SUNDA 17:24 - Boy Lonana

²⁴ Lona ma li duliyara u tlesuu huruɗna halaŋŋa, nammi Bu Suuna vi tlesuu kolo huulona u suu kay ndaŋgarana halaŋ. Nam ka kak hu zi ma sa minim u kombi.

SUNDA 17:24 ပူးပေါင်းရင်းမြစ်များ

1 MULINA 8:27

Na ni gasi, Lona ndak a kak kay ndaŋgara tani su? Huulona tamba halaŋ ka ndak a kakaŋgi lay ni ko goo zira an miniɗ wanda su?

GA 8ATAMBARA 10:14

Na daŋ may Yawe Loogina huulona u huulona ma kolo dayna u ndaŋgara ni mamsina halaŋ, u tlesuu huruɗna halaŋ lay.

SUNDA 7:48

«Lona ma kolo dayna ka kak hu zi ma suuna minim u kosinaɗi, ko sa ma jok vun Lona dira na.

EZAYI 66:1

Yawe di ana, Huulona ni dlam manda kakŋa, ndaŋgara ni va ma an tin sen kamma ɦawaa. Zi ma agi hin mininnana ni manage? Li ma an hin a koɗ tan hurumma ni manage?

2 DLAŊ MULINARA 6:18

Na ni gasi Lona ndak a kak ko tam u suuna dew kay ndaŋgara su? Huulona tamba lay ni ka ndak a kakaŋgi, gol ko zi mayra an miniŋga wandara su?

MATIYE 11:25

Fali ndaɗta Yesu di ana, «Bunu, mul ma kolo huulona, kaŋga kay ndaŋgara lay na, an gaŋ deɓpa kay aŋ ŋgay tlegeyeŋ ki ii suu wira u suu neeyna, hin takasi ki ii suu kaɗakina.

2 DLAŊ MULINARA 2:6

Cemi wanda aŋ sunun sa ma wi yal sun lorra, doonora, kawi ma tlawna u ɓalaŋŋa aya. Ni sa ma wi yal gi cil barawna, corom tam ki tlawra u ma guyvun guyvunna, ma wi yal ɦosa ɦos vun tlena ki luy luyna may. Nam hin mba taɓ li sunda ko tam u suu mansina, suu may suu bun David varasi kana, suu ka cuki hu Yerusalem u suu ha ki cuki keŋ hu mbassa Yudarana halaŋ.

SOOLLA 115:16

Huulona ni vi Yawe, na may nam ɦal ndaŋgara ki maŋ suu warna.

WIRA ŊGAYRA 20:11

Ŋgoo dagan an wi dlamba haɓpa mulla ta ŋgolla, sa ma kaki kaɗna ndaŋgara u huulona yow liŋŋa fokomu, sa ka wasi u irim oloɗi.

SUNDA 14:15

«Banayamina agi lagi na ni mege, ami ni suuna ɦawa ko agi na may, ami mba dagi Boy ma Ayra a agi hinigi fuli suu asina kiyo, mbuɗugi irigi eg Lona ma iirina na ɗow. Ma li huulona li ndaŋgara li lum ŋgolna u tlesuu hurumma halaŋ.

SUNDA 4:24

Asi hum boy namma na ni suu vina halaŋ gijaŋ cen Lona ko tasi dew ana, «Mala Suuna aŋŋi sa ma li huulona lay, li ndaŋgara lay, li mbo lumma ŋgolona u tlesuu hurumma layna.

JEREMI 10:11

Gola ni dlara agi hin dasirara, loogi suu li huulona u ndaŋgara kaɗina hin bulum ki kay ndaŋgara, ki kaŋga u huulona.

Boy Ma Ayra Ma LUK Ɓiirimma 10:21

Hu li namma na gaw ni Musuk Lonara oy hu Yesu u furira, nam di ana, «Bunu, mul ma kolo huulona, kaŋga kay ndaŋgara layna, an gaŋ deɓpa kay aŋ ŋgay tlegeyeŋ ki ii suu wira u suu neeyna, hin takasi ki ii suu kaɗakina. Na may Bunu, aŋ min ni na.

EZAYI 42:5

Lona Yawe di ana, sa ma li huulona ni anu, sa ma beɗem ki kolo nana ni anu. Sa ma ɦal musukka huu tlesuu iiri coco kay ndaŋgara wanna ni anu. An ɦal musukŋa huu tlesuu tuɗ kaɗna halaŋ.

2 MULINA 19:15

Gijaŋ cenda fok Yawe di ana, «Yawe, Lona vi suu Israelna, aŋ ma ka kaki kolo kay Serubimma, aŋ dew ni Lona vi muli suu ka kay ndaŋgarna bel bel, kay aŋŋi sa ma li huulona u ndaŋgarana.

JEREMI 23:24

Lini sana ŋgay tam ha ki day lay ni, an hin ka wambi su? Di na ni Yawe. An oy li ma kolona u li ma kaŋgana, ka ki ni anɗi su? Yawe di na.

HEBRENA 3:4

Ziginina halaŋŋi malayasi suu minisina kaa. Doli Lona ni sa ma min tlena halaŋŋa.

MATIYE 5:34

Anu, an dagi ana, Suurugiɗi. Suurugi u huulonaɗi, ni li kakŋa vi Lona.

EZAYI 40:12

Sa ma ŋga mbo lumma hu duk komma ni gege? Sa ma ŋga fiyek huulona u komma ni gege? Sa ma tuk tam a ŋga gugum ma sii kolo wanna ni ge mayge? Sa ma tli nek ɦinira u gogoyra ŋgolora kay kelewna ɦoyna ni gege?

SOOLLA 24:1

Soolla vi David. Yawe, duliyara u tlesuu huruɗna halaŋŋi maŋsina, ndaŋgara u suu kaɗna halaŋ.

HEBRENA 1:2

Kay aygi suu ka hu buu ma dagan cecemina nam daygi boyna ni hu Goromma. Lona li tlena halaŋŋi u namu, tle asina halaŋ Lona hinimsina halaŋŋi komu.

Boy Ma Ayra Ma JAŊ Ɓiirimma 1:1

Hu jewra tin ayra ni Boyna kaa. Boyna ay ni eg Lona, Boyna ni Lona.

EZAYI 40:28

Agi ka wiɗi su? Agi ka humbi su? Lona Yawe ni sa ma li duliyara halaŋŋa nam ka dindin, nam ka loɓbi, ka mbuɗ maŋiɗi lay, sa ma daŋ ma wam neemba ki kaɗi.

ZAKARI 12:1

Di boyna. Yawe ɓak Israel. Yawe ma li huulona, li ndaŋgara, li ŋgussa hu suuna layna di ana,

SOOLLA 148:13

Ko asi halaŋ geleɗ ni sem Yawe kay sem ŋgol su tlesuu daŋŋa halaŋ, bibiŋil mamba ti ga kay ndaŋgara lay, ha kolo huulona lay.

JEREMI 32:17

«Bu Suuna Yawe, aŋŋi sa li huulona u ndaŋgara lay u saɓak maŋ ma ŋgolnana. Aŋ ɦal saɓak maŋŋa kiyo, va ka kaŋ loɓbi.

EZAYI 45:18

Yawe li huulona ni namu, nammi Lona, nam li ndaŋgara ni nam lay. Nam laɗ ni hini yaɗ ka ki ɦawaɗi, ni kay a suuna cuk zina kaɗu. Nam di ana, anni Yawe, sa ma daŋ ma ko ndal an na kaɗi.

SOOLLA 146:5

Furira ka kay sa ma Loŋ Yakobma ka njunumma u sa ma tin saa mamba kay Yawe, Loommana.

URA TIN AYRA 14:19

Nam paɗ vunum kay Abram ki ko wanda na ana, «Ko Lona ma Kolona ma li huulona u ndaŋgara paɗ vunum ki kay Abram.

URA TIN AYRA 14:22

Abram hoŋ dira maŋ mul ma Sodomma ana, «An tli kon kolo suu tan fok Yawe, Lo ma Kolona ma li huulona u ndaŋgarana,

URA TIN AYRA 1:1

Lona gijaŋŋa ay jewni li huulona, li ndaŋgara.

MALASI 2:10

Aygi halaŋŋi buygi ka ni dewɗi su? Lo ma dewna laygi ka ni nambi su? Ni kay me huruygi mbuɗ ki cora eg taygi na halaŋ halaŋ a ɓeŋeygi banara vi somoyoygira ki ge?

ROMMA 1:19

Kay ndaɗta Lona kaasi ɓakŋa kasiya, va ma sana ndak a wi Lona u namma kaki irisi kiɗiki, ni Lona takasi va namma ki irisi ni namu.