SUNDA 14:22 - Boy Lonana

²² Asi gaɗ suu vina soosi hurusi ana asi kak eŋ hu vira. Dasi olo ana, «Lini nanagelay aygi a cuk hu Mul Lonara ni u wihawra coco tuwa.»

SUNDA 14:22 ပူးပေါင်းရင်းမြစ်များ

1 PIYER 5:10

Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.

2 TIMOTE 3:12

Suu min a kak u iirira ɗegeera, u ɗilira eg Lona u taɓpa u Yesu Kristura hin fi lassa halaŋ.

Boy Ma Ayra Ma JAŊ Ɓiirimma 16:33

An dagi na ni kay duk ɦoŋogi li heɓpa u anu. Agi hin wi hawra duk suuna. Na may, vagi hurugi eŋe, an su kay duliyara.»

ROMMA 8:17

Aygi ni goryomu, aygi hin faygi jona vi Lona ma nam ɦam maŋ suu mamsinana, aygi hin faygi ii ɓorow maygina ko taygi u Kristu, lini aygi taɓ hu wihawra u namu ni aygi hin kak u nam hu ŋgol mamba lay.

WIRA ŊGAYRA 2:10

Li ndaa ko wihawra aŋ tuɗ fatɗaɗi, aŋ huma Satan hin tukugiya, yow suuna ŋgolo cukusi hu daŋgayna, agi hin wagi hawra buuna doogo, kak ɗili na gak gak hu miɗna, an hin ɦaŋ jumba mulla vi iirira.

KOLOSNA 1:23

Ni kay ndaɗta agi kak saɓak hu viigira, coli eŋ kay ura tinira, hinigi juɓ magira ay day day hu li ma agi hum Boy ma Ayrana kiɗi. Boy ma Ayra namma dam ki maŋ suuna hu duliyara halaŋ, ni an Pol mbuɗ a sa sunda ni kamu.

2 TIMOTE 1:8

Li zolo kay a diki kay Bu Suuna maynaɗi, li zolo kan an saam ma daŋgaynaɗi lay, ni na ɗow ana vi wihawra kay Boy ma Ayra kaŋu u saɓak ma Lona ɦaŋŋana.

SUNDA 18:23

Ŋgoo dagan nam hin li buuna ca ni hin hoŋ ay koyra olo. Nam jak ha ki kay ndaŋgara Galatira u Frigi, so hu suu haɗina halaŋ hu viisira.

MATIYE 10:38

Sa ma zii gu garak mamma, tuɗ ka unɗi na, ka ndaki kanɗi.

WIRA ŊGAYRA 7:14

An hoŋom dira ana, «Aŋ wasi ni aŋgi su, Bu Suuna manna.» Nam dan ɗaŋŋi ana, «Ni suu cuk ay ki hu lassa ŋgolona. Asi mbus baraw masira ŋgolla kiyo, ndaɗ mbus ki haɓpa ni u busuna vi Goo Timiina.

2 PIYER 1:11

Ni agi hin a fi voɗta a cuk hu mul mayra ka daɓ kiɗira vi Bu Suuna, Sa Suɗta Yesu Kristu.

SUNDA 9:16

An hin takam wihawra nam hin faɗ kay senda halaŋ u tanda.»

1 KORINTNA 1:8

Nammi sa ma hin vagi kom gak gak, a sa ba ki hu co taaɗi, tew ki fun buuna vi Bu Suuna mayna Yesu Kristu.

SUNDA 15:41

Nam jak ha Siri hin Silisi kay a ɦal eŋga maŋ suu vi Kristuna hu viisira.

SUNDA 15:32

Jud u Silas jakŋi suu jok vun Lonna, ɓak boyna fiyek coco kay a njun usi ɦasi eŋga.

Boy Ma Ayra Ma LUK Ɓiirimma 24:26

Agi ka wi ana Sa Lona Fuurumma wi hawra wi, hin kal hu bibiŋil mamba tuwa naɗi su?»

MATIYE 16:24

Nam hin di suu haɗi mamsina ana, «Lini sana min a tuɗ kay cerenu ni, maa dla tam kiyo, tli garak mamma, tuɗ ay unu.

SUNDA 11:23

Nam tew egesi tewni, wi ana Lona paɗ vunum ki kay suu vina ni nam furi ɦay, soosi hurusiya, a asi kak ɗegee u hurusi toki dew kay Bu Suuna.

Boy Ma Ayra Ma JAŊ Ɓiirimma 15:20

Gagi humugi kay va ma an dagina na, sa ma li sun ma su malamma kaɗi. Asi lasan wa ni, hin lasagi may. Asi vi u haɗ manda wa ni, hin vi u magira na may.

EZAYI 35:3

Ko ma ki loɓina, mbuɗum ki saɓakŋa, vun gif ma ɓulugudina ɗob ki lay.

WIRA ŊGAYRA 1:9

Ni an wayagina Jaŋ ma taɓi u Yesuna, an min taɓ u agi hu wihawra may. U juɓpa juɓ Mul Lonara u lalamba lay, an ay kay daara yaɗ ana Patmossa kay an di Boy Lonana u gasira Yesu takaɗ kira.

Magaara JUD Ɓiiriɗta 1:3

Banayanna an hurun haɗ ana bay ɓiirigi magaara ha kay boy ma Lona suɗuygi ki halaŋŋa baɗi, Lona ɦeɓen a ɓiirigi magaa ndaɗta kay a njunugi a duu kay vira Lona ɦaɗ maŋ suu mamsina yam dew ni a fafatɗara.

1 TESALONIKŊA 3:13

Ko nam soogi hurugi a lak bay cora teteɗ fok Lona Buya, a juɓ mbara vi Bu Suuna mayna Yesu u suu mam suu teteɗna halaŋ.

SUNDA 13:43

Asi daɓ tokka ki daɓ, cuk ay ki bunsu ca ni, suu Juifna u suu vi u vira vi suu Juifnara ŋgolo taɓ u Pol u Barnabas. Asi njun usi gaɗasi jivi cocoo, a asi kak saɓak hu oora vi Lona.

SUNDA 6:7

Boy Lonana zul ha ki fok zuli na ɗow ɗow. Suu haɗina zul hu Yerusalem cocoo, suu li ɓivunna ŋgolo tin hurusi kay Yesu.

MARK 10:30

nam hin fi ni su tlesuu nam hinisi kina fasi ni kay ndaŋgara tani gaw sem kis, fi zina, fi gorsemma, fi sura, fi goora, fi senena. Nam fi lassa lay. Ha fokka nam hin fi iirira ka daɓ kiɗira.

MARK 9:47

Iriŋ li tiniŋ hu cora ni ndaɗu ni, holoɗoɗ kiyo. Mariyaɗ ni aŋ kal hu Mul Lonara u iriŋ dew, su mayra aŋ kal duk kura u ndaɗ jakka.

Boy Ma Ayra Ma JAŊ Ɓiirimma 3:5

Yesu dam ana, «An daŋŋi gasira, sana vuɗ ka u yonaɗi may ka u Musuk Lonaraɗi may ni, nam ndak kal hu Mul Lonaraɗi.

MATIYE 19:24

An dagi ha hu olo, Jamballa a kal hu zul libirina ni loɓ ɦay, sa ɦizina a kal hu Mul Lonara loɓ su jamballa a kal hu zul libirinara olo.»

Boy Ma Ayra Ma JAŊ Ɓiirimma 15:18

«Suuna noyogi ki wa ni, agi wi kagi ana asi noyon ay ki jewe.

SUNDA 11:26

Nam fam ay fini, mbay u nam Antiok. Asi u dlasira jakka li basara duk suu asina, haɗ suuna cocoo. Asi gijaŋ yi suu haɗina ay jew ana suu vi Kristuna ay ni hu Antiok.

SUNDA 11:29

Suu haɗina di ana gegelay ni ɦal va ma nam famma a njun u gorsesi suu ha kaki Yudena.

SUNDA 14:20

Suu vina tok ay kam tokŋi nam col ki kolo dukusiya kal ki vo hu ɦoŋzina. Siw ni nam tuɗ u Barnabas hu Derbe.

SUNDA 14:28

Asi lak hu li namma eg suu vina buun ŋgolo.

FILIPINA 1:29

Lona ɦagi oora ana agi suu sunda vi Kristuna ka kay vira vi umba holɗi ni kay agi mba fi lassa um lay.

1 PIYER 2:21

Lona yagi ni kay ndaɗta, Kristu u tamba lay ni wihawra kagiya, nam hinigi ka ana agi li ko nam na may.

1 PIYER 5:9

Kakagi en u vira hurugiya, duurugi u namu kay agi wi ana gorsegina hu duliyara halaŋ wihawra ko agi na may.