SUNDA 2:24 - Boy Lonana

²⁴ Lona colom ki kolo iiri hu ti tara vi miɗna, kay saɓakŋa vi miɗna ndak ka a vambi.

SUNDA 2:24 ပူးပေါင်းရင်းမြစ်များ

SOOLLA 116:16

Wan hahawanu, Yawe, kay anni saaŋ ma sunda, ni goŋ cara sunuŋga lay. Aŋ buɗun zew ma njunun gana ki wa.

EZAYI 10:7

Na may mul ma Asirina hum ka na ɗowɗi, hurum ka saa naɗi. Saa mamba ni ana daɓ suu warna kiyo, nam min a gi njaf suuna ki ni bolowo.

EZAYI 25:8

Nam hin doo miɗna ki a fafaɗta. Bu Suuna Yawe hin saɗ simi ma ii suunana kiyo. Hu mbassa halaŋ nam yow zolona ki kay suu mamsina. Yawe u tamba di na ni namu.

EZAYI 26:19

Suu maŋ suu miɗina hin hoŋ ki iiriya, tliwisi ma miɗina hin paɗ ki kolo iiriya. Asi sawalla furira ana dliɗigi kiyo, agi suu ay ga duk ndaŋgarana, kay mbaɗagi magira ni mbaɗagi kiɗikka. Suu may suu ay hu ndufundana hin wi kiɗikka.

EZAYI 53:10

Yawe min a las saam ma sunda nam hin iiri mamba ki kayra vi suu daŋŋara. Nam hin wi njaf suuna ha fokosiya, fokosiya. Buu mam ma hu duliyara hin ɦuɗ foko, minda vi Yawera hin li kiyo.

Magaara Vi Sa Jok Vun Lona OZE 13:14

An hin buɗusi ay ki duk suu miɗina. Ay hu li ma maɗna an hin gaɗasiya. Maɗna saɓak maŋŋa arage? Li ma vi suu miɗina na dla cooŋga arage? Irin ka wi hahaw sa oloɗi.

MATIYE 27:63

dam ana, «Mulna, humumi gami kay boy ma sa ma kaboyna wanna dam ay, bay nam miɗ tuna, ana, An hin paɗ ki kolo iiri hu buu ma hindina.

Boy Ma Ayra Ma JAŊ Ɓiirimma 10:18

Sa ma tlan iiri manda ki kaɗi, an haɗ ni u min manda, an ndak a haɗ kiyo, hin ndak a faɗ olo. Ni dlara Bun dan ana an laɗura.»

Boy Ma Ayra Ma JAŊ Ɓiirimma 10:35

Aygi wi ki ana sa ndak ka a bulum va ma ki ɓiirina kiɗi. Suu Lona dasi ana, Agi loogina, ni suu nam ɓakasina, ni asiya.

Boy Ma Ayra Ma JAŊ Ɓiirimma 12:39

Asi ndak ka tin hurusi kayambi, kayme Ezayi di olo ana,

Boy Ma Ayra Ma JAŊ Ɓiirimma 20:9

(Suu haɗina bay hum u ɓiira di ana Yesu miɗ wa ni, hin paɗ ay ki kolo iiriyara tuwa).

SUNDA 1:16

«Gorsenna li ki wanni va ma Musuk Lonara di kam hu magara jew ɓak ki fun David kay suu hal a vi Yesuna, Yudas ni sa ma hin takasina kina.

SUNDA 13:30

Lona hin colom ki kolo hu miɗna iiriya.

SUNDA 13:37

Nam ma Lona colom ki kolo iirina wanni loɗ ka kiɗi.

SUNDA 17:31

Nam mba buu ma dew a kaɓakŋa kay suuna u ɗegeera ni u sa ma dew ma nam ŋgaɓamma. Nam tuk dla ndaɗta u colla nam colom kolo hu miɗna iirira.»

SUNDA 2:32

Sa ma an ɓak kam wanna Lona paɗam ki kolo iiriya, ni Yesu aygi halaŋŋi suu diki kamma.

SUNDA 3:15

Ni agi cagi ki ni mala iirira. Lona paɗam ki kolo hu miɗna iiriya, ami ni suu diki kamma.

SUNDA 3:26

Ni nam Lona tak Saam ma Sunda kini magi agi jewe, nam sunum ay kay a paɗ vunum ki kagiya, kay a agi hin dlaagira laɗ cora kiyo.»

SUNDA 4:10

Agi halaŋ wagiya suu Israelna halaŋ wagi kiyo, sa namma ka coli dukugi wanni u saɓakŋa vi sem Yesu Kristu ma Nazaretna, nam ma agi ɓalam ki kolo hu gu garakŋa, Lona colom ki kolo iirina.

SUNDA 5:30

Yesu ma agi cam ki ɓalam ki hu gu garakŋa Lona vi somoyoygi colom ki kolo iiri ni namu.

ROMMA 10:9

Lini aŋ di ki u vunuŋ fok suuna ana Yesu ni Bu Suuna, vi huruŋ wa ana Lona colom ki kolo iiri duk suu miɗina ni, aŋ hin fi suɗta.

ROMMA 14:9

Kristu miɗa paɗ ki kolo iiriya, a li Bu Suuna vi suu miɗina u suu iirina.

ROMMA 4:24

Boy namma ɓii ay ki ni maygi aygi suu ŋgaɓi ɗegeena, maygi aygi suu tin huruygi kay sa ma col Yesu Bu Suuna ki kolo hu miɗnana.

ROMMA 6:4

Hu batemma ay pi u namu kay a miɗ ko taygi dew, ko ndal Yesu Kristu paɗ ki kolo iiri u saɓak ma ŋgolna vi Bumma na. Aygi may ni hin mba lakaygi hu iirira wilira.

ROMMA 8:11

Lini Musuk Lonara ta col Yesu ay ki kolo hu miɗna iirira ka hurugiya ni, nam sa ma col Kristu ay ki kolo hu miɗna iirina, hin ɦagi iirira maŋ mbalatagira miɗira u Musuk mamba ka hurugi ndaɗta.

ROMMA 8:34

Sa ma hin kaɓakŋa kasina ni gege? Sa kaɗi. Yesu Kristu ma miɗna paɗ ki kolo kak hu bik ko Lona ma njufna ka cen Lona kaygiya.

1 KORINTNA 15:12

Va ma ami damma ana Kristu paɗ ki kolo hu miɗna iiriya, suu daŋŋa dukugi hin di ana suu miɗina ka paɗ ki kolo iiriɗi ni nanage?

1 KORINTNA 15:15

Oloni ana ami kaboyna kay Lona ɦawaa, kay ami di ana nam paɗ Kristu ki kolo iiri hu miɗna, doli ni li ka naɗi, lini gasi ana suu miɗina ka paɗ ki kolo iiriɗi.

1 KORINTNA 15:20

A gasira ni Kristu paɗ ki kolo hu miɗna iiriya, nammi sa ma gi vun miɗna jewna, kay suu miɗina hin paɗ ki kolo hu miɗna iiri may.

1 KORINTNA 15:4

Nam ay ki pii kaŋgaa, paɗ ki kolo hu buu ma hindina iiri ko magaara dira na.

1 KORINTNA 6:14

Lona paɗ Bu Suuna ay ki kolo hu miɗna iiriya, ni nam hin paɗaygi ay ki kolo hu miɗna iiri u saɓak mamma may.

2 KORINTNA 4:14

Ami wi ana Lona paɗ Bu Suuna Yesu ki kolo iiriya, nam hin paɗami ki kolo iiri ko tami u Yesu may, aygi hin taɓi ko taygi dew fokom namu.

GALATENA 1:1

Ni an Pol sa vovoɗta, manan ka ni suunaɗi, ka u saɗi lay, ni Yesu Kristu u Lona Buna ma colom ki kolo iiri duk suu miɗina.

EFESNA 1:20

hu li ma nam paɗ Kristu ay ki kolo hu miɗna iirina, kakam hu bikim ma njufna koloo.

KOLOSNA 2:12

Hu li ma agi fi mbussa batemma ni agi pagi tagi gaa u Kristu, agi paɗ ki kolo ni u namu, kay agi vi u saɓakŋa vi Lona ma paɗam ki kolo hu miɗna iirina.

1 TESALONIKŊA 1:10

Agi ka juɓum goromma hin mbay kolo huulona ni goromma Yesu ma nam paɗam ki kolo iiri duk suu miɗinana, ma hin buɗuygi ki hu yara vi Lona ta hin mbay wan daŋga.

HEBRENA 13:20

Lona col Bu Suuna Yesu iiri ki duk suu miɗina, nammi sa ŋgol ma taa yoona, bana mayra didinda faɗ ki ni u miɗ mamma. U saɓakŋa vi busuna vi ɓivun mamma nam mi galamba ka daɓ kiɗira.

HEBRENA 2:14

Gorkemba ko nam yasira na ni tliwna u busuna, Yesu kay tamba mbuɗ ni ko asi na kay nam tli ni tasi mayra ko sa warnana. Nam li na ni kay bulum Satanna ki u miɗ mamma, nam fi saɓakŋa vi miɗna ki komu.

1 PIYER 1:21

Agi tinigi hurugi kay Lona ni umu, nam ma colom ay ki kolo iiri hu miɗna hin ɦam ŋgolla, viigira u juɓ magira halaŋ tok eg Lona.

WIRA ŊGAYRA 1:18

An ni ma iirina, an ay jew miɗiya, cecemi an ka iiri a fafatɗa. Vun zira vi miɗna u huu lina vi suu miɗina ki ni konu.