SUNDA 18:26 - Boy Lonana

²⁶ Hu Zira Tokka nam col a di boyna u saɓakŋa, Prisiye u Akilas hum boy ma nam damma na ni asi tayam usi tuɗ takam voɗta vi Lonara ki ɗegee.

SUNDA 18:26 ပူးပေါင်းရင်းမြစ်များ

HEBRENA 6:1

Kay ndaɗta wuluygi fok u haɗta vi suu ŋgolona. Hinigi haɗta vi suu jew suu vina ki ŋgoroygi dagani. Aygi ka miniygi u dlara wili kay boy nammaɗi. Va ŋgolna ni ana hin sunda cora kiyo, vi u Lona.

1 KORINTNA 12:21

Iira ka di kona ana, «An ka li va u aŋgi,» naɗi, yamba ka ndak di gayna ana, «An ka li va u agiɗi,» naɗi.

SUNDA 18:25

Nam haɗ voɗta vi Bu Suuna u voɗoɗu, yalna kam cocoo, haɗta nam haɗara, boy ma nam damma lay ni di ki kay sem Yesu gasi na ɗegee. Doli nam wi ni batem ma vi Jaŋŋa hol.

SUNDA 14:3

Pol u Barnabas kak Ikonium cocoo, asi ɓak boyna u ɦiŋga, hurusi tini kay Bu Suuna cocoo. Bu Suuna takasi ana boy ma asi dam kay oo mamba ni gasira, nam ɦasi saɓakŋa a li dlara mbuɗta u takka daŋga.

2 PIYER 3:18

Wulugi koloo, tuɗ fok u oora u wira vi Bu Suuna mayna, Sa Suɗta Yesu Kristu. Cecemi ŋgolla ni mamba lay ha fok din din. Amin.

1 KORINTNA 3:18

Ko sa ganyam tambi, lini sa ma dukugi saa ana nammi sa ma neeyna hu duliyara tani, nam mbuɗ ni sa ma giniŋŋa kay hin a fi nera.

SUNDA 28:23

Asi ŋga buuna duk tasi u Pol dew, hu buu namma wanni suuna mba bolow cocoo, fi Pol hu li ma nam buu huna. Col ay maɗii day gak gak fiɗigiya, Pol dasi boyna kiyo, nam dasi boyna kay Mul Lonara, hal a mbuɗusi hurusi u Yesu, li sunda u gaɗta vi Moizza u magaara vi suu jok vun Lona.

SUNDA 8:31

Sa namma hoŋ dira ana, «Sa haɗanna kaɗi may ni, an hin humummi nanage?» Sa namma yi Filip ana nam ful ay egem kolo hu pupusna.

Boy Ma Ayra Ma JAŊ Ɓiirimma 7:17

Sa min a li minda vi Lona hin wi ana haɗ manda col ay ni vi Lona, ɗowba an ɓakŋi u saɓak manna kay tanu.

Boy Ma Ayra Ma LUK Ɓiirimma 24:27

Ŋgoo daganda nam hin gasi u dlara ay ɓiiri kamba ki halaŋ, gijaŋŋa ay kay boy ma vi Moizna, hin jak ha kay dlara vi suu jok vun Lona halaŋ.

Boy Ma Ayra Ma LUK Ɓiirimma 19:26

Mulna ana, Sa mamma ŋgolna ɦam ha kayam hu olo. Sa ma va ka kombina, va li kom ew ni, tlam ma kiyo.

MARK 10:15

An dagi ha ni gasira, sa vi Mul Lonara ka ko gogoona naɗi na, nam ka kal huɗi.»

EZAYI 58:1

Bu Suuna di ana, Oo uŋ koloo, sawalla loɓbi, ko ndal tokolomma bura na, tli deleŋ koloo. Dla cora suu mansina laɗta dasira ha kiyo. Di goryoŋ Yakobma ha ki kay suluk masina.

VUN ŊGOLNA 25:12

Gaɗta sa ma wi dlara daɗta jivi kay sa ma humuɗna, ni ko ndal kaɗumba kay kona u ɦeɗew lorra cuk kelnara na.

VUN ŊGOLNA 9:9

Va ma aŋ dam maŋ sa wi dlara ɦuɗummi wiimba fok na ɗow. Nera aŋ daɗ maŋ sa ma yalnara jokom wiimba ha ni fok na ɗow.

VUN ŊGOLNA 1:5

Ko suu wi dlara huma, zul u wiisira foko, sa ma neeyna haɗ yal ma tuɗ fok suuna may.

1 KORINTNA 8:2

Sa ma saa hurum ana nam wi vana ni nam bay wi ki halaŋ tuwa.

SUNDA 18:18

Pol li buuna hu Korint ŋgol olo, nam hin gorsemma tani, tuɗ fok u lum kawina hu Siri gi Prisiye u Akilas um may. Caw yam ki hu Seŋkre jew caw ni hin ful hu lumma ni na tuwa, kay nam suu tam ay kiyo.

SUNDA 19:8

Pol haɗ suuna hu Zira Tokka, li tilna hindi u asi dasi boyna u ɦiŋga. Nam di boyna kay Mul Lonara, mal hu suu humum boy mamma kiyo.