SUNDA 23:12 - Boy Lonana

¹² Vin maɗiira wanni suu Juifna vi vunusiya, asi suu tasi ki ana asi ti vaɗi lay, ci yoɗi lay, gak gak asi ci Pol ki tuwa.

SUNDA 23:12 ပူးပေါင်းရင်းမြစ်များ

SUNDA 23:30

Hu li ma an hum ana suu Juifna ŋgaa vunusi kam a cam kiyo ni an sunum ha ki egeŋ zak, di suu mam suu ɓak egemma ana asi tuɗ sekem ha fokoŋu.»

SUNDA 23:21

Ni aŋ vi boy nammaɗi, suuna ka su dok fiɗi a hin ŋgay tasi ki ŋgay ni cam kiyo. Asi suu tasi ki ana asi ti vaɗi lay, ci yoɗi lay gak gak asi ci Pol ki tuwa. Asi tasi ki miniya, juɓuŋŋi hoŋ diiŋga doy hol.»

SUNDA 23:14

Asi tuɗ eg muli suu li ɓivunna dasi ana, «Ami suu tami ki ana ami ka tami vaɗi gak gak ami cami Pol ki tuwa.

SOOLLA 31:13

Asi maaran ki ko sa ma ki miɗina na, anni ko tlesuu cukusi ki del buɗna na.

SUNDA 25:3

kay nam ɦasi Pol ay hu Yerusalem tani, kay asi tok vunusi kam dew min a cam ki hu voɗta.

JEREMI 11:19

Anni ko goo timii ma lalamma na, tuɗum hu li ma ŋgaɗtara na. An ka wi ana dla cora asi laɗta ni kan layraɗi. «Kaaygi ŋgusna ki u mbiirim egemu, kaaygina ki hu mbassa vi suu iirinara. Ka sa yam sem oloɗi.»

MATIYE 26:4

Asi vi vun tasi ana hal mbeleŋŋa a vi Yesu a cam kiyo.

2 MULINA 6:31

Nam di ana, «Cemi ni yam Elize ma goŋ Safatna yam hin kolo kam wa ni, ko Lona lan dlara daŋ ki egenu.»

GALATENA 3:13

Kristu mbuɗ ki sa ma baayna balamaya, nam buɗuygi ki ko gaɗta, magaara di ana sa ma ki ɓali kolo hu gu garakŋa ni sa ma ki baayna.

1 KORINTNA 16:22

Lini sana ka min Bu Suunaɗini, nammi sa ki baayna. Maranata (ni ana Bu Suuna mamina mbaya).

1 MULINA 19:2

Jezabel gi sana a vun sunda eg Eli dam ana, «Vin maɗii ko wanda na aŋ li ka iiri tuwa, an caŋ ka ki ko ndal aŋ ci suu joɓpa ki wandara naɗi ni logina lan cora egenu.»

1 SAMUEL 14:24

Suu Israelna wi hawra hu buu namma ɦay, kay Sol gi vunna maŋ suuna ni ko wanda na, «Cora ka kay sa ma ti va tira jew bay an sa sukulun ki u suu babali mansina bay faɗta ɗik tuna.» Suuna halaŋŋi sa juk va ti kaɗi.

MATIYE 27:25

Asi suu moli halaŋŋa dam ana, «Busuummi kami u goryomiya.»

MATIYE 26:74

Piyer gijaŋ suu tam ana, «Lini an ka ni boyna ni, Lona gan daŋgayna. An ka wi sa nammaɗi.» Vunum ndi kaŋga may ni, tlekŋa hel gaw.

NEHEMI 10:29

Suuna usira hinda ni, Levina, suu kak fun zira, suu gi soolla, suu li sunda u suu ɓorow dukusi ki u suu hu mbassa hiŋgana kay a tuɗ u gaɗta vi Lonara, boyogosiya, goryosi suu njufiina u suu tamagina, suu ki ndaki a hum dlarana,

JOSUWE 7:15

Sa ma dla ndaɗta do kelemma hin ŋgalam ki u kura. Sa namma u suu mamsina halaŋ, kay nam ɓalak ki ni Galamba vi Yawe, li ni suluk may ma cona duk suu Israelna.»

JOSUWE 6:26

Hu coki ndaɗta ni Josuwe col kolo suu ki fok suuna kay ɦoŋzi ma Yerikona ana, «Sa ma hal a hoŋ min zi ma Yerikona kolo na minna ni Yawe gam vunna. Sa ma hal a vek u zina gana vekŋi zul goorom ma ŋgolna gaw. Sa ma hal a vek vun grekŋa kolona vekŋi zul gorom ma tobona gaw may.»

DLAŊ LEVIRA 27:29

Lini ɦal ki ni sa warna ni sa namma sa ka mbuɗum oloɗi, cam ki ni ciiya.

JOSUWE 7:1

Suu Israelna li dla cora ŋgel gaɗta li dla mayra dasi ana laɗɗira. Akan ma goŋ Karmina, goŋ Zabdina, goŋ Zerana hu deera vi Yudara, yow tlesuu doo ki kasi ana sa ŋgen kom egesiɗina aya. Huu Yawe ɓeŋ ki eg suu Israelna.

URA TIN AYRA 37:18

Asi wam nam tuɗ ay na day bay tew egesi tu may ni ɓak tasi ana, cam kiyo.

JEREMI 44:25

Na ɗaŋŋi Yawe, ma Saɓakŋa Kom Belna, Lona vi Israel, ɓak anaba, u agi boyogina ki dii lay, ki lii lay, agi di ana ami min takki ni dlara ami min a laɗta. Ami ŋgal ɓivunna maŋ mul cara huulonara, vooɗ mbul ma his jivina ay may. Lagi dlaagira agi min a laɗta, lagi ɓivun magina.

SUNDA 9:23

Ŋgoo dagan li buuna goy na ca ni suu Juifna tok vunusi dew ana, asi ci Sol kiyo.

SUNDA 9:24

Ni suu daŋŋa dam ki jewe, asi juɓ vun kaana faali lay njeŋge lay a nam kal ay wa ni asi cam kiyo.

SUNDA 23:13

Suu taɓ vunusi asina su kay dok fiɗira.

2 KORINTNA 11:26

An tuɗ koyra sen bolowo ta an fi lumma fokon tliya tliyara, suu kulna fan voɗo, gorsen suu Juifna mbaaran dlara baanda kanu, suu ka njaf suu Juifɗina gi u boy namma ay ni asiya, ay hu ɦoŋzi ŋgolna lay asi halan dlara baanda an fi dlara ba kira ŋgoo bagi hu fulla lay, ba ki duk lumma ŋgolna lay, ba ki gin duk gorsen suu bay gasina lay.

1 TESALONIKŊA 2:16

Asi dooromi ana di boyna ki maŋ suu ka njaf suu Juifnaɗinaɗi. Kay a asi suɗ kiɗi, asi tuɗ fok u dla cora na ɗow yara vi Lona vasi wa.

ESTER 2:22

Na may dla ndaɗta Mardose humuɗ ki hin jokoɗ ki maŋ ca mulla, Ester, Ester hin di dla ndaɗta ki maŋ mulna u sem Mardose.