SUNDA 16:1 - Boy Lonana

¹ Pol tew Derbe hin tuɗ Listra. Hu li namma ni sa ma vina dew sem ana Timote, nammi goŋ goora Juiffa, ndaɗ vi u Lona, bummi sa ma Grekŋa.

SUNDA 16:1 ပူးပေါင်းရင်းမြစ်များ

2 TIMOTE 1:5

Humun gan kay viiŋga gasira aŋ vira, vi ndaɗta ni mayra suŋgolo Lois u suŋ Eunise vaɗ ay jewra, an wi ki kaŋ gasi ana vi ndaɗta ka huruŋ may.

2 TIMOTE 1:2

Maŋ Timote, goron, ma an minimma. Ko Lona Buna u Bu Suuna mayna Yesu Kristu ɦaŋ oora, vaɗ huuna u heɓpa.

1 TIMOTE 1:2

Maŋ Timote goron ma gasina hu vira. Ko Lona Buna u Yesu Kristu, Bu Suuna mayna, ɦaŋ oora, vaɗ huna, u heɓpa.

1 TESALONIKŊA 3:2

Ami sunumi wayamina Timote ma li sunda vi Lona u amina, kay a di Boy ma Ayra ki kay Kristu. Ami sunugina ha ni kay a nam gaɗagi, soogi hurugi kay viigira.

1 KORINTNA 4:17

Kay ndaɗta an sunugi Timote haa kay nammi goon ma an minimma, ma gasagi hu Bu Suuna na, nam hin mba gagi humugi kay gasagi mayra tuɗun iri manda u Yesu Kristura, gasi mayra an haɗaɗ maŋ suuna hu Ziŋ Lonana tew tewra.

SUNDA 18:5

Falira gi Silas u Timote mba Masedoinda wanni, Pol ka li va daŋ kombi, di ni Boy Lonana sak sak, tak ki maŋ suu Juifna ana Yesu ni Sa ma Lona Fuurumma.

SUNDA 17:14

Gorsesina wi na ni vi yasi ka oloɗi, tin Pol hu voɗta hu lum ŋgolna zak gaw. Gi Silas u Timote hin ka hu Bere tu may.

2 TESALONIKŊA 1:1

Ni an Paul, Silas u Timote ɓii maŋ suu vi Kristuna hu Tesalonikŋa, suu vi Lona Buna u Bu Suuna Yesu Kristu.

KOLOSNA 1:1

Ni an Pol, u minda vi Lona, sa vovoɗta vi Yesu Kristu, u wayaygina Timote.

FILIPINA 2:19

An saa hu Bu Suuna Yesu a hin sunugi Timote ha tok kay an hin fi eŋga u boy ma an humum kagina.

ROMMA 16:21

Timote ndaran ma sunda gagi deɓpa ugi Lusiyus, Jason u Sosipater suu somo manda gagi deɓpa.

SUNDA 14:6

Asi hum ana suuna hal a casi kini ciya, ni Pol u Barnabas pii tuɗ hu Listra u Derbe. Ni hu ɦoŋzi ma ŋgolna hu Likaonina, u ɦoŋzi ma ŋguyumma lay.

HEBRENA 13:23

An dagi ha ni kay wayagina Timote asi gam ay kiwa, lini nam mba zaki ni ami hin tuɗ ha gologi u tamiya.

1 TIMOTE 1:18

Timote, goronna, an daŋ gaɗ ndaɗta ni maŋu, ni kay boy ma suu jok vun Lona dam ay ki kaŋ jewna aŋ col kay boy namma a duu duu ma jivina.

1 TESALONIKŊA 1:1

Ni an Pol u Silas U Timote ɓii maŋ suu vi Kristuna hu Tesalonik, suu vi Lona Buna u Bu Suuna Yesu Kristu. Ko oora u heɓpa kak u agiya.

FILIPINA 1:1

Ni an Pol u Timote suu sunda vi Yesu Kristu. Magi agi suu vi Lonna halaŋ, suu vi u Yesu Kristu suu ka hu Filipina halaŋ, suu ka gol suu vi Lona u suu ka sunusina.

SUNDA 19:22

Nam sun suu njunum hu sunda ha fokom mba', Timote u Erast, nam hin ka dagan a jok hu ndaŋgara Azira tuwa.

2 TIMOTE 3:11

Aŋ may ni hum u las manda u wihaw manda. Aŋ wi dla mayra li ay egen hu Antiok u Ikonium u Listra halaŋ, u lassa an siɓiɗ hu li nammara. Bu Suuna suɗun ay ki ko dla ndaɗta halaŋ.

1 TESALONIKŊA 3:6

Timote ay varagi hoŋ ay egemi wa, nam dami boy ma jivina kay dla viigira u min magira. Nam dami ana agi ka saa kami tew tew u furira, agi min a wami irimi ko ami hal a wagira na may.

2 KORINTNA 1:19

Yesu Kristu, Goŋ Lonna ma Silas dagi kamma, ami ha Timote mbani kay «Ҥaara» u «Kaɗiraɗi.» Maŋ Lona kini na ɗow ana «Ҥaa.»

2 KORINTNA 1:1

Ni an Pol sa vovoɗta vi Yesu Kristu u minda vi Lona, u wayayna Timote. Eg suu vi Kristuna, suu vi Lonna hu Korint u suu hin tasi ko Lona suu ka hu Gresna bel bel.

1 KORINTNA 7:14

Cara vira mbuɗ njufuɗ ma bay vina ki teteɗ u taɓ masira. Njuf ma vina mbuɗ caamba bay vira ki teteɗ u taɓ masira. Lini ka naɗi ni goryosi ni ko suu bay vina na, a gasira ni asi teteɗ ii Lona.

SUNDA 14:21

Pol u Barnabas di Boy ma Ayra hu ɦoŋzi ma ŋgolna Derbe, hu li namma asi fi suu haɗina ŋgolo. Ŋgoo dagan ni asi hoŋ Listra tuɗ Ikonium u Antiok ta Pisidira.

SUNDA 14:1

Hu Ikonium wanni gi Pol u Barnabas cuk hu Zira Tokka vi suu Juifna, asi ɓak Boy Lonana ko ndaɗta na ni suu Juifna u suu Grekŋa vi Boy Lonana ŋgolo.

EZDRAS 9:2

Asi u goryosi ɗum gorɓiina, njaf suu teteɗna tlum tasi ki duk suu hu mbassana. Mulina u suu kaɓakŋa ni suu kal tasi hu dlara njenje ndaɗta jewna.»

1 KORINTNA 16:10

Timote mba ha dukugi wani agi vam dukugi jiviya, kay nam li sunda vi Bu Suuna ko an na may.

FILEMONDA 1:1

Ni an Pol, sa ma daŋgayna kay Yesu Kristuna u wayaygina Timote. Ami ɓii wanni maŋ Filemon, banamina u ndarami ma sunda.