SUNDA 2:20 - Boy Lonana

²⁰ faɗta hin mbuɗ ki ndufunu, tilna mbuɗ ki tlaw ko busuna na. Tle asina li ki ni jew buu ma ŋgolna vi Bu Suuna na, ni buu ma ŋgolna u bibiŋilla.

SUNDA 2:20 ပူးပေါင်းရင်းမြစ်များ

2 PIYER 3:10

Buu ma vi Bu Suunana hin mbani ko sa ma kulna na, hu buu namma wanni soora mbuɗ suuna ndaana ŋgolo tlesuu kolo huulonna hin yoo ki u kura, ndaŋgara u tlesuu huruɗna hin ŋgal kiyo.

AMOS 8:9

Buu namma hin mbaa, Bu Suuna, Loonna, di na. Hu buu namma ni faɗta hin ca faali may ni lina hin mbuɗ ndufunda gaw, ndufunda hin mba kay ndaŋgara ni faali njalak njalak.

MATIYE 24:29

«Ŋgoo wihaw ndaɗta dagan ni, faɗta hin mbuɗ ki ndufunu, tilna ka wi haɓ oloɗi, ciciwra hin yak ki kaŋgaa, saɓakŋa vi tlesuu huulonna hin geŋeɗa.

1 TESALONIKŊA 5:2

Kay agi kay tagira lay wi ki ana Buu ma vi Bu Suunana hin mbaa ni ko sa ma kulna na.

JOEL 2:1

Buugi tokolomma maŋ Siyon, yagi kolo u delegi eŋga kay ɦini manda teteɗta. Ko suu hu mbassana halaŋ mbuɗ ndaana. Buu ma vi Yawena mba wa, nam hin tok.

2 PIYER 3:7

Huulona u ndaŋgara ka cecemi wanda, Lona hinisi u Boy mam namma, kay hin ɓalakasi ki u kura nam hinisi kay juɓ buu ma kaɓakŋa kay suu cona, baasi kiyo.

Boy Ma Ayra Ma LUK Ɓiirimma 21:25

«Dlara mbuɗta hin li kay faɗta u tilna u ciciwra lay. Suu kay ndaŋgara hin yoo tasiya, hurusi hin haɗ kay soora bil mbona soo cocora.

MARK 13:24

«Hu buu namma ŋgoo lassa dagan wanni, faɗta hin mbuɗ ki ndufunu, tilna ka wi haɓ oloɗi lay,

WIRA ŊGAYRA 16:8

Sa sunda huulona ma fiɗina vo yara hu kop mammara kay fatɗa. Nammi ma ɦam eŋga a ŋgal suuna ki u kurana.

WIRA ŊGAYRA 6:12

An gola ni wi Goo Timiina haw vun tampoŋ ma karkiyana ki hawni. Ndaŋgara wii wiira ŋgolla na gigik, fatɗa mbuɗ ki waraa na teb teb ko baraw ma warna na, tilna u tamba halaŋga mbuɗ ki tlawra ko busuna na.

1 KORINTNA 5:5

Sa namma agi gam ha ki maŋ Satanna, nam lasam tamu a ŋgus mamba hin suɗ ki hu buu ma vi Bu Suuna Yesuna.

MATIYE 27:45

Faali faɗta col duk wanni, lina mbuɗ ki ndufunda na gim, gak gak, faɗta leŋ ki u ndaɗta.

JEREMI 4:23

An gol ndaŋgara, ndaɗ mbuɗ ki fulla. Va ka kaɗɗi. Kiɗik mayra kolo huulonara daɓ ki lay.

EZAYI 34:8

Buu namma ii Yawe ni a buu ma sa sukulna. Ni basara nam a ŋgab dlara suu duu u nam hu Siyonna kira.

EZAYI 24:23

Tilna hin maŋ kiyo, faɗta hin mbuɗ ki ndufunda. Na daŋ may Yawe ma Saɓakŋa Kom Belna ni mul ŋgolna. Ay kay ɦinira Siyonda hu Yerusalem hu bibiŋil mamba fok suu ŋgolona halaŋ.

EZAYI 13:15

Suu duuna suu asi fasina halaŋ hin casi kiyo, sa ma asi vamma hin cam ki u ŋgewna.

EZAYI 13:9

Gola Buu ma vi Yawena mba ni na, ni buu ma yara ma ka wi hahaw saɗina. U yara ŋgol ndaɗta nam hin ɓalak mbassa ki hoŋoɗ ki dagan cocoo. Suu li dla cora halaŋ nam hin daɓasi kiyo.

EZAYI 13:10

Ciciwra huulonara ugi dumussa, ka li kiɗik masira oloɗi. Faɗta day ay ki kolo na ni mbuɗ ki ndufunda, tilna ka li kiɗik mamba oloɗi lay.

SUNDA 2:19

An hin li dlara mbuɗta ha kolo huulona kaŋga kay ndaŋgara lay, Li busuna u kura, ɗugulla u ndoosna,

SUNDA 2:21

Ni suuna halaŋ gegelay ma yi sem Bu Suunana hin suɗ kiyo.