SUNDA 2:14 - Boy Lonana

¹⁴ Piyer col kolo u suu doogo yam dewna, nam gijaŋ ɓakasi ha kolo u delemba eŋga maŋ suuna ana, «Agi suu Juif suu ka Yerusalem tanna, humugi va ma an min dagina ki jiviya.

SUNDA 2:14 ပူးပေါင်းရင်းမြစ်များ

EZAYI 51:7

Agi suu wi ɗegeera humungi vunun haa, agi suu kolo huulona suu gaɗ manda ka hurugina, lagi ndaa ko mbeleŋ ma vi suu warnanaɗi, lagi ndaa ko ganyam masiraɗi.

SUNDA 5:35

Nam di suu tokina ana, «Agi suu Israelna, gologi tagi jivi kay va ma agi lam eg suuna wanni.

Magaara Vi Sa Jok Vun Lona OZE 8:1

Bu tokolomma. Ko ndal ɓarawna na dla cora ka tuɗ ha kay zi ma vi Yawena, kay ana asi calaɗ ki kay vi vun manna wa, mbuɗ yara egen kay gaɗ manda.

EZAYI 58:1

Bu Suuna di ana, Oo uŋ koloo, sawalla loɓbi, ko ndal tokolomma bura na, tli deleŋ koloo. Dla cora suu mansina laɗta dasira ha kiyo. Di goryoŋ Yakobma ha ki kay suluk masina.

EZAYI 51:1

Agi suu may suu hal suɗta humugi haa, agi suu hal Yawena, gologi ɦini mayra agi sel ha ki hura gige, gologi zul mayra agi cuk ha ki hura.

GA 8ATAMBARA 27:9

Moiz u suu li ɓivun suu vi Levina di suu Israelna ana, «Agi suu Israelna baagi vunna humugi haa, cemi ni Yawe Loogina mbuɗugi ki ni a suu mamsina.

SUNDA 21:28

Sawalla ana, «Suu Israelna njunumiya, gola ni sa ma ka di boyna ki wet wet a ŋgul suu Israelna, ŋgul gaɗta vi Moizza, ŋgul Ziŋ Lonara lay. Cecemi nam yow suu Grekŋa ay um hu Ziŋ Lonara, mbuɗ li ma teteɗna ki njenjee.»

SUNDA 7:2

Etiyen hoŋ dira ana, «Gorsenna u somoyonu humugi haa, Lona ma ŋgolna tak tam ii buygi Abraham ay hu Mesopotami ni bay nam tuɗ kak hu Haran tuwa.

SUNDA 2:22

«Agi suu Israelna humugi va ma an min daginana, Yesu ma Nazaretna nammi sa ma Lona takagi ŋgol mamba kina. Lona li dlara mbuɗ mbuɗta, u dlara ndandalla, u takka daŋga daŋga ko agi kay tagira wi u irigira na lay.

SUNDA 1:26

Asi li ŋgaɓpa duk tasiya, Matiyas hin tini namu, kal duk suu doogo yam dewna a sa vovoɗta.

EZAYI 55:2

Agi bas gursura ki kay ti ma ka hoɓogiɗina ni kay mege? Gagi zamalagi ki kay tlesuu ka a hoɓogiɗina ni amege? Humugi haa, humungi vunun haa, tagi tlesuu jivina na ɗow, tlesuu a lagi tagi furira.

EZAYI 52:8

Hum del suu maŋsuu aŋ cukusi a juɓ u lina, asi ka sawalla furira, kay asi wi Yawe ki u irisiya, nam hoŋ ay hu Yerusalem.

EZAYI 51:4

Agi suu mansina humungi vunun ha jiviya, agi suuna halaŋ tin humugi ay huma, kay gaɗta col ha ni fununu, kaɓak manna ni kiɗikka vi suunara, an hin laɗ na tew tew.

VUN ŊGOLNA 8:32

Cemi ni agi, goroyonu, humugi haa, lini agi hum u gaɗ manda ni furira ka kagiya.

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

SUNDA 13:16

Pol col fokosi tli kom kolo dasi ana, «Agi gorsen suu Israelna, u agi suu li ndaa Lonna humugi boy manna haa.

EZAYI 40:9

Agi suu Siyonna ɗiŋigi ki kolo kay ɦinira. Saagi walla, dagi boy ma jivina kiyo. Yerusalem furyugiya, lagi ndaaɗi. Dagi ɦoŋzi ma Yudana, gologiya Loogina wanna.

MATIYE 2:1

Yesu vuɗ Betlehem hu mbassa Yudera. Ni hu li ma Herod a mul masina. Suu wi dlara u ciciwra yow ay u lo maɗiina, mbay Yerusalem.