SUNDA 15:8 - Boy Lonana

⁸ Lona ma wi huu suuna halaŋŋa tak ki ana nam vasiya, sunusi Musuk mamba kasi ko sunuɗ ay kaygira na may.

SUNDA 15:8 ပူးပေါင်းရင်းမြစ်များ

SUNDA 1:24

Asi halaŋ cen Lona ɗaŋ ana «Aŋ sa ma wi huu suuna halaŋŋa takami sa ma aŋ manam duk suu mba' asina,

SUNDA 10:47

«Sa ndak a doo suu asina bay mbususi batemma u yona su? Asi lay ni fi Musuk Lonara ko aygi na lay.»

WIRA ŊGAYRA 2:23

Li ka naɗi ni an hin caɗ goryoɗ kiyo. Ni suu vi Kristuna halaŋ hin wi ana an ni sa ma wi saara u minda hu suunara. An hin warak gegelay ni u sun mamba nam laɗta.

HEBRENA 4:13

Va ma ŋgay ii Lona kaɗi. Tlesuu nam lasina halaŋŋi ki fokom nam Lona ni siiliya, aygi di kay dlaaygira halaŋ fokom namu.

SUNDA 14:3

Pol u Barnabas kak Ikonium cocoo, asi ɓak boyna u ɦiŋga, hurusi tini kay Bu Suuna cocoo. Bu Suuna takasi ana boy ma asi dam kay oo mamba ni gasira, nam ɦasi saɓakŋa a li dlara mbuɗta u takka daŋga.

SUNDA 2:4

Asi halaŋ hurusi oy ki u Musuk Lonara, gijaŋ ɓak u vun ma daŋŋa daŋŋa zeɗ zeɗ ko va ma Musuk Lonara ɦasina a asi dira na.

HEBRENA 2:4

Hu li namma Lona di ki kay boy masina u takka, u dlara ndandalla u dlara mbuɗta zeɗ zeɗta. Nam ɓorow ɦala vi Musuk Lonara u min mamba.

SUNDA 4:31

Asi daɓ cenda may ni li ma asi laki huna geŋeɗ na jik jik. Asi oy ki u Musuk Lonara gijaŋ ɓak Boy Lonana u ɦiŋga.

Boy Ma Ayra Ma JAŊ Ɓiirimma 21:17

Nam hin joɓom a yamba hindira ana, «Simon, goŋ Jaŋŋa, aŋ minin su?» Piyer ɗus irim na dum dum kay joɓpa Yesu joɓom a yam hindira ana «Aŋ minin su?» Nam hoŋom dira ana, «Bu Suuna aŋ wi tlen halaŋ, aŋ wi kaŋ ana an miniŋu.» Yesu dam ana, «Golon timigii mansina.

Boy Ma Ayra Ma JAŊ Ɓiirimma 5:37

Bun ma sunun ayna ka di ay kan lay. Agi humum delem ka dewɗi lay, wam irim kaɗi lay.

JEREMI 20:12

Yawe ma Saɓakŋa Kom Belna, aŋ sa wi saara vi sa ɗegeena, sa wi dlara huu suunara u saara, an hin waŋ aŋ sa sukuluŋ u asiya, kay ana an hin dlaanda halaŋŋi koŋu.

JEREMI 17:10

An, Yawe, sa wi saa suuna, wi dlara hurusira lay, kaɓakŋa kay gegelay ni u dlaamba u sunumba nam laɗta.

JEREMI 11:20

Yawe, ma Saɓakŋa Kom Belna, aŋ sa ti mulla u ɗegeerana, aŋ sa wi huu suuna u saarasi layna. An hin wi dlara aŋ hin lasira egesira kay ana an hin tanni hu duk koŋu.

SOOLLA 44:21

Lini ami maa ki kay Loomina lay, lini ami pereɗ irimi u loogi suu daŋŋa lay,

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

1 MULINA 8:39

aŋ may ni humusiya. Bulumusi coosira kiyo. Aŋ, Yawe, Lona ma ay kolo huulona dayna mbay njunusiya. Aŋ li gegelay ni u poy mamba kay ana aŋ wam hurumu. Aŋ dew ni sa ma wi huu suuna ki halaŋŋa.

1 SAMUEL 16:7

Na may Yawe di Samuel ana, «Aŋ ŋgaam kay jivim u wulum ma fiyekŋa na gawɗi. An hoŋ dira olo ka ni kay dlara suuna waɗ u irisira ɦawaɗi. Suuna wi ni dlara ki irisi kiɗikka, may Yawe wi ni huuna.»

1 DLAŊ MULINARA 29:17

An wi ana aŋ, Loonna, wi huu suuna. Aŋ minni ɗegeera. An may ni u hurun ma ɗegeena an ɦaŋ tle asina halaŋ. Cecem wanda suu maŋsuu ka tanina an ka wasi asi ɦal tlena u furira u hurusi ma dewna.

SUNDA 15:28

Kay Musuk Lonara u ami tamira lay saa ka a tinigi va ma nek kagi ma su wannaɗi.