gak gak karami.

SUNDA 21:28

Sawalla ana, «Suu Israelna njunumiya, gola ni sa ma ka di boyna ki wet wet a ŋgul suu Israelna, ŋgul gaɗta vi Moizza, ŋgul Ziŋ Lonara lay. Cecemi nam yow suu Grekŋa ay um hu Ziŋ Lonara, mbuɗ li ma teteɗna ki njenjee.»

SUNDA 5:17

Mul ŋgol ma li ɓivunna u suu mamma, u suu Sadusenna halaŋ li honira maŋ suu vovoɗta a yowosiya.

Boy Ma Ayra Ma LUK Ɓiirimma 23:2

Hu li namma asi gijaŋ kaam boyna kam ana, «Sana wanni ami fam aya, nammi sa ɓeŋ suuna kina, nam doo suuna ki ana asi ɦal taara maŋ Sesarɗi. Nam di olo ana nammi Sa Lona Fuurumma, Mul Ŋgolna.»

1 PIYER 2:19

Siɓigi dla cora ni agi lini ndaa Lona u las mayra lasagi kay dossa.

1 KORINTNA 11:19

Lini nanagelay ni ɓorowra mba li dukugiya, ni hin mba wi suu gasi ɗegeena ki may.

SUNDA 22:22

Suu molina hum boy ma Pol damma hummi, hurusi ɓeŋ kay boy ma nam dam namma. Asi gijaŋ sawalla ana, «Hin sa namma dukumi tani na wanɗi, cami ciya! Nam ka a kak iiri oloɗi!»

SUNDA 6:13

Asi tok suu kaboyna kamma ay lay, suu asina di ana, «Sana wanni ka hin ŋgulla ŋgul zira teteɗta vi Lonara u gaɗta vi Moizza kiɗi.

Boy Ma Ayra Ma LUK Ɓiirimma 23:25

Nam gasi sa ma asi vam ay duk suu mbuɗ vunna u mul masina, ci maɗna layna kiyo. Nam ɦasi Yesu ki ana asi li dlara egem u min masira.

Boy Ma Ayra Ma LUK Ɓiirimma 23:19

(Barabbas asi vam ay daŋgayna ni duk suu mbuɗ vunna u mul masinana, asi ci sa ki dew, nam ay duk may.)

Boy Ma Ayra Ma LUK Ɓiirimma 23:5

Asi gijaŋ sawalla ha kolo ni saay na ɗow ɗow ana, «Nam cuk suuna kay tasi u boy mamma, nam gijaŋŋa ay hu mbassa Galilera u mbassa Yudera gak gak tew ki karam tani u boy mamma.»

MATIYE 10:25

Sa haɗ fok sanna hin mbuɗ ko sa haɗamma na, gogoona hin mbuɗ ni ko malamma na may. Asi yi mala zina ana Beelzebul, mul fulina, ni suu mamma asi hin yasi ni an me olo ge.»

MATIYE 2:23

kak hu zina yam ana Nazaret. Li ki ni va ma suu jok vun Lona damma, «Suuna hin yam ana sa Nazaretna.»

AMOS 7:10

Mul ma li ɓivunna hu Bethelna, Amassiya, sun ha ana tuɗ di Jeroboam ma mul ma Israelna, «Amos ka laŋ boy cona egeŋ kay mulla hu Israel. Suu hu mbassana ka vi tasi kay boy ma nam damma oloɗi. Kay Amos di anaba.

JEREMI 38:4

Suu ŋgolo suu sunda di mulna ana, «Caygi sa namma kiyo, kay ana nam ɓeŋ saa suu duu suu hu hoŋzi nammana ki lay, suu wara suu ɦawana lay u boy ma nam njaɗamma. Sa namma ka hal ni dlara jivira vi suunaraɗi, may halasi kasi ni dla cora.»

ESTER 3:8

Na ɗaŋŋi Haman di mulna Zerses ana, «Suu ka ki kay tasi ɓorowiya, irisi ka ki kaay duk suu hu ɦoŋzi ma aŋ ti mulla kamma halaŋ halaŋ. Gaɗ masira ki zeɗ u ta vi suunara halaŋ halaŋ. Asi ka li u gaɗta vi mulnaraɗi. Mulna hin a hinisi kaki ɦawa na enɗi may.

JEREMI 37:13

Nam tew fun ziŋ Benjaminna may ni ŋgaf sa ŋgol ma asgaana yam ana Iriya, ma goŋ Selemiyana, goŋ Hananiyana. Sa namma vi Jeremi dam ana, «Aŋ tuɗ ndi ni duk suu Kaldena.»

MARK 1:24

«Aŋ a lami ni nanage? Yesu ma Nazaretna, aŋ mba a viɗimi ki su? An waŋ uŋ kiyo, aŋŋi sa teteɗ ma Lona sunum ayna.»

SUNDA 24:4

An ka ɓeŋeŋ faɗta ki ŋgolɗi, ni an min ana aŋ humumi boy mamina na ew.

SUNDA 25:7

Pol mba mba ni suu Juif suu ay Yerusalemma ŋguy ki kamma cutl, mbaaram boy ma cona kam ɦay. Ni boy ma asi tasira lay ni ndak ka ɗoɓom irimbina.