SUNDA 2:36 - Boy Lonana

³⁶ «Lini nanagelay ni suu Israelna halaŋŋi wam ki gasi, ni Yesu ma agi ɓalam ki hu gu garakŋana Lona mbuɗum Bu Suuna lay Sa Lona Fuurumma lay.»

SUNDA 2:36 ပူးပေါင်းရင်းမြစ်များ

2 KORINTNA 5:10

Aygi halaŋ hin mba ŋgaygi taygira hu ɓakŋa fok Kristu, kay gegelay mba fi va ma nam lamma, hu li ma nam ay hu mbalatam tuna, lini jiviya lini coo.

EZEKIYEL 34:30

Asi hin wi ki ana anni Yawe, Loosina. An ka u asiya. Asi ni suu mansina suu Israelna. Di ni Bu Suuna Yawe.

ZAKARI 13:1

Hu buu namma ni mbona hin ɓaɗ hu ziŋ Davidna, suu Yerusalemma a fi kumuna kay sulukŋa u dla cora.

Boy Ma Ayra Ma LUK Ɓiirimma 2:11

Sa Suɗta vuɗ ha karam njeŋge ni hu zina fi David. Ni sa Lona Fuurumma, Bu Suuna.

JEREMI 33:14

Buuna ka mbaa, Yawe di ana nam hin li dlara nam vi vunum kaɗ a suu Israelna u suu Yudana may.

JEREMI 31:31

Buuna ka mbaa, Yawe di na, ma an hin vi vunun u suu Israelna u suu Yudana vi galamba wilira.

JEREMI 2:4

Humugi boy ma vi Yawena haa, agi suu vi Yakobma u dee suu Israelna halaŋ.

EZEKIYEL 36:22

Aŋ tuɗ di suu Israelna ana, Bu Suuna, Yawe, di ana, an li dla ndaɗta ni ka kay jivi magiraɗi. Ni kay sen ma teteɗna ma agi ɓalakam ki wanna, ha ki duk njaf suu daŋŋa hu li ma agi cuki huna halaŋ.

EZEKIYEL 36:32

An li dla ndaɗta na ni ka kay jivi magiraɗi. Di ni Bu Suuna Yawe. Dla ndaɗta ni agi vaɗ ki kagi jiviya, mbuɗugi zolona na ɗow kay poy magira ay co ndaɗta, agi suu Israelna.

EZEKIYEL 45:6

Keŋ li ma hinim ki maŋ Bu Suuna namma olo ni, asi ka li ma daŋŋa keŋe. Fiyekem kelewmeter doogo yam mba' u nus, hayam kelewmeter mba' u nus may, a min ɦoŋzi ma daŋŋa kay sa ma Israelna gegelay ni ndak a min ziim hu li namma.

SUNDA 2:35

gak gak an cukuŋ suu maŋ suu gonokka kaŋga fokoŋu, ko va tin semma kamma na.

SUNDA 5:28

Nam dasi ana, «Ami doorogi ana agi haɗ sa kay sem sa namma oloɗi naɗi su? Agi hin haɗ ndaa ndaa njay boy magina ki hu ɦoŋzi ma Yerusalemma na halaŋ halaŋ. Agi min a mbaa maɗ sa namma ki kami su?»