Lona Yawe di ana, sa ma li huulona ni anu, sa ma beɗem ki kolo nana ni anu. Sa ma ɦal musukka huu tlesuu iiri coco kay ndaŋgara wanna ni anu. An ɦal musukŋa huu tlesuu tuɗ kaɗna halaŋ.
Gaɗ suu ka ɦizi hu duliyara tanina asi ŋga tasiɗi, dasi ana asi tin saa masira kay ɦizza bay gasira ndaɗtaɗi, tiniɗ ni kay Lona ma ɦaygi tlena ndakaygi ki halaŋ a aygi mba lak u furira.
Tuɗugi haɗagi boy ma ɓiiri namma ay hu magaara tuwa. Boy namma di ay jew ana, An min ni ɗegeera hu sanara, ka ɓivun ma yoorinaɗi. An mbay ka yi suu hurusi ɗegeenaɗi, an mbay ni kay suu cona.»
Agi li li na ni, agi hin mbuɗ ki goryoŋ Lo kolona. Nam ti fat mamba kay suu cona lay, kay suu jivina lay. Nam si yoom ay kay suu cona ko suu jivina na lay.
An ka ndak a li hurun yara egesi na gak gakgi, an ka ɓalakasi hurusi ha na gak gakgi, li ka naɗi ni ŋgus masira maŋ ki fokon cocoo, an lasi iiri masira ni an lay.
Asi girif kaŋga daɓ vogosi ga di ana, «Ҥii, Lona, Lo ma ɦal musukka huu tlena halaŋŋa, sa ma dewna li cora aŋ min tin co ndaɗta kay suuna na halaŋ gaw su?»
Ni u minda min Yawe Looginara, humum vunumu, njun tagi ni egemu. Ni agi hin lak iiriya, buu magina ɦuɗ foko, hu li ma agi hin cuk hu mbassa Yawe vi vunum u somoyogi Abraham, Isaak u Yakob kaɗta.
Na daŋŋi mulna Sedesiyas vi vunum ki ŋgay gumun ko tam u Jeremi ana, «Yawe ma ɦaygi iiri ndaɗtana ka iiriya. An hin ka caŋ kiɗi, ka ɦaŋ ki maŋ suu asi suu min a caŋ kinaɗi lay.»