SUNDA 15:11 - Boy Lonana

¹¹ Ni u oora vi Bu Suuna Yesu aygi vaygiya fi suɗta ni na, asi tasira vi ni na may.»

SUNDA 15:11 ပူးပေါင်းရင်းမြစ်များ

ROMMA 3:24

Lona u jivi mamba mbuɗ suuna ki ɗegee ɦawa ni u Goromma Yesu Kristu ma buɗusi kina.

TITTA 2:11

Lona tak oo mamba kay a suɗ suuna halaŋ.

GALATENA 2:16

Kay ndaɗta aygi vi ana sana mbuɗ ɗegee ii Lona ni u viimba hu Yesu Kristu dew daŋ ni ka ana nam li ni u gaɗta vi Moiz naɗi, aygi may ni vi u Yesu kay a mbuɗ ɗegee ii Lona, viiygira hu Kristu ka ana a li u gaɗta naɗi, sa ndak ka a mbuɗ ɗegee ii Lona kay lira li u gaɗtaraɗi.

2 KORINTNA 8:9

Agi wagi oora vi Bu Suuna mayna Yesu Kristu. Nam ma ɦizina mbuɗ tam ki hawra kagiya, kay nam min ɦizigi ki u haw mamba.

1 KORINTNA 16:23

Ko oora vi Bu Suuna Yesu kak u agiya.

ROMMA 6:23

Warak ma cora ɦamma ni miɗna, ɦala ɦawara vi Lona ni iirira bay daɓpa, taɓi u Bu Suuna mayna Yesu Kristu.

ROMMA 5:15

Cora vi Adamba ka a ŋga ko oora vi Lona ta ɦaɗ ɦawara naɗi. Suuna ŋgolo miɗ ki kay cora vi sa ma dew namma. Oora vi Lona ta ŋgolla nam ɦaɗ ɦawara u sa ma dewna Yesu Kristu ni ŋgol cocoo.

GALATENA 1:6

An li ndaana kay agi hinim ki na zak gawra, nam sa ma yagi ay u oora vi Kristura, agi hin hoŋ jok ki u boy ma daŋŋa.

WIRA ŊGAYRA 5:9

Asi gi soolla wilira ana, «Aŋ ndaki a tli magaara koŋu, a haw tampoŋŋa ki lay, aŋ ay ki jew ni miɗiya, u miɗ maŋŋa aŋ gus suuna ay maŋ Lona, suuna ay ki hu njafasi zeɗ zeɗ halaŋ, u vunusi zeɗ zeɗ halaŋ, u suuna halaŋ halaŋ kay ndaŋgara.