SUNDA 24:25 - Boy Lonana

²⁵ Pol gijaŋ boyna a ɓak kay a sana kak iiri ɗegeera, kay doora doo tara, kay ɓakŋa vi Lona ma hin mbana. Feliks tam mbuɗ ndaana, nam di ana, «Aŋ tuɗ cecemi vaŋ tuwa, buu ma daŋŋa an hin yaŋ ay tu olo.»

SUNDA 24:25 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 16:8

Nam hin mba wa ni, mal ii suuna kiyo takasi kay dlara asi ka viɗ tasi hu cora, kay dlara ɗegeera, kay ɓakŋa vi Lona lay.

1 PIYER 3:15

Ŋgaagi Kristu hurugi kurufuwa, nammi Bu Suuna magina, minigi tagi a vagi u dlara ki maŋ suu ka joɓogi kay va ma agi ka juɓumma.

2 PIYER 1:6

Soogi ugi a cuk kay wiigira doo tara, cuk kay doo tara ɗilira, cuk kay ɗilira taɓpa taɓ u Lonara.

GALATENA 5:23

ɗilira, u doo tara. Gaɗta ka co kay tlesuu asinaɗi.

SUNDA 10:42

Nam cukumi ana ami di ki maŋ suuna halaŋ, dasi ana nammi sa ma Lona colom a kaɓakŋa kay suu iirina u suu miɗina.

1 JAŊ 3:7

Goryonu hin sa a ganagi yagiɗi, sa ma li dlara ɗegeera ni nam tamba ni ɗegee may. Ko Yesu Kristu ɗegeera na may.

Magaara JAK Ɓiiriɗta 2:19

Aŋ vi ana Lona ni dew ni aŋ li jiviya, fulina lay ni vi na lay, asi dlak ndaana kom lay.

HEBRENA 9:27

Suuna halaŋ ki ŋgaɓi a miɗ sesi dew, ŋgoo dagan ni kaɓakŋa vi Lona may.

HEBRENA 4:1

Lona hini vi vunna ana aygi ndak a cuk hu li koɗ tara egemu. Gologi tagi jiviya sa maa dukugi hin ki bay kal hu li ma koɗ ta nammaɗi.

HEBRENA 3:13

Ni na ɗow ana gaɗ tagi duk tagi hu buuna tew tew, ay jew day day lay karam lay magaara ka daygiya sa ma dukugi mba ganyam tam a cora mba ŋgelem humum kiɗi.

GALATENA 3:22

Boy ma Ɓiirina di anaba suu hu ndaŋgarana halaŋŋi mborɓiina u saɓak cora kay ɦala Lona vi vunum kaɗta mba li maŋ suu vi u Yesu Kristuna.

2 KORINTNA 5:10

Aygi halaŋ hin mba ŋgaygi taygira hu ɓakŋa fok Kristu, kay gegelay mba fi va ma nam lamma, hu li ma nam ay hu mbalatam tuna, lini jiviya lini coo.

1 JAŊ 3:10

Ni va ma tak goryoŋ Lonna ki jivi ɗal ɗal u suu vi Satannana, sa ka li dlara ɗegeeraɗi min wayammaɗi layna, ni ka goŋ Lonnaɗi.

2 TIMOTE 4:1

An suuruŋŋi fok Lona, fok Yesu Kristu ma kaɓakŋa kay suu iirina u suu miɗina hu mbaamba nam hin mbay hu mul mambara.

2 KORINTNA 6:2

Lona di hu magaa mamba ana, «An humuŋ vunuŋ hu li ma jivi manda tak kina. An njunuŋ hu buu ma suɗta.» Cecemi lina ndak wa kay fi jivira vi Lonara, karamba ni buu ma sana ndak suɗ kina.

1 KORINTNA 4:5

Ni kay ndaɗta kaɓakŋa kay sa jew buu ma ɓakŋaɗi. Juɓ Bu Suuna mba tuwa, tlesuu ŋgay hu ndufundana, nam hin mba gasi usi ki kiɗiki, nam hin vaa dlara ŋgay hu suunara kiyo. Kay ndaɗta gegelay hin fi geleɗta ko Lona kay dlaamba.

SUNDA 24:15

An hurun tini kay Lona ko asi tasira tini kamba na may, kay colla kolo iirira vi suu ɗegeena u suu ka ɗegeeɗina.

SUNDA 17:32

Asi hum Pol di ana nam colom ki kolo hu miɗna iiriya ni, suu daŋŋa panam may, suu ɦiw di ana, «Ami min a humuŋ dlaaŋga ndaɗta hu falira daŋ dew tu olo.»

SUNDA 17:2

Pol tuɗ hu Zira Tokka ko nam li jew dayra na, nam li buu ma vi Lonna u asi yam hindi, nam vi u Boy ma Ɓiiri na ki ko tasi hu li namma.

SUNDA 2:37

Hu li ma asi hum boy namma na ni hurusi haɗ cocoo. Asi joɓ suu vovoɗta suu hiŋŋa ana, «Gorsemina ami lini nanage?»

HEBRENA 6:2

Haɗ kay batemma zeɗ zeɗna, tinda tin kona kay suuna, di boy ma kay paɗta kolora vi suu miɗina, u ɓak ma ka daɓ kiɗina.

Magaara Vi Sa Jok Vun Lona AGE 1:2

«Yawe, ma Saɓakŋa Kom Belna, ɓak ana, Suu asina ca ni di ana, cokira hoŋ zira vi Yawera kolo mindara mba ka tuɗi.»

HABAKUK 3:16

An hum na ni hurun ɓeŋ ki ni na gaw. Vunun dlak ko vun namma, tan mbuɗ ki maŋira gaw, an kak hu li ma dewna hurun ki ɓeŋiya. Kay an ndak juɓ buu ma ɓeŋga ka ŋgen tan a tuɗ li yara u suu duu u aminaɗi.

AMOS 6:12

Na ni kulumina jaŋ kay gogoyra su, na ni suuna ndak a zum u mbutlina kay gogoyra su, a agi mbuɗugi ma ɗegeena ki ma cona, vuɗ gu ma jivina ki ma ci suuna su?

AMOS 5:24

Na may, ko sa ɗegeena li u saɓakŋa ko yo ma ɓaɗna na, gasira ko ndal mbo ma ka ci kiɗina na.

Magaara Vi Sa Jok Vun Lona OZE 10:12

Zaaragi ni zaara gasira, agi hin feɗegi tlena u furira. Poogi sene ma wilina, cecemmi ni li ma hal Yawena ta ta nam mba njayaygi ɗegee mamba kaygiya.

Magaara Vi Sa Jok Vun Lona OZE 10:4

Aygi ɓakaygi boyna, suuruygi taygi suura ɦawara, vaygi vunuygi kay dlara ɓak ma ɗegeena wul kolo ko ndal ŋgusu ma ci suuna na kay zum hu senena.

Magaara Vi Sa Jok Vun Lona OZE 7:5

Hu buu ma vi mul mayginana ni suu mulina hin mbuɗ tasi ki tuguɗiira u ndoos sum veŋŋa, asi hin maɗ kosi maŋ suu pan suuna.

DANYEL 12:2

Bolow suu miɗi kaŋga duk ndaŋgarana hin dliɗ ki koloo, suu ɦiw hin fi iirira bay daɓpa may, suu ɦiw hin fi zolona a warak masi ma didinna may.

DANYEL 4:27

Nam ɓak boyna di ana, «Ha tani wanni ka Babilon ta ŋgollaɗi su, ta an miniɗ u saɓakanda, u bibiŋilla vi mul mandaraɗi su?»

EZEKIYEL 45:9

«Bu Suuna, Yawe, di ana, Agi muli suu Israelna dla coogira buu ni ŋgol cocoo, ndak wa na ga, hin lassa agi lasan suu mansinara lagi ni dlara irin jivira na ɗow, ka agi dikin suu mansina ki kay mbas masira oloɗi. Hin njaf suu Israelna lak hu u mbassa hin wandara. Di ni Bu Suuna Yawe.

JEREMI 23:29

Boy manna tli tammi ko ndal tlesuu wanna na, ko ndal kura u do caffa luɗ gogoyra kira na. Yawe di na.

EZAYI 61:8

Kay an, Yawe, an minni ɗegeera. An ka min ɦulaɗi, ka min li iiraɗi lay. An hin ɦal warakŋa maŋ suu mansina. Galamba an vaɗ u agi ni a fafaɗta.

EZAYI 55:6

Halagi Yawe kay nam tak tam irigi wa. Yagina kay nam ka ni na tok daŋ.

EZAYI 41:21

Yawe mul ma vi njaf suu vi Yakobma di ana, agi fuli suu vi njaf suu warnana halaŋ mbaagi aya, dagi ci way magira ay kiyo.

EZAYI 32:11

Agi suu ka saa kay vaɗina lagi ndaana. Agi suu ɦizina dlakagi ndaana ɗow, fokogi baraw magina kiyo, njunugi doona hurugiya.

EZAYI 16:5

Hu li ma mulla mbuɗ ti ni u minda, ni hu zi ma vi Davidna. Sa ma ɗegeena hin kak a kaɓakŋa nam hin ɓak suuna ni u ɗegeera tam fet kay a gi ii dlara.»

EZAYI 1:21

Ni ana mege? Ҥoŋzi ma ɗegeena mbuɗ ki gawlaŋŋa ni nanage? Nam ay ni ɦoŋzi ma ɗegeena, dlara ɗegeera ay ni huwa. Cemi mbuɗ hu ni suu ci maɗna.

HEBRENA 12:21

Suu molina mbuɗ ndaana ko Moiz di ana, «An li ndaana, tan dlak cocoo.»

ROMMA 14:12

Gegelay hin mba di dlaamba ki fok Lona u tamba.

ROMMA 12:1

Gorsenna, aygi wi ana Lona waygi hahaw maygira. Na ɗaŋŋi an joɓogiya, agi ɦal tagi ki ko ɓivun ma iirina na, ŋgomogi tagi maŋ Lona u dlara irim jivira, ni dlara jivira geleɗ Lona u ndaɗta.

ROMMA 2:16

Ni va ma Lona hin kaɓakŋa kay suuna u Yesu Kristu u tlesuu ŋgay huu suuna halaŋ ko Boy ma Ayra ma an ka dam wanna dira na.

SUNDA 26:28

Agripa di Pol ana, «Aŋ hin tok a mbuɗun hurun ki a vi Boy Lonana.»

SUNDA 17:13

Suu Juif suu Tesalonikŋa hum ana Pol ka di boyna hu Bere ni, asi tuɗ may. Asi yow ay mba ɦay ii suuna koloo.

SUNDA 9:6

Col kolo tuɗ hu ɦoŋzi ma ŋgolna, asi hin daŋ va ma aŋ hin lamma.»

MATIYE 22:5

Suu nam yasina caa yasi kaɗi, tin irisi hu sun masira, ma tuɗ hu sene mamma may, hiŋŋa li paara may.

DANYEL 5:30

Hu njeŋge ndaɗta gaw ni Baltazar mul ma Kaldeenna asi cam kiyo.

JEREMI 22:3

Yawe ɓak anaba, njunugi kay ma ɗegeena u ma jivina, buɗugi suu suu saɓakŋa lasasina kiyo, lasasiɗi, lasagi sa mbay ŋgayra varaginaɗi. Goo haw kuyuna u cara donoraɗi lay. Voogi busu suu li va kaɗina kaŋga hu li nammaɗi.

EZAYI 66:2

Olo ni, tle asina halaŋ kon lasi ni namu, asi halaŋŋi varanu. Yawe di na ni namu. Asi halaŋ an ka golosiya, suu may suu hahawra suu ka lasna halaŋ. Suu ka dlak ndaana ko boy mannana.

EZAYI 1:18

Yawe di ana, Mbaagi ay ɓakaygi boyna. Lini co magira tlawra na keŋ keŋ lay ni, ndaɗ hin mbuɗuɗ ki haɓpa ko fuɗta na. Lini ndaɗ tlaw ko busuna na lay ni, ndaɗ hin mbuɗuɗ ki haɓpa ko baraw haɓma na.

DI BOLLA 12:14

Sunda ay laɗta halaŋŋi Lona hin joɓ ki kaɗ dew dew bel. Ta ŋgayra halaŋ, lini ndaɗ jivi lay, co lay.

DI BOLLA 11:9

Aŋ goozoŋŋa furi kay zoŋ maŋga. Huruŋ furi coco hu li ma aŋ bay mbuɗ maa tuna. Aŋ li ni dlara huruŋ miniɗ ta iriŋ jivira. Na may aŋ mba wi ki ana tle asina halaŋŋi Lona hin kaaŋ ɓakŋa kaŋu.

DI BOLLA 5:8

Ko mul ma kak kay mbassana li ni sa ma min baraɗna ɦayna.

VUN ŊGOLNA 16:12

Li dla cora ni co kay mulna, kay mulla kak eŋga ni u dlara ɗegeera.

SOOLLA 119:120

Tan halaŋ ka dlak coco kay ndaa ma an ka lam koŋŋa, an liŋ ndaa boy ma aŋ damma cocoo.

SOOLLA 99:1

Yawe ni mulna, suuna halaŋ dlak ndaana komu. Nam kak kay Serubim, sa sunda huulona, ndaŋgara ka dlak ndaana komu.

SOOLLA 72:2

Ko asi ti kay suu maŋsina u ɗegeera, suu hoŋ yasi gaa u jivi maŋgana.

SOOLLA 45:7

Mulla Lona haŋgara kak na din din, aŋ ti mulla kay suuna ni u ɗegeera.

SOOLLA 11:7

Kay Yawe ni ɗegee, nam minni sunda ɗegeera may, sa ma ɗegeena hin gol ii Lona.

JOB 29:14

Ɗegeera ay cuki egenni a baraw manna. Dlaanda jivira ni a baraw man ma doɓolok ma cuki egenna a jumba tini kanda lay.

EZDRAS 10:9

Na ɗaŋŋi suu vi Yudana halaŋ u suu vi Benjaminna tok tasi hu Yerusalem hu buu ma hindina ni buu ma dok-mbana vi til ma dleeŋena. Suuna halaŋ kak hu li ma Ziŋ Lonara ka huna dlak ko ndaana kay dla ndaɗta kay mbo Lona may.

EZDRAS 10:3

Cecem wanda vaygi vunuygiya, vaygi galamba u Looygina a dikiygi boyogina halaŋ u goryosiya, u gaɗta vi malannara u ta vi suu li ndaana u gaɗta vi Looyginara. Ko dla ndaɗta li ki u gaɗta.

2 MULINA 22:19

kayra aŋ hum boy namma, nam ŋgeneŋ huruŋ cocoo, aŋ hoŋ yaŋ kaŋga fok Yawe hu li ma aŋ hum dlara an daɗ kay li namma u suu ɦurummara ana li namma hin mbuɗ ki ni li ma ɦawana, li ma gam vunna kina. Kayra aŋ haa barawi maŋsina kira, aŋ tii coco fokon lay, jiviya an may ni an hum wa. Yawe di ko ndaɗta na.

1 MULINA 21:27

Hu li ma Akab hum boy namma na ni, nam haa baraw mamma kiyo, cuk baraw bolna egemu, li laara may. Nam buu ni u baraw bolna egemu, tuɗ ni na suɗu suɗu ka tin sem kaŋga eŋgi lay.

2 SAMUEL 23:3

Lo ma vi suu Israelnana di kiyo. Ҥinira vi suu Israelnara dan ki ana, sa ma ti mulla kay suuna u jivirana. Sa ma ti mulla u ndaa ma vi Lonana.

1 SAMUEL 12:7

«Cecem wanda ni agi lakagi tani na ca fok Yawe. An hin ndum dlara Yawe kaɓakŋa kagi u ndaɗta ki lay, kay somoyogira lay.

SUNDA 24:26

Nam saa ana Pol hin ɦam gursu kala, ni kay ndaɗta nam yi Pol ay egem tew tew ni na.

JEREMI 36:16

Humba asi hum boy namma ki na halaŋ halaŋga ni asi mbuɗ ki ndaana cocoo. Ŋgoo dagan asi di Baruk ana, «Ami hin ka maa boy namma bay jokom ki maŋ mulna bel belɗi.»

TITTA 1:8

Nam li sa ma min suu mba varamma jiviya, min dlara jivira lay. Lini sa ma ɗilina, sa ma ɗegeena, teteɗna, sa ma doo tamma.