SUNDA 15:20 - Boy Lonana

²⁰ Ɓiirigisina magaara, asi kom tliw ma njenje ma sana li ɓivunna maŋ fulina u nammaɗi, doo tasi kay dlara zoŋga, asi kom tliw tlesuu muruɗusi muruɗina ɗi, ci busunaɗi lay.

SUNDA 15:20 ပူးပေါင်းရင်းမြစ်များ

SUNDA 15:29

Komogi tliw ma sana li ɓivunna maŋ fulina u nammaɗi, ci busunaɗi, kom va ma sana muruɗum muruɗi ɗi, gologi tagi jivi kay boy zoŋga. Lagi tagi jiviya, hin dlara halaŋga ndaɗta kiyo.»

WIRA ŊGAYRA 2:20

Aŋ hum va ma hurun ɓeŋ egeŋ kamma haa, kay hinda aŋ hin Jezabella, ndaɗ di kay taɗ ana ndaɗ ni cara jok vun Lona. Ndaɗ haɗ suu man suu sunda ana asi li dlara zoŋga, asi ti tliw ma li ɓivunna maŋ fulina lay.

WIRA ŊGAYRA 2:14

Va ma hurun ɓeŋ egeŋ kamma kaa, kay suu tin hurusi kay haɗta vi Balaamma ka varaŋu. Balaam haɗ Balak dlara suu Israelna cuk kaŋga hu cora, asi kom tliw ma li ɓivunna maŋ fulina u namma, li dlara zoŋga lay.

DLAŊ LEVIRA 3:17

Gaɗ ndaɗta hin ha kagi ni a fafaɗta, ha aragelay li ma agi ka huna ni, tliw ma tam u mbulna halaŋ agi komombi, kom mbulna u busunaɗi lay.»

URA TIN AYRA 9:4

Na may ni agi komogi tliw ma u iiri mamba hurummaɗi, ni di ana ma u busuɗum hurumma.

SUNDA 21:25

Lini kay njaf suu vina ka njaf suu Juifnaɗina, ami ɓiirisi magaara ha kay boy ma ami saa kamma ana kom tliw ma li ɓivunna maŋ fulina u nammaɗi, ci busunaɗi, kom tliw tlesuu muruɗina ɗi lay, doo tasi kay boy zoŋga.»

1 KORINTNA 6:18

Piirigi ki kay dlara zoŋga, cora daŋga sana laɗ halaŋga, ki buru eg sana, sa ma ɦal tam kay li zoŋga, li co ndaɗta ni eg mbalatam gaw.

1 KORINTNA 6:9

Agi wagi ki kagi ana, suu hurusi cona ka fi Mul Lonaraɗi. Ganyam tagi kiɗi, suu li dla cora u suu cen lo ma ɦawana, u suu li zoŋga, suu buu u ndarayasi suu njufina,

WIRA ŊGAYRA 9:20

Suu hin bay ci ko lassa ndaɗta halaŋ, ka hom kay dla cora asi laɗtaɗi, asi ka hin cenda cen fulina u gugunina mini u lorna, u doonora, u kawina, u ɦinira, u guna, tlesuu irisi ka wiɗi, ka humbi, ka tuɗɗi layna.

1 PIYER 4:3

Agi ay jew basara ŋgolo lagini ko suu bay vina lira na, lagi dla cora, ŋgiziɗ tlena vi suuna, guruɗ u summa, luu dam dam, luu ma ci summa, li ɓivun ma njenjena maŋ fulina.

HEBRENA 13:4

Suuna halaŋ gol ɗum masira jiviya, njufna u cara kak jivi eg tasiya. Lona hin mba kaɓakŋa kay suu li dlara yowna u suu li zoŋga.

1 TESALONIKŊA 4:3

Lona minni ana agi li tagi ki teteɗ, agi doorogi tagi kay dla cora.

KOLOSNA 3:5

Cagi dla mayra cora egegi hu duliyara wanda ki halaŋ, boy zoŋga, dlara ka teteɗɗira, bay ɗegeera, saara cora, huu ma ŋgiziɗ tlena, (ŋgiziɗta ŋgiziɗ tlena ni ko goɓ fulinara na).

EFESNA 5:3

Agi suu vi Lonana, njaf cora ko boy zoŋga, bay ɗegeera, ŋgiziɗ tlena vi saa, ni halaŋ mba li dukugiɗi.

GALATENA 5:19

Aygi wi sunda vi sa warna tak ki ni, boy zoŋga, bay ɗegeera, u dla cora.

1 KORINTNA 8:1

Goloygi u boyna vi tliw ma ɓivunna maŋ fulina. A gasira ni suuna halaŋ wi ko agi dira na lay. Wi mayra ndaɗta mbuɗ sana ŋga tamu, ni ndaɗ minda wulugi hu vira may.

1 KORINTNA 7:2

Kay boyna vi zoŋga mariyaɗ ni sana li u caamba umu. Cara li u njufuɗ may.

1 KORINTNA 5:11

An min dagi anaba taɓagi u sa di kay tam ana nammi sa ma vina, hin li dla cora, ŋgiziɗ tlena vi suuna, cen lo ɦawana, ŋgul suuna, ma guruɗ u summa, ma kulna, taɓagi u nambi, ti fu u nambi lay.

EZEKIYEL 4:14

An hoŋ dira ana, «Ҥii, Bu Suuna, Yawe, an fuɗ dlara njenjera ki na halaŋ halaŋ. An kom va ma miɗi ka ɦoyɗi, kom va ma vabak vam vii ka ɦoyɗi lay, ay u goo tan day ta ta cemi, tliw ma njenje kal ka funun tuɗi.»

GA 8ATAMBARA 15:23

Na lay ni agi ka ti busunaɗi, voom ki ga kay ndaŋgara ko mbona ɦawa na.

GA 8ATAMBARA 12:16

Na may ni agi ka ti busunaɗi, voom ki kaŋga ko ndal yona na.

WIRA ŊGAYRA 10:8

Della an humuɗ ay kolo huulonara hoŋ dan olo ana, tuɗ tli goo magara ki mali ko sa sunda huulona ma coli kolo kay mbo lumma ŋgolna kay ndaŋgara layna.

WIRA ŊGAYRA 10:2

Nam vi goo magara komu huruɗ ki maliya, nam tin sem ma njufna kay mbo lumma ŋgolna, sem ma gulna kay ndaŋgara may.

HEBRENA 12:16

Gologi tagi jiviya a sa mba li dlara zoŋgi, ko suuna ŋgolo humusi ka kay tlesuu teteɗnaɗi, ko Ezaw ma gus ŋgol mamba ki kay tlesuu tira naɗi.

2 KORINTNA 12:21

An hin tuɗ ha a gologi wani an li ndaana kay Lona hinin an a hoŋ yan kaŋga fokogiɗi, an tii ni tiiriya kay suu li cora ŋgolo bay hoŋ homba kay coosira tuwa, boy zoŋga u cora asi haɗi laɗ tew tewra.

1 KORINTNA 6:13

Agi di olo ana tina ni kay hayra, hayra ni kay tina may. Na may nam Lona hin ɓalakasi ki jak, Lona li mbalata sana ni ka kay dlara zoŋgi, mbalata sana ni maŋ Bu Suuna. Bu Suuna ni kay mbalata sana may.

DANYEL 1:8

Doli ɗi ni, Danyel ɓak hurum kurufu ana nam ka a ɓeŋ tam ki u ti ma vi mulnana u sum veŋ mammaɗi. Nam di ŋgol asgaa ma vi mulnana ana nam ka min a ɓeŋ tam kiɗi.

EZEKIYEL 33:25

Kay ndaɗta aŋ i dasiya, Bu Suuna, Yawe, di ana, agi ti tlena ni kolo kay busuna, agi tlagi irigi kolo ni u fulina. Agi li dlara ci maɗna cocoo. Agi lagi hu mbassa ana ndaɗ ni magira.

1 SAMUEL 14:32

Ɓaɗ tasi kay jona. Asi yow yoori suu gorina, mbutlina, gor mbutlina, ŋgaɗasi ki kaŋga hin komosi ha kay busuna.

GA 8ATAMBARA 14:21

Va ma miɗ ki miɗina ni agi komombi, ɦagi va namma ki ni maŋ koyogi suu dukugina, ɗowba gususi va namma ki kosiya, kay agi ni suu ki ŋgaɓi maŋ Yawe Looginana. Agi ka zal goona duk mbii sum tokgi.

NDUMBA 25:2

Gorɓiina yi suu Israelna ha hu givin ma togolla masi vi loogi suu ɦawana, suu Israelna ti ay hu lay goɓ fok loogi suu ɦawana lay.

KALKIRA 20:23

Agi ka golonni ko lo ma mini u doonora ɗowba u lorra ɦawa naɗi, ka agi li lo ma minim mininaɗi.

URA TIN AYRA 35:2

Yakob di suu vo varamma u suu tuɗ ay umma lay ana, «Cukugi loogi suu vi suu daŋŋana suu ay kogina kiyo. Lagi tagi ki teteɗ, cukugi baraw ma wilina tagiya.

DLAŊ LEVIRA 18:6

«Sa ma Israel ma buu u cara vi dee mambaraɗi. Ni an, Yawe.

DLAŊ LEVIRA 19:26

«Komogi tliwna hu li ma agi ŋgaɗ busuna hunaɗi. Lagi dlara kumunaɗi, cenegi suu miɗinaɗi lay.

1 SAMUEL 14:33

Asi tuɗ di boy namma maŋ Sol ana, «Suuna ka li sulukŋa eg Yawe, asi kom tlena u busuɗusiya.» Sol di ana, «Agi ni suu gi ura kina, lagaɗagi gogoyra ŋgolla ay egen tani cecem.»