SUNDA 2:17 - Boy Lonana

¹⁷ Gologiya ni va ma Lona dam kay buu ma hin li ay daganna, An hin njay Musuk manda ki kay suuna halaŋ. Gor njufi magisina u gorɓii magisina hin di ki kay Boy Lonana. Gorzoŋi magisina tlena hin tak tasi ki irisiya, suu magi suu maana doyra hin dasiya.

SUNDA 2:17 ပူးပေါင်းရင်းမြစ်များ

EZAYI 44:3

An hin si mbona ki hu li ma yo ka huɗina, gi mbo ma ɓaɗna hu mbas mayra yo ka huɗira. An hin fo Musuk manda kay goryoŋu. Paɗ vunun ki kay njafaŋ halaŋ.

SUNDA 10:45

Suu Juif suu vina suu mbay u Piyerna wi ana Musuk Lonara mba njay kay njaf suu daŋŋa ni boy namma su ki kasi ɦay.

Boy Ma Ayra Ma JAŊ Ɓiirimma 7:39

Yesu ɓak kay Musukka suu tin hurusi kamma a faɗna. Musuk ndaɗta mba ka tuɗi kayme Yesu ka bay fi bibiŋil mamba tuwa.

ZAKARI 12:10

An hin njay ŋgus mayra saara jivira u giyamba kaŋgara kay ziŋ Davidna u suu Yerusalemma. Na ɗaŋŋi asi hin golonu sa asi cokomma. Asi hin tiirim matam ko ndal goo ma dewna na. Asi hin tii kam ko suuna tii kay goo ma vuɗ jewna na.

EZEKIYEL 11:19

«An hin ɦasi huu ma wilina u ŋgussa wilira. An hin paɗasi hurusi ma sooy eŋ ko ndal gogoyra nana kiyo, an hin ɦasi huu ma lumuɗna hurusiya.

HEBRENA 1:2

Kay aygi suu ka hu buu ma dagan cecemina nam daygi boyna ni hu Goromma. Lona li tlena halaŋŋi u namu, tle asina halaŋ Lona hinimsina halaŋŋi komu.

1 KORINTNA 12:28

Ni kay ndaɗta duk suu vina Lona cuk suu vovoɗ mamba jewe, a mbara ni suu jokom vunumma, a hindira ni suu haɗta, ŋgoo daganda ni suu li dlara mbuɗta, hiŋga suu nam ɦasi saɓakŋa a garaɗ suu tuguɗira kina, hin ɦal suu njun u suuna u suu gol suuna, suu u ɦala a ɓak vun ma daŋŋa daŋŋa.

Boy Ma Ayra Ma LUK Ɓiirimma 3:6

Ni suuna halaŋ hin wi suɗta vi Lonara ni na tuwa.»

SUNDA 21:9

Goryom gor tamagina fiɗi bay ɗuma, asi ni suu jok vun Lonna.

Magaara Vi Sa Jok Vun Lona OZE 3:5

Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.

2 PIYER 3:3

Wagi ki anaba hu buu ma hin mbay daganna ni suu may suu kak iiri kay tasi u min masira kay tasina hin panagi anaba,

1 KORINTNA 12:10

Musukka ɦal saɓakŋa maŋ sa hiŋŋa kay li dlara mbuɗta, sa hiŋŋa kay jok vun Lona, sa ma daŋŋa ndaɗ ɦam saɓakŋa a wi ŋgussa cora ura gasira. Sa ma hiŋŋa ndaɗ ɦam yal ma ɓak vun ma daŋŋa, ma hiŋŋa ndaɗ ɦam yal ma jok boy namma kina.

ROMMA 5:5

Juɓpa ka ganyam saɗi, Lona ɦaygi min mamba u Musuk mamba nam ɦaygira huruygira.

EZEKIYEL 39:29

An ka ŋgay tan ki irisi oloɗi kay ana an fo Musuk manda kay suu Israelna. Di ni Bu Suuna, Yawe.

EZAYI 66:23

Hu buu maragelay luuna hin li ha ni na gak gak, buu ma vi Lonna ha ni na gak gak koɗ tara mba wa kay suu goɓonna hu Yerusalem. Di ni Yawe u tamba.

ZAKARI 2:13

Gasi an wanna, an hin tli kon kolo kasiya, a suu mborɓii masisina ɦurumusi ki may, agi hin wi ki gasi ana Yawe, ma Saɓakŋa Kom Belna, sunun ay ni namu.

EZAYI 2:2

Buu maa hin mbaa ni ɦinira hu ziŋ Yawera hin mbuɗ fiyek a su ɦinira daŋga halaŋ, ndaɗ hin kak a ŋgolla kay ɦinira daŋga bel bel. Njaf suu daŋŋa halaŋ hin taɓ ay ki uɗu.

VUN ŊGOLNA 1:23

Mbaagi ay humungi gaɗ manda. Gola an min kalagi saa manda ha hurugiya, an min takagi boy manna.

SOOLLA 72:6

Asi li ni ko mbo lo ma si hu li ma goloŋiina na, ko lo ma laɓ yam ndaŋgara ki belna na.

Boy Ma Ayra Ma JAŊ Ɓiirimma 17:2

Kay aŋ ɦam saɓakŋa kay suuna halaŋ, a nam ɦal iirira ka daɓ kiɗira maŋ suu aŋ ɦamsina na.

MISE 4:1

Hu fokka lina hin mbaa, ɦinira vi Yawera hin li ki tinira kolo kay ndarayaɗna, ndaɗ hin ti mulla kasiya. Njaf suuna hin hoŋ irisi ha kolo kaɗu.

EZAYI 40:5

Bibiŋilla vi Yawera hin tak kiyo, suuna hin waɗ ki u irisiya. Tlesuu iirina halaŋ hin waɗu, ta vun Yawe ɓak kaɗta.

URA TIN AYRA 49:1

Yakob yi goryom ay egem dasi ana, «Tokogi aya. An min dagi dlara hin li ha egegi fokka kiyo.

EZAYI 49:26

Suu lasaŋŋa an hin ɦasi tliwisi asi komomu, asi hin guruɗ u busuusi ko ndal suuna guruɗ u summa na. Suu warna halaŋ hin wi ki ana sa ma suɗuŋ kina ni an Yawe. Sa ma buɗun ay kina ni Lo ma vi Yakob ma Saɓakŋa Kom Belna.

Magaara JAK Ɓiiriɗta 5:3

Lor magira u gursu magira ti ki tumusna wa, tumus ma namma dagi kini yagiya, nam hin ŋgalagi tliwigi kini ko kura na, agi tokogi begera kogi hu buu ma daɓ dagan cecemina wa.

DANYEL 10:14

An mbay ni a takaŋ dlara hin mba kay suu maŋŋa hu fokkara, kay ana dla ndaɗta hin tak taɗ ki fok jew kay buu namma tuwa.»

URA TIN AYRA 6:12

Lona gol dlara hu ndaŋgarara na halaŋi, ndaɗ mbuɗ ki coo, tlesuu kay ndaŋgarana halaŋ poy masira mbuɗ ki coo.

SOOLLA 65:2

Lona ma ka hu Siyonna, geleɗta ni maŋ aŋu, ami laŋ dlara ami vi vunumi kaɗta kiyo.

SUNDA 11:28

Maa dukusi dew sem ana Agabus, Musuk Lonara takam nam di ana mayra ŋgola hin ndi kay ndaŋgara halaŋ, may ndaɗta ndi ay ni hu li ma Klaud ka kaki a mul ŋgol nana.

SUNDA 2:16

Dla ndaɗta faɗ ki ni vun boy ma sa ma jok vun Lona, Joel, damma.

SUNDA 2:18

Ni na daŋ may an hin njay Musuk manda ki kay suu sununna u gorɓii suu sununna, hu buu ma namma asi hin di ki kay Boy Lonana.

SUNDA 2:33

Lona tlam kolo hu bikim ma njufna, nam fi Musuk Lonara di ki kaɗ jewra ay ko Bumu. Nam hin njayaɗ ay ki kamiya, halaŋŋi va ma agi ka wam cecemi humum u humugiya.

SUNDA 11:27

Hu buu namma suu jok vun Lona ay Yerusalem mba Antiok.