SUNDA 16:9 - Boy Lonana

⁹ Hu njeŋgera wanni van tak tam irimu, nam wi sa ma Masedoinna coli fokomu, ka dam ɗaŋi ana, «Tuɗ ay Masedoin mbay njun umiya.»

SUNDA 16:9 ပူးပေါင်းရင်းမြစ်များ

SUNDA 19:21

Ŋgoo dla ndaɗta dagan wanni Pol tin hurum a tuɗ Masedoin, jak ha Akay kay a tuɗ Yerusalem. Nam di ana, «An col a tuɗa wanni an min wi Rom ki u irin lay.»

SUNDA 18:5

Falira gi Silas u Timote mba Masedoinda wanni, Pol ka li va daŋ kombi, di ni Boy Lonana sak sak, tak ki maŋ suu Juifna ana Yesu ni Sa ma Lona Fuurumma.

ROMMA 15:26

Suu vi Kristuna hu Masedoin u suu Grekŋa min a ɦal tlena maŋ suu vi Lona suu wihawra hu Yerusalemma.

SUNDA 20:1

Vunna heɓ kaŋga heɓmi, Pol tok suu vina egem a soosi hurusiya, nam gasi deɓpa si ni garak u asi tuɗ Masedoin gaw.

1 TESALONIKŊA 4:10

Agi ka li eg gorsegi suu hu Masedoinna ni na daŋ may, na may ami joɓogi ana agi li ha fok hu su olo.

2 KORINTNA 12:7

Va ma dooron ana an a ŋga tanɗina a wi dlara mbuɗ mbuɗta ni nam kusun wayara duk tliwinu, mba egenni ko sunda vi Satan na kay waɗanu a dooron kay ŋga tara.

2 KORINTNA 11:9

Fali mayra an ka varagira wani sa ma njun un a ɦan gursu kaɗi, kay gorseygi suu ay Masedoinna ɦan tlesuu njun unna halaŋ kay ndaɗta an ŋgom tan gak gak tinigi nek manda ka kagiɗi an min tuɗ fok a ŋgom tuna gak.

2 KORINTNA 9:2

An wagi min magira, kay ndaɗta an ŋgaagi fok suu Masedoinna ana gorsegi suu Gresna tasi mini a ɦal njunda ki gasam day. Tagira feɗta kay sunda ɦal eŋga maŋ suu hiŋŋa.

2 KORINTNA 8:1

Gorsenna an min dagi dla mayra Lona tak oo mamba ki duk suu vina hu Masedoinda.

2 KORINTNA 7:5

Hu li ma ami mba hu Masedoin wanni fami koɗta ka hu na ndeɗi, ami fami wihawra ŋgolo. Njogoɗ ko tammi u suu daŋŋa, ndaana hurumi coco lay.

SUNDA 20:3

Nam li tilna hindi hu li namma. Nam saa a ful hu lum kawina tuɗ Siri, doli hu li namma nam hum ana suu Juifna tok vunusi kam a lam honira. Nam ana jivira ni nam hoŋ Masedoin.

SUNDA 10:30

Korniye hoŋom dira ana, «Buuna ki ca ni hindi faɗta ko wandara na, fiɗigi boyogina yow wa ma funa, an a cen Lona varan voo gol irinu ni, sana coli fokon u barawna weleɗ tamma wilik wilik.

SUNDA 10:3

Fali taa dew ni fiɗigi a boyogina yow wa ma funa wanni, sa sunda huulona tak tam irimu, nam wi sa sunda huulona mba varam dam ana, «Korniye.»

SUNDA 9:38

Suu haɗi suu Yoppena hum ana Piyer ka hu Lida ni, ndaɗ tok eg Yoppe, asi cuk suu vun sunda ha egem mba dam ana, «Ami ceneŋi ceniya aŋ mbay varami na zak vi yaŋ ayɗi.»

SUNDA 16:10

Cecemi ŋgoo va ma tak tam irimma may ni, ami cukumi tami tuɗ Masedoin ni na gaw. Ami wi ki kami ana Lona yami ay ni ana ami tuɗ di Boy ma Ayra ki maŋ suu hu li namma na.

SUNDA 16:12

Ay hu li namma ami tuɗ Filipi ni ɦoŋzi ma ŋgol ma jewna hu ndaŋgara Masedoinda. Ay hu li namma ni ɦoŋzi ma goona vi suu Romma ka may. Hu ɦoŋzi namma wani ami li buuna hu ŋgolo.

SUNDA 19:22

Nam sun suu njunum hu sunda ha fokom mba', Timote u Erast, nam hin ka dagan a jok hu ndaŋgara Azira tuwa.

SUNDA 19:29

Ҥoŋzi ma ŋgol namma halaŋŋi vunna njay ha ki hu ni na bel bel. Suuna yow Gayus u Aristark taɗasi usi hu li ma tokka ma ŋgolna kay asi mba' ni suu tuɗ u Pol hu koy mamba. Suuna tok tasi ay ŋgolla na ndul ndul ki kasiya.

SUNDA 27:2

Ami fulumi hu lum kawi ma Adramit, nam a tuɗ tok hu ndaŋgara Azira, ami hin tuɗumi ɗaŋ. Aristark ma Masedoin ta Tesalonikka ay umi hu may.

GA 8ATAMBARA 30:13

Ndaɗ ha ka ŋgoo mbo lum ŋgolna ii hiŋŋaɗi lay, a sa di ana, «Sa ma hin lusumi lumma ha ki a halaɗna ni gege, hin a ndumumira a ami li uɗna ni gege?»