SUNDA 2:4 - Boy Lonana

⁴ Asi halaŋ hurusi oy ki u Musuk Lonara, gijaŋ ɓak u vun ma daŋŋa daŋŋa zeɗ zeɗ ko va ma Musuk Lonara ɦasina a asi dira na.

SUNDA 2:4 ပူးပေါင်းရင်းမြစ်များ

2 SAMUEL 23:2

Musuk Yawera ɓak ki fununu, boy maɗna ka kay sininu.

EZAYI 28:11

Na daŋ may ni u boy ma giniŋŋa, u vun ma daŋŋa, Bu Suuna hin ɓak suu asina.

EZAYI 59:21

Yawe hin di suu mamsina hu ana, gola ni galamba an vaɗ u agira, an hin fo Musuk manda kagiya. An kalagi gaɗ manda ki hurugi halaŋ halaŋ, kal boy manna ki funugi may. Agi hin haɗam ka maŋ goryogiya, maŋ gor ŋgologi magisina, maŋ goryoŋ gor ŋgologi magisinana lay. Di ni Yawe ha cemi ta ta hu daɓ nduŋga.

JEREMI 6:11

«An ki u yara vi Yawera hurun oy cocoo. An ka ndak a ɦeɓeɗ duk oloɗi.» Hin ya ndaɗta li kemba hu ɦoŋzina, kay gorzoŋŋi suu irisi kaay ko tasina. Njufiina u boyogina yowosi ki wa, sa maana u sa buu mamma ki ŋgol cocona.

EZEKIYEL 3:11

Tuɗ eg suu yowosi ay ki balnana eg goryoŋ suu maŋsinana. Aŋ tuɗ dasiya lini asi hum lay, humbi lay. Aŋ dasi ana Bu Suuna, Yawe, ɓak ay na.»

MISE 3:8

An doli ɗaŋŋi u heɓpa vi Musuk Yawera an oyra u saɓakŋa u ɗegeera u siɓpa a tak yara vi Yakobpa u suluk ma vi Israelna kiyo.

MATIYE 10:19

Asi yowogi fok suu kaɓakŋa wa ni, saaragi ana va ma agi hin nda ɓakamma ni mege naɗi. Boy ma agi damma hin kal ay hurugini hu li namma na gaw.

MARK 16:17

Gola! ni dlara mbuɗta hin tak suu tin hurusi kanna kira. Asi hin dik fuli suu cona ki u senu. Asi hin ɓak vun ma wilina lay.

Boy Ma Ayra Ma LUK Ɓiirimma 1:15

Nam hin mbuɗ sa ŋgolna ii Lona. Nam hin ka ci summaɗi lay. Hu buu ma nam vuɗ kina, Musuk Lonara hoɓom ay ki hu sum day.

Boy Ma Ayra Ma LUK Ɓiirimma 1:41

Ndaɗ Elisabet hum deɓpa vi Mari na ni, goona gijaŋ ŋgen tam huruɗ gaw. Musuk Lonara oy ki hu Elisabet.

Boy Ma Ayra Ma LUK Ɓiirimma 1:67

Bum Zakari Musuk Lonara mbay egem day ni nam gijaŋ di boy ma vi Lonna ana,

Boy Ma Ayra Ma LUK Ɓiirimma 12:12

Musuk Lonara hin haɗagi va ma agi a damma ni ndaɗu.»

Boy Ma Ayra Ma LUK Ɓiirimma 21:15

An tanda hin ɦagi nera u boy ma agi damma, babali magisina ka a ci way funugiɗi.

Boy Ma Ayra Ma LUK Ɓiirimma 4:1

Yesu, Musuk Lonara hoɓom hoɓmi, nam hin lum ma Yurdanna ha ki tani, Musuk Lonara tinim ŋgoo bagiya.

Boy Ma Ayra Ma JAŊ Ɓiirimma 14:26

Sa ma hin njun ugina ni Musuk Lonara, ta Lona hin sunuɗ ay u senda. Ndaɗ hin haɗagiya hin gagi humugi kay tlege suu an dagisinana halaŋ.

Boy Ma Ayra Ma JAŊ Ɓiirimma 20:22

Ŋgoo dagan boy namma nam fo musuk mamma ha kasiya, dasi ana, «Fagi Musuk Lonara.

SUNDA 1:5

Kay Jaŋ mbus suuna batemma ay jew ni u yona, hin fok buu ew ni agi hin mbus ki ni u Musuk Lonara.»

SUNDA 1:8

Musuk Lonara mba kagi wa ni, agi hin fi saɓakŋa, agi hin li ni a suu man suu vovoɗta diki kanda hu Yerusalem, hu mbassa Yudera, u Samarira halaŋ, gak gak tew ha ki hu li may ma vun ndaŋgara daɓ ay huna.»

SUNDA 10:46

Asi humusi asi ɓak u vun ma sa ka wambina geleɗ ŋgolia vi Lonara, nam Piyer hin di ana,

SUNDA 10:47

«Sa ndak a doo suu asina bay mbususi batemma u yona su? Asi lay ni fi Musuk Lonara ko aygi na lay.»

SUNDA 11:15

An gijaŋ ɓakŋa may ni Musuk Lonara mba cuk kasi ko ndaɗ mba kaygi jewra na may.

SUNDA 11:24

Barnabas ni sa ma jivina, tin hurum kay Boy Lonana, hurum oy u Musuk Lonara. Suuna ŋgolo vi u Bu Suuna.

SUNDA 13:52

Suu haɗina hu Antiok hurusi oyra u furira u Musuk Lonara.

SUNDA 13:9

Sol ma yam ana Polna, hurum oyra u Musuk Lonara ŋgaras irim kam ŋgaras.

SUNDA 15:8

Lona ma wi huu suuna halaŋŋa tak ki ana nam vasiya, sunusi Musuk mamba kasi ko sunuɗ ay kaygira na may.

SUNDA 19:6

Pol baa kom kasi na ni Musuk Lonara mba kasi gaw, asi gijaŋ ɓak boyna u vun ma daŋŋa daŋŋa, di ki kay dlara Lona ɦasira lay.

SUNDA 2:11

Suu Juifna u njaf suu daŋŋa suu vi Boy Lonana u vira vi suu Juifnara, suu Kretna u suu Arabina halaŋ aygi humusi asi ɓak boyna zeɗ zeɗ kay sunda ŋgola vi Lona.»

SUNDA 2:3

Asi wi vana mba kasi ko sin kura na, ɓorow ki kasi dew dew halaŋ.

SUNDA 4:31

Asi daɓ cenda may ni li ma asi laki huna geŋeɗ na jik jik. Asi oy ki u Musuk Lonara gijaŋ ɓak Boy Lonana u ɦiŋga.

SUNDA 4:8

Piyer hurum oyra u Musuk Lonara dasi ana, «Agi mulina u suu ŋgolona,

SUNDA 6:3

Ni kay ndaɗta gorsenna, managi suu dukugi kiɗisiya suu ŋgul ka egesiɗina, suu hurusi oy u Musuk Lonara, suu neeyna, ni ami hin hinisi kay sun ndaɗta.

SUNDA 6:5

Suu tokina halaŋ hurusi vi boy namma. Asi man Etiyen sa ma hurum oy u Musuk Lonara ma hurum tini kay Yesu ɦayna, u Filip, Prokor, Nikanor, Timon, Parmenas, u Nikolas, nammi sa ma Antiok ma tin hurum kay vira vi suu Juifna jewna.

SUNDA 6:8

Etiyen ni sa ma Lona paɗ vunum ki kamma. Nam oyra u saɓakŋa kay paɗvunna vi Lona, nam li dlara mbuɗta u takka ŋgolora duk suuna.

SUNDA 7:55

Nam hurum oyra u Musuk Lonara gol irim kolo huulona wi ŋgolla vi Lonara u Yesu coli bik ko Lona ma njufna.

SUNDA 8:17

Piyer u Jaŋ baa kosi ha kasi na ni, Musuk Lonara mba kasi gaw.

SUNDA 9:17

Ana nias tuɗ tuɗni, tuɗ tew hu zira nam hura, baa kom kam dam ana, «Sol, wayanna, Bu Suuna Yesu ma tak tam ay iriŋ hu voɗta ma gan ay egeŋ a iriŋ mba mal kiyo, a aŋ hoɓ u Musuk Lonara may.»

ROMMA 15:13

Lona ma mba juɓpa hoɓogi u furira u heɓpa halaŋ, hu vira agi vi umba a Musuk Lonara u saɓak mamma hoɓogi u juɓpa heɓpa.

1 KORINTNA 12:10

Musukka ɦal saɓakŋa maŋ sa hiŋŋa kay li dlara mbuɗta, sa hiŋŋa kay jok vun Lona, sa ma daŋŋa ndaɗ ɦam saɓakŋa a wi ŋgussa cora ura gasira. Sa ma hiŋŋa ndaɗ ɦam yal ma ɓak vun ma daŋŋa, ma hiŋŋa ndaɗ ɦam yal ma jok boy namma kina.

1 KORINTNA 13:1

Lini an ɓak vunna vi suuna halaŋ u ma vi suu sunda huulona lay, min manda li kaɗi ni, boy manna an damma hin kini ko gaŋgana a cira ɦawa na, ɗowba ko koŋ koŋŋa a tiira ɦawa na.

1 KORINTNA 13:8

Minda ndaɗ din din ka daɓ kiɗi. Boy ma sana fam ay ko Lonna hin daɓ kiyo, ɦala ɓak u vun ma daŋŋa zeɗ zeɗta hin daɓ kiyo, wira hin daɓ ki lay.

1 KORINTNA 14:18

An gi deɓ Lona kay an ɓak u vun ma daŋŋa suugi halaŋ.

1 KORINTNA 14:5

An min ana a agi halaŋ ɓakagi u vun ma daŋŋa, a jivi sura ni agi ɓakagi boy ma jok vun Lona. Kay ndaɗta sa ma jok vun Lona dlaamba ŋgol su sa ma ɓak u vun ma daŋŋa, a jivira ni sa ma ɓak u vun ma daŋŋa ko nam fi sa ma ndaki a jokom boy mamma ki maŋ suuna a wulusi hu vira.

EFESNA 3:19

Ni agi ndak a wi min mamba ndaɗ ka vaɗ a sa waɗ uɗ ki gasiɗi lay, ni agi ndak waɗu agi mba oy u ndakka vi Lona.

EFESNA 5:18

Guruɗugi tagi u summaɗi, kay dla ndaɗta ndak a tuɗugi hu poyra cora, hoɓogi ni u Musuk Lonara na ɗow.

EFESNA 6:18

Lagi dla ndaɗta halaŋŋi hu cenda, joɓogi Lona nam njun ugiya, cenegi kay tlena halaŋŋi u minda vi Musukka. Lakagi jek jekee, loɓogiɗi u ndaɗta na gak gak, cenegi kay suu vi Lonna halaŋ.

1 PIYER 1:12

Lona tak ki maŋ suu jokom vunumma ana boy ma asi damma ni ka masi kay tasiɗi, ni magi agiya. Boy namma agi humum ki cecemi namu. Suu di Boy ma Ayra dam ki u saɓak Musuk Lonara ta sunuɗ ay kolo huulona, asi dagina ni namu. Suu sunda huulona min a wi boy namma lay.

2 PIYER 1:21

Boy ma suu jok vun Lona damma halaŋŋi ka u minda vi sana kay tambi, ni Musuk Lonara njun usiya kay ndaɗta asi ɓak kay Lona ni na.

1 SAMUEL 1:14

Heli daɗ ana, «Ndak hin kak u guruɗta na gak gak su? Tuɗ ɗil irik ha ki hu li ma daŋŋa.»

1 SAMUEL 10:10

Asi tew ki hu Gibea may ni suu jok vun Lona u tasi bolowra ŋgafasiya. Na ɗaŋŋi Musuk Lonara mba kamu, Musuk Lonara cam ki ko asi na lay.