SUNDA 24:26 - Boy Lonana

²⁶ Nam saa ana Pol hin ɦam gursu kala, ni kay ndaɗta nam yi Pol ay egem tew tew ni na.

SUNDA 24:26 ပူးပေါင်းရင်းမြစ်များ

VUN ŊGOLNA 17:23

Sa ma kaɓak ma cona vi gursura ay ki ŋgayra ko sana a gun ɓak ma vi sa ma mamma jivina kira.

2 PIYER 2:3

Saa masira ni kay a fi gursura, suu haɗ haɗta co asina hin taɗagi usi u dlara ka gasiɗira. Sa ma kaɓakŋa kasina kaki day day ka buu senɗi, ɓeŋ masira ka juɓ ta taɗi lay.

1 KORINTNA 6:9

Agi wagi ki kagi ana, suu hurusi cona ka fi Mul Lonaraɗi. Ganyam tagi kiɗi, suu li dla cora u suu cen lo ma ɦawana, u suu li zoŋga, suu buu u ndarayasi suu njufina,

SUNDA 24:17

«An li basara ŋgolo bay mbay hu Yerusalem, ni an mbay a njun u suu manna u gorsenna, a li ɓivunna maŋ Lona may.

MISE 7:3

Kosi tinira ni a li dla cora. A li jivira eg saa ni mulna joɓ va nde may, sa ma kaɓakŋa joɓ ana ɦam va ɦawa nde may. Sa ma ɓii magaara ɓakŋi kay a hoɓ hayamba ɦawaa.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

Magaara Vi Sa Jok Vun Lona OZE 4:18

Liisi ma asi ci tlena hurum u furirana daɓ ki wa, asi zuɗ tasi tuɗ ni hu li ma zoŋga. Suu muli masisina min hal ni dla cora.

EZEKIYEL 33:31

Suuna hin tok ay cocoo. Asi hin mba mol fokoŋu. Asi lak fokoŋ a hum dlara aŋ hin dasirara. Na may asi ka ndak a li uɗɗi. Boy maŋŋa kal humusi jivi cocoo, may hurusi ki tinira ni kay ɦizza.

EZEKIYEL 22:27

Muli masisina dukusi ni ko ndal bosogona vi vabakginara na. Asi ni na tok a ci maɗna, min a ba suuna ki kay a yowosi tlegeyesira.

EZAYI 56:11

Asi ni digini suu kurufukka ka hoɓbi lay, asi tasira ni a suu taa yoorina gaw. Asi ka wi dira di ana ndagami waraɗi lay. Asi ka wi ɓorow ii tlenaɗi lay. Gegelay dukusi ni hal ni fiimma. Gegelay hal ni ɓaɗta kay tam.

EZAYI 33:15

Ni sa ma tuɗ u ɗegeera sa ma njaɗ dlara gasira. Sa ma ka vi va vi sa ki u ɦarambina, sa ma ka vi vaŋ sa kombina. Sa ma ŋgel humum ki ka hum boy ma co ma ci matnaɗina, sa ma dug irim ki ka min a gol dla coraɗina.

EZAYI 1:23

Muli maŋsina mbuɗ ni suu babalira, taɓ vunsi ni u suu kulna. Asi halaŋ minni tlesuu suuna ɦasisinana. Asi cuɗ ni sem li ma a fi warakŋa huna. Asi ka li kem suu kuyuna jiviɗi, ka hum tii ma vi boyogi suu dononaɗi lay.

VUN ŊGOLNA 29:4

U dla mayra ɗegeera laɗ hu zinara ni mulna wul mbassa koloo. May sa ma tin taara kay suuna u saɓakŋana ɓalak mbassa ki may.

VUN ŊGOLNA 19:6

Suu saa vunusi vi mulnana bolow cocoo. Sa ma ɦal tlena suuna cocona suuna halaŋŋi banayamma.

VUN ŊGOLNA 17:8

Sa ma ɦal tlena suuna ɦawana gol ɦal mamba ni ko kumuna na. Nam saa ana nam tuɗ ni aragelay ni hin fi jivira huwa.

JOB 15:34

Na daŋ may, suu vo taraŋ vi sa ma ka wi Lonaɗina ni suu gasi vunna kina njafasi kaɗi, kura ŋgal zi ma vi sa ma dlam cona kiyo.

2 DLAŊ MULINARA 19:7

Humugi u Yawe ŋgol cocoo, gol dlara agi laɗta jiviya kay Yawe Looygina ka min bay ɗegeera u ɓak ma sek ii suunaɗi, ka min ɓak ma lam u gursunaɗi lay.»

1 SAMUEL 12:3

An wanni tokogi ɓak magi ma egenna fok Yawe, fok sa Lona fuurumma. Sa an vam mbutl mammana ni gege? Sa an vam korro mambana ni gege? Sa an lam irim u bege mambana ni gege? Sa an doorom ki kay tlegyenmma ni gege? Sa an tlam gursura kom balna ta ni hin duk irin ki kamma ni gege? An hin hoŋogira kiyo.»

1 SAMUEL 8:3

Na may goryom ka tuɗ kay balam sembi. Hurusi ma tini kay begerana, asi vi ɦalla ɦawara, asi hin dlara ɗegeera kiyo.

GA 8ATAMBARA 16:19

Aŋ baa yam gasira ki gaɗi, aŋ ka ɓorow ii suunaɗi, aŋ ka vi ŋgomba suuna ŋgomoŋgaɗi, kay ŋgomba duk ii sa ma wi gasira kiyo, ɓalak boy ma vi sa ma mamma ɗegeena ki lay.

KALKIRA 23:8

Aŋ vi va ko sa a gus ɓakŋaɗi, kay tlesuu ɦal nana ɓeŋ ɓak ma jivina kiyo, mbuɗ boy ma vi sa ma mamma ɗegeena ki coo.

MATIYE 17:3

Gola ni suu haɗi suu hindina wi Moiz u Eli lakira njaɗ u Yesu.