SUNDA 2:38 - Boy Lonana

³⁸ Piyer hoŋosi dira ana, «Jokogi hurugi ki zeɗ, gege gegelay dukugi ni mba mbus ki batemma u sem Yesu Kristu. Kay coogira hin bulum kiyo, agi mba fi ɦala vi Lonara ni Musuk Lonara.

SUNDA 2:38 ပူးပေါင်းရင်းမြစ်များ

SUNDA 22:16

Cecemi aŋ juɓmi me ologe, col kolo mbus ki batemma, a cooŋga mbus ki u yira yam semba.»

MARK 16:16

Sa ma tin hurum kanna, fi batemma lay, nam hin suɗ kiyo. Sa ma tin hurum ka kanɗina ɓakŋa hin vamu.

SUNDA 8:12

Asi vi u Boy ma Ayra ma Filip damma kay mulla vi Lonara ŋgolo. Suu njufina u boyogina lay fi batemma kay asi vi u sem Yesu Kristu.

Boy Ma Ayra Ma LUK Ɓiirimma 24:47

Suuna hin njaɗam sem ha ki hu mbassa halaŋ gijaŋŋa ha Yerusalem kay a di suuna asi jok hurusi ki zeɗ, daɓ coosira kiyo.

1 PIYER 3:21

Mbo namma takŋi batem ma ka suɗugi cecemmi wanna, mbo namma ka mbus zozoɗta eg sanaraɗi, ni a joɓ Lona kay saara ɗegeera, batemma suɗugi ni u colla Yesu Kristu col ay ki kolo iiri duk suu miɗinara.

SUNDA 10:48

Nam di ana mbususi batemma u sem Yesu Kristu. Asi joɓ Piyer ana nam kak egesi buu njok tuwa.

SUNDA 3:19

Jokogi iiri magira ki zeɗ, mbuɗugi irigi eg Lona a nam hin bulumugi coogira kiyo.

ROMMA 6:3

Agi ka wi ana aygi suu fi batemma u Yesu taɓi u nam hu miɗ mamma naɗi su?

MATIYE 4:17

Hu li namma Yesu gijaŋ di boyna ana, «Jokogi hurugi ki jivi zeɗ. Mulla huulonara mba wa tok.»

MATIYE 3:2

ana, «Jokogi hurugi ki jivi zeɗ. Mulla huulonara mbawa tok.»

SUNDA 17:30

Hu li ma suuna ay ka wi va tuɗina Lona ka ŋga va kayambi, cecemi nam yi suuna hu lina halaŋ, asi mba jok iiri masira ki zeɗ.

SUNDA 20:21

An yi suu Juifna u njaf suu daŋŋa asi jok iiri masira ki zeɗ mbuɗ irisi eg Lona tin hurusi kay Bu Suuna mayna Yesu.

SUNDA 26:20

An gijaŋ boyna dira maŋ suu Damasna u suu Yerusalemma tuwa, ŋgoo dagan an di suu hu mbassa Yudera halaŋ u suu hu njaf ma daŋŋa ni na tuwa. U dira dasi ana jok hurusi ki zeɗta, mbuɗ irisi eg Lona a li sunda gasira tak ana hurusi ki joki zeɗta.

MATIYE 28:19

Tuɗugi ha duk njaf suu kay ndaŋgarana halaŋ, mbuɗusi ki suu mansina. Mbususi batemma u sem Buna, Goromma, Musuk Lonara may.

SUNDA 26:18

An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

TITTA 3:5

nam suɗuygi ki ka ana aygi li sunda ɗegeera ka naɗi, ni kay nam waygi hahawaygiya. Nam suɗuygi ni u mbussa vi Musuk Lonara, ndaɗ ɦaygi vuɗta wilira u iirira wilira.

MARK 1:15

Nam di ana, «Lin ndak wa. Mul Lonara mba wa tok. Jokogi hurugiya. Vagi u Boy ma Ayra.»

SUNDA 16:15

Mbusuɗ ki batemma hu li namma u suu maɗna halaŋ. Ndaɗ yami ay varaɗu dami ana, «Lini agi wi ki gasagi ana an vi u Bu Suuna ni, mbaagi ay varanu.» Ndaɗ ɦeɓemi gak gak ami hin viya.

SUNDA 8:20

Piyer hoŋom dira ana, «Gursu maŋga may, aŋ taŋga may mba ba ki jak. Kay aŋ saa a gus ɦala vi Lonara u gursura.

SUNDA 5:31

Lona tlam kakam kay bikim ma njufna tinim a mulna, a Sa Suɗta a ɦal voɗta maŋ suu Israelna asi jok iiri masira ki zeɗ, a Lona hin bulumusi coosira kiyo.

ZAKARI 12:10

An hin njay ŋgus mayra saara jivira u giyamba kaŋgara kay ziŋ Davidna u suu Yerusalemma. Na ɗaŋŋi asi hin golonu sa asi cokomma. Asi hin tiirim matam ko ndal goo ma dewna na. Asi hin tii kam ko suuna tii kay goo ma vuɗ jewna na.

EZAYI 59:21

Yawe hin di suu mamsina hu ana, gola ni galamba an vaɗ u agira, an hin fo Musuk manda kagiya. An kalagi gaɗ manda ki hurugi halaŋ halaŋ, kal boy manna ki funugi may. Agi hin haɗam ka maŋ goryogiya, maŋ gor ŋgologi magisina, maŋ goryoŋ gor ŋgologi magisinana lay. Di ni Yawe ha cemi ta ta hu daɓ nduŋga.

EZAYI 32:15

Ta ta hu li ma Musukka cuk ay kaygi kaŋgana. Li ma ŋgo bagina hin mbuɗ ki sene ma jivina, sene ma jivina mbuɗ ki li ma pi ŋgusugi suu tira huna may.

EZEKIYEL 39:29

An ka ŋgay tan ki irisi oloɗi kay ana an fo Musuk manda kay suu Israelna. Di ni Bu Suuna, Yawe.

EZAYI 59:20

Yawe di ana, An hin mba ni a buɗ suu Siyonna kira, an suɗ gegelay ma Israel ma hin coomba ki hoŋ irim ay egenna.

MATIYE 3:6

Asi yi coosira ki u vunusiya, nam mbususi batemma duk mbo lum ma Yurdanna ni na gaw.

Boy Ma Ayra Ma LUK Ɓiirimma 3:10

Asi suuna joɓom ana, «Ami hin li nanage?»

SUNDA 10:43

Suu jok vun Lona halaŋ di ki kam ana sa ma tin hurum kamma u saɓakŋa vi semu co mamba hin bulum kiyo.»

SUNDA 13:38

Gorsenna agi wi ki jivi ana bulumba bulum cora faɗ ni u Yesu, ni va ma di ki fok jewna. Gegelay ma vina buɗ ki hu co mamba wa, gaɗta vi Moizza ndak ka a buɗ sa kiɗi.

EFESNA 1:7

Hu miɗna vi Kristu aygi buɗ ki hu cora wa, cooygira daɓ ki wa. Ni kay ndaɗta Lona takaygi ŋgolla vi oo mamba.