SUNDA 2:2 - Boy Lonana

² Li na gawni asi hum soora col ay kolo huulona ko babaa ma ŋgolna na, mba kasi hu zira asi laki hura.

SUNDA 2:2 ပူးပေါင်းရင်းမြစ်များ

1 MULINA 19:11

Yawe dam ana, «Kal ay kiyo. Mbay col ki kolo kay ɦinira fok Yawe. Gol iriŋu, Yawe hin jaka.» Babaa ma ŋgolna mbay coco fok Yawe, wak ɦinira ki lay, to ɦinira ay ki ga coco fok Yawe. Na may Yawe ay ka duk babaa namma gawɗi, ŋgoo babaana ni ndaŋgara ŋgeŋeɗ cocoo, Yawe ay ka duk ŋgeŋeɗta ndaŋgara ŋgeŋeɗ ndaɗtaɗi lay.

SOOLLA 18:10

Nam hin huulona ha tani cuk ay kaŋgaa, ɗugulla sem ay tini kaɗta doɓolok cocoo.

SOOLLA VI SALOMON 4:16

Dliɗ ki koloo, semeɗ ma mbayawna, mbaya semeɗ ma col ay dalina. Mbay sii hu sene manna. Ko hum tlena mbuɗ weleɗa. Ko, galanda, mbay hu sene maɗna, mbuɗ ti vuɗ tlesuu huruɗ minisina.

EZAYI 65:24

Jew bay vunusi yi kolo tu lay ni, an hoŋosi dira wa ɗow, asi ɓak ay na ni an humusi vunusiya.

MALASI 3:1

Gologiya, an sun saan ma vun sunda ha wa. Nam hin minin huu voɗta ha ki fokonu. Toŋgo zak gaw ni nam hin kal hu ziimba, malaŋ haɗta ma agi halamma, sa sunda ma banara ma minimma, gologiya, nam ka mbaya, Yawe, ma saɓakŋa kom belna, di na.

Boy Ma Ayra Ma LUK Ɓiirimma 2:13

Vunum bay ndi kaŋga tu may ni suu sunda huulona bolowo gijaŋ geleɗ Lona ha kolo huulona gaw, di ana,

Boy Ma Ayra Ma JAŊ Ɓiirimma 3:8

Semeɗna sii ni, aŋ huma, hu li ma nam col ay siira huna aŋ ka wiɗi lay. Sa ma vuɗ ay hu Musuk Lonara ni na may.»

SUNDA 2:3

Asi wi vana mba kasi ko sin kura na, ɓorow ki kasi dew dew halaŋ.

SUNDA 2:6

Hu li ma suuna hum soo ndaɗta na ni toki kay tasi dew dla ndaɗta mba kasi ni asi waɗ uɗ kaɗi, dukusi ni gegelay ɓakŋi u vun mamma mamma.

SUNDA 4:31

Asi daɓ cenda may ni li ma asi laki huna geŋeɗ na jik jik. Asi oy ki u Musuk Lonara gijaŋ ɓak Boy Lonana u ɦiŋga.

1 PIYER 1:12

Lona tak ki maŋ suu jokom vunumma ana boy ma asi damma ni ka masi kay tasiɗi, ni magi agiya. Boy namma agi humum ki cecemi namu. Suu di Boy ma Ayra dam ki u saɓak Musuk Lonara ta sunuɗ ay kolo huulona, asi dagina ni namu. Suu sunda huulona min a wi boy namma lay.