SUNDA 2:22 - Boy Lonana

²² «Agi suu Israelna humugi va ma an min daginana, Yesu ma Nazaretna nammi sa ma Lona takagi ŋgol mamba kina. Lona li dlara mbuɗ mbuɗta, u dlara ndandalla, u takka daŋga daŋga ko agi kay tagira wi u irigira na lay.

SUNDA 2:22 ပူးပေါင်းရင်းမြစ်များ

EZAYI 41:14

Yawe di ana, li ndaaɗi njaf Yakob, agi suu suuna tayagi ki ga ko njufulna nana, an min njunugiya. Sa ma suɗugi ay kina ni ma Teteɗ ma vi suu Israelna.

MATIYE 12:28

Gasira ni an dik fulina ki ni u Musuk Lonara, ni ana Mul Lonara mba dukugi wa.

MATIYE 2:23

kak hu zina yam ana Nazaret. Li ki ni va ma suu jok vun Lona damma, «Suuna hin yam ana sa Nazaretna.»

MATIYE 9:8

Suu molina wi na ni, mbuɗ ndaa cocoo, geleɗ Lona kay saɓak ma nam ɦam maŋ suunana.

Boy Ma Ayra Ma LUK Ɓiirimma 11:20

Gasira an dik fulina ki ni u ko Lona, ni ana Mul Lonara mba dukugi wa.

Boy Ma Ayra Ma LUK Ɓiirimma 18:37

Asi dam ana, «Yesu ma Nazaretna jakŋi namu.»

Boy Ma Ayra Ma LUK Ɓiirimma 24:18

Maa dew sem ana Kleopas dam ana, «Aŋŋi sa Yerusalem ma hum dlara li cecem wanda kaɗi ni aŋ dew su?»

Boy Ma Ayra Ma JAŊ Ɓiirimma 1:45

Ŋgoo daganda Filip ŋgaf u Natanael dam ana, «Sa Moiz u suu jok vun Lona di kamma ami fam wa. Ni Yesu goŋ Yosef ma Nazaretna.»

Boy Ma Ayra Ma JAŊ Ɓiirimma 10:37

Lini an ka li sunda vi Bundaɗi ni, agi van boy mannaɗi.

Boy Ma Ayra Ma JAŊ Ɓiirimma 11:47

Suu Farisenna u muli suu li ɓivunna tok suu ŋgolo suu kaɓakŋa egesiya, asi ɓak ana, «Ay laygi ana mege? Sana wanni li dlara mbuɗta cocoo.

Boy Ma Ayra Ma JAŊ Ɓiirimma 12:17

Suu may suu ay u Yesu hu li namma nam yi Lazar ay ki hu zulla colom ki kolo iirina, njaɗ kay dla mayra asi waɗta.

Boy Ma Ayra Ma JAŊ Ɓiirimma 15:24

Lini an ka li dlara bay sana laɗta dukusiɗi ni, asi ka wi coosiraɗi. Cecemmi, asi wi dlara an laɗta, asi lami gonokka ni an may, Bun may.

Boy Ma Ayra Ma JAŊ Ɓiirimma 19:19

Pilat dasi ana asi ɓii kam kolo hu guna ana, «Yesu ma Nazaretna, Mulna vi suu Juifna.»

Boy Ma Ayra Ma JAŊ Ɓiirimma 3:2

Nam mbay eg Yesu njeŋge, dam ana, «Mala Haɗta, ami wi ana Lona sunuŋ ay a haɗami ni namu, sa Lona ka u nambina ka ndak a li dlara mbuɗta ko aŋ laɗta naɗi.»

Boy Ma Ayra Ma JAŊ Ɓiirimma 4:48

Yesu dam ana, «Agi min ana wi dlara mbuɗta an laɗta ki na herege tin hurugi kan tuwa ni nanage?»

Boy Ma Ayra Ma JAŊ Ɓiirimma 5:36

An, sa vovoɗ manda kaa, ŋgol su ma vi Jaŋŋa, ni tlesuu Bun ɦansina ana an lasiya na. An lasiya, tle asina takagi ana Bun Lona sunun ay ni namu.

Boy Ma Ayra Ma JAŊ Ɓiirimma 6:14

Suuna wi dlara mbuɗta Yesu laɗta na ni, di ana, «Sa namma gasi ni sa jok vun Lonna ma hin a mbay hu duliyara.»

Boy Ma Ayra Ma JAŊ Ɓiirimma 6:27

Lagi sunda kay fu ma ɓeŋ ki ɦawanaɗi, lagira ni kay fu ma kak iiri gak gak ɦagi iirirana. Fu namma Goŋ Sanna hin ɦagina ni namu, kayme Bum Lona ɦam saɓak namma ni hu duk kom halaŋ.»

Boy Ma Ayra Ma JAŊ Ɓiirimma 7:31

Duk suu molina, suuna bolow cocoo tin hurusi kamu. Asi di ana, «Sa Lona Fuurumma hin mba wa ni, li dlara mbuɗta su sa wanna na su?»

Boy Ma Ayra Ma JAŊ Ɓiirimma 9:33

Lini sa namma col ay ka vi Lonaɗi ni, nam ndak ka a li vaɗi.»

SUNDA 13:16

Pol col fokosi tli kom kolo dasi ana, «Agi gorsen suu Israelna, u agi suu li ndaa Lonna humugi boy manna haa.

SUNDA 14:27

Asi mba Antiok tok suu vi Kristuna halaŋ egesiya, vasi u boy ma Lona li sunda ay u asina halaŋ, u mayra nam mal voɗta ki maŋ njaf suu daŋŋa asi vira lay.

SUNDA 2:19

An hin li dlara mbuɗta ha kolo huulona kaŋga kay ndaŋgara lay, Li busuna u kura, ɗugulla u ndoosna,

SUNDA 2:43

Suuna halaŋ mbuɗi ndaa ŋgolo kay suu vovoɗta li dlara mbuɗta u takka cocoo.

SUNDA 21:28

Sawalla ana, «Suu Israelna njunumiya, gola ni sa ma ka di boyna ki wet wet a ŋgul suu Israelna, ŋgul gaɗta vi Moizza, ŋgul Ziŋ Lonara lay. Cecemi nam yow suu Grekŋa ay um hu Ziŋ Lonara, mbuɗ li ma teteɗna ki njenjee.»

SUNDA 22:8

An joɓom ana, Ni aŋ gege, Bu Suuna? Nam di ana, Ni an Yesu ma Nazaretna ma aŋ lasanna.

SUNDA 24:5

Ami wi ana sana wanni sa ŋgol ma dlam ki saɓaki co ɦayna, nam mba dlara duk suu Juifna suu hu ndaŋgara halaŋ, nam ɓeŋesi ki ni namu, nammi mulna fok suu Nazaretna.

SUNDA 26:26

Mulna Agripa ki hummi kay boy namma, ni an damma ki bay zolona may. An wi ana Mulna wi dla ndaɗta halaŋ, kay boy li ka ŋgayɗi ni ii suuna halaŋ.

SUNDA 26:9

«An u tanda hal gin a bulum sem Yesu ma Nazaretna kiyo.

SUNDA 3:12

Piyer wi suuna molira na ni nam dasi ana, «Agi lakira na jim kay boy ma vi sanna ni nanage? Agi gol ko ana ami mbuɗ sana tuɗa ni u saɓak mamina kay tamina, ɗowba u viimira u Lonara na ni nanage?

SUNDA 3:6

Piyer dam ɗaŋi ana, «Gursu doonora u lorra ka konɗi, va ma ka kon an a ɦaŋŋa, ni u sem Yesu Kristu ma Nazaretna aŋ col kolo tuɗa.»

SUNDA 4:10

Agi halaŋ wagiya suu Israelna halaŋ wagi kiyo, sa namma ka coli dukugi wanni u saɓakŋa vi sem Yesu Kristu ma Nazaretna, nam ma agi ɓalam ki kolo hu gu garakŋa, Lona colom ki kolo iirina.

SUNDA 5:35

Nam di suu tokina ana, «Agi suu Israelna, gologi tagi jivi kay va ma agi lam eg suuna wanni.

SUNDA 6:14

Ami fam nam di ana Yesu ma Nazaretna hin ɓeŋ Ziŋ Lonara kiyo, hin mbuɗ dlara Moiz haɗaygira ki zeɗ lay.»

2 KORINTNA 12:12

Sunda tak ana an ni sa vovoɗta gasi, tak ay ki dukugi ɗal ɗal asi takagi dlara sana ka waɗ uɗ ɗira u dlara mbuɗ mbuɗta.

HEBRENA 2:4

Hu li namma Lona di ki kay boy masina u takka, u dlara ndandalla u dlara mbuɗta zeɗ zeɗta. Nam ɓorow ɦala vi Musuk Lonara u min mamba.