SUNDA 20:6 - Boy Lonana

⁶ Ami tamira fulumi hu lum kawina tuɗumi Filipi, ni ŋgoo luu ma fu ma bay kuffa dukumma. Ami li buuna ŋgoo dagan vadl tuɗ ŋgafasi hu Troas, hu li namma ami li buuna hu kiɗisiya.

SUNDA 20:6 ပူးပေါင်းရင်းမြစ်များ

SUNDA 12:3

Nam wi ana dla ndaɗta furi huu suu Juifna ni, nam vi Piyer daŋgayna olo. Ay ni hu buu ma luu ma asi yi fu ma bay kuffa dukumma.

SUNDA 16:12

Ay hu li namma ami tuɗ Filipi ni ɦoŋzi ma ŋgol ma jewna hu ndaŋgara Masedoinda. Ay hu li namma ni ɦoŋzi ma goona vi suu Romma ka may. Hu ɦoŋzi namma wani ami li buuna hu ŋgolo.

KALKIRA 23:15

Agi li luu ma ti fu ma bay kuffa dukumma buuna kiɗisiya ni agi ti ni fu ma bay kuffa dukumma ko an haɗaginara na hu til ma ŋgaamma til ma yam wana neeyna. Ni buu ma agi cuk ay ki hu Egiptena. Sa ka mbay egen a golon u kom ma vadlnaɗi.

2 TIMOTE 4:13

Aŋ a mbayra wanni yowon baraw man ma semetna ma an hinim ha Troas vi Karpusna aya, yowon magaarina ay koŋ may, saɓaki ni suu ɓiiri hu ɗikkana.

KALKIRA 34:18

«Humuŋ mba gaŋ kay luu ma fu ma bay kuffa dukumma tew tew. Hu buuna kiɗisiya aŋ ti fu ma bay kuffa dukumma. Ni va ma an daŋŋa kina. Ni hu til ma wana neeyna, kay agi cuk ay ki hu Egipte ni hu til ma wana nena.

1 TESALONIKŊA 2:2

Hu li ma suuna lasami ay hu Filipi ŋgulumi lay ko agi wira na, Lona hin njunumi ɦami ɦiŋga a dagi Boy mamma Ayra duk ciwayra vi suuna.

FILIPINA 1:1

Ni an Pol u Timote suu sunda vi Yesu Kristu. Magi agi suu vi Lonna halaŋ, suu vi u Yesu Kristu suu ka hu Filipina halaŋ, suu ka gol suu vi Lona u suu ka sunusina.

SUNDA 28:14

Hu ɦoŋzi ma ŋgol namma ni ami fi gorsemina huwa, asi min ana ami kak varasi li buuna goy kiɗisiya tuwa. Ni ami hin tuɗumi Rommi na.

SUNDA 21:8

Vin maɗii ni ami tuɗumi Sesare. Hu li namma ni ami cukumi vi Filip ma da Boy ma Ayra, ami buurumi varamu. Nammi sa ma ay duk suu manasi ay Yerusalem kiɗisiyana.

SUNDA 21:4

Hu li namma ni ami fi suu vina, ami kak varasi buu kiɗisiya. Asi di Pol u Musuk Lonara ana nam tuɗ Yerusalembi.

SUNDA 16:8

Asi jak ha kay Misi jakŋi tuɗ ha fun lumma Troas.

SUNDA 16:10

Cecemi ŋgoo va ma tak tam irimma may ni, ami cukumi tami tuɗ Masedoin ni na gaw. Ami wi ki kami ana Lona yami ay ni ana ami tuɗ di Boy ma Ayra ki maŋ suu hu li namma na.

SUNDA 20:5

Asi halaŋŋi tuɗ ha foko, ami juɓ ka Troas tu may.

SUNDA 20:16

Pol saa ha ana nam jak hu Efes ni ka kak kaŋga huɗi, kay nam ka a kal faɗta ki hu ndaŋgara Azira oloɗi, nam min ɓaɗ zak zak a tuɗ Yerusalem hu buu ma luu ma Pantekotna.