SUNDA 13:43 - Boy Lonana

⁴³ Asi daɓ tokka ki daɓ, cuk ay ki bunsu ca ni, suu Juifna u suu vi u vira vi suu Juifnara ŋgolo taɓ u Pol u Barnabas. Asi njun usi gaɗasi jivi cocoo, a asi kak saɓak hu oora vi Lona.

SUNDA 13:43 ပူးပေါင်းရင်းမြစ်များ

SUNDA 11:23

Nam tew egesi tewni, wi ana Lona paɗ vunum ki kay suu vina ni nam furi ɦay, soosi hurusiya, a asi kak ɗegee u hurusi toki dew kay Bu Suuna.

SUNDA 14:22

Asi gaɗ suu vina soosi hurusi ana asi kak eŋ hu vira. Dasi olo ana, «Lini nanagelay aygi a cuk hu Mul Lonara ni u wihawra coco tuwa.»

2 JAŊ 1:9

Lini gegelay ka tuɗ kay cee haɗta vi Kristuraɗi, li zaŋ irim ki na ɗow ni Lona ka hurumbi. Sa tuɗ kay cee haɗ ndaɗtana Goona u Buna ka hurum jak.

HEBRENA 13:9

Viɗigi tagi ki u gaɗta daŋga vi suuna zeɗ zeɗtaɗi. A jivira ni sooygi huruygi u oora vi Lona, ka u gaɗta kay tlesuu tiraɗi, suu njun tasi u gaɗ ndaɗtana ka fi va huɗi.

HEBRENA 12:15

Gologi tagi jiviya a sa mba hoŋ ki dagan, hin oora vi Lona kiɗi. Gologi tagi jiviya kay sa mba mbuɗ ko gu ma galaana li cora eg suuna ŋgolo u galaa mamba.

KOLOSNA 1:28

Ni kay ndaɗta ami di ki kay Kristu maŋ suuna halaŋ. Ami neesi yasi kiyo haɗasi lay u neemba halaŋ kay colosi fok Lona ko suu ŋgolona na hu taɓpa u Kristu.

KOLOSNA 1:23

Ni kay ndaɗta agi kak saɓak hu viigira, coli eŋ kay ura tinira, hinigi juɓ magira ay day day hu li ma agi hum Boy ma Ayrana kiɗi. Boy ma Ayra namma dam ki maŋ suuna hu duliyara halaŋ, ni an Pol mbuɗ a sa sunda ni kamu.

FILIPINA 4:1

Gorsenna agi suu maygi vanna, agi mbuɗun hurun furira ni agiya, ni kay ndaɗta an ŋga tan kagiya banayanna, kakagi saɓak hu iiri magira hu Bu Suuna.

FILIPINA 3:16

Lini nanagelay tuɗuygi fok hu voɗta aygi tlaɗ ay gak gak karamba.

EFESNA 2:8

Agi suɗ ay kini u oora vi Lona hu vira, suɗta ndaɗta col ay ka kogiɗi, ni ɦala vi Lona.

GALATENA 5:1

Kristu buɗuygi ki ni buɗta gasira kakaygi ɗigili hu buɗ ndaɗta, hoŋogi tagi hu mbaɓura oloɗi.

2 KORINTNA 6:1

Ami suu li sunda u Lona ami joɓogiya, hinigi oora vi Lona ta agi famba komba ba kiɗi.

2 KORINTNA 5:11

Aygi waygi dla mayra di ana li ndaa Bu Suunara, ni ay hal a vi suuna. Lona waygi ki ɗal ɗal an saa ana u hurugi lay, agi tagira wanni na lay.

ROMMA 11:6

Nam manasi ay ni u jivi mamba, ni ka kay sun masira oloɗi, lini ka naɗi ni jivira vi Lona ni ka jivira oloɗi.

ROMMA 5:21

Ni na may cora kak mulla kay miɗna, na may oora vi Lonara kak mulla kay ɗegeera tuɗuygi hu iirira bay daɓpa u Yesu Kristu Bu Suuna.

ROMMA 5:2

Aygi mbuɗ ndakira ni hu vi mayra u Yesura, cecemi aygi mbuɗ tok eg oora vi Lona ta nam miniygi huruɗta, u juɓpa ay furi hu ŋgolla vi Lonara.

ROMMA 3:24

Lona u jivi mamba mbuɗ suuna ki ɗegee ɦawa ni u Goromma Yesu Kristu ma buɗusi kina.

SUNDA 17:34

Suu daŋ suu ɦiw taɓ umu, vi Boy Lonana, sa ma dukusi dew sem ana Denis, nam ay ni duk suu hu Areopagena, cara seɗ ana Damaris u suu daŋŋa hu lay.

SUNDA 17:4

Suu daŋŋa dukusi ɦiw ni boy namma mbuɗusi hurusiya asi taɓ u gi Pol u Silas. Suu Grek suu vi boy ma vi Lonna mbuɗ ŋgolo, boyogi suu garaŋŋa ka hu ŋgol lay.

SUNDA 16:14

Cara duk boyogi suu asina dew seɗ ana Lidi, ndaɗ ay ni hu ɦoŋzina Tiyatir. Ndaɗ ni cara li paara u baraw ma tam ndoli tlawna, mba cen Lona. Ndaɗ kaki huma, Bu Suuna malaɗ huruɗ ki kay ndaɗ hum boy ma Pol damma.

SUNDA 14:3

Pol u Barnabas kak Ikonium cocoo, asi ɓak boyna u ɦiŋga, hurusi tini kay Bu Suuna cocoo. Bu Suuna takasi ana boy ma asi dam kay oo mamba ni gasira, nam ɦasi saɓakŋa a li dlara mbuɗta u takka daŋga.

2 PIYER 3:14

Kay ndaɗta banayanna a juɓ buu namma wanni soogi tagi kay lak ɗegee ii Lona kay taɓ u nam hu heɓpa.

1 PIYER 5:12

An ɓiirigi goo magaara ha ew ha ko wayaygina Silas ma ɗegeena. An min ɦagi saɓakŋa kay oora vi Lona ta gasira lakagi en u oo ndaɗta.

GALATENA 5:4

Agi suu hal a mbuɗ tagi ɗegee fok Lona u gaɗta agi ɓorow duk ɦoŋogi ki u Kristu wa, agi mbuɗ ki eg oora vi Lona wa day.

SUNDA 28:23

Asi ŋga buuna duk tasi u Pol dew, hu buu namma wanni suuna mba bolow cocoo, fi Pol hu li ma nam buu huna. Col ay maɗii day gak gak fiɗigiya, Pol dasi boyna kiyo, nam dasi boyna kay Mul Lonara, hal a mbuɗusi hurusi u Yesu, li sunda u gaɗta vi Moizza u magaara vi suu jok vun Lona.

SUNDA 17:17

Hu Zira Tokka wanni nam ciwayra ko tam u suu Juifna u suu daŋŋa lay, suu goɓ Lona. Hu kiɗikka duk suuna lay suu nam ŋgafasina halaŋŋi nam ɓak u asiya.

SUNDA 13:50

Ni suu Juifna kal boy ma cona duk ɦoŋ boyogi suu fok suuna suu vi hu boyna vi Lonna. U suu kaɓakŋa suu ɦoŋzina lay, asi gijaŋ gi Pol u Barnabas dikisi ki hu ndaŋga masira.

SUNDA 6:5

Suu tokina halaŋ hurusi vi boy namma. Asi man Etiyen sa ma hurum oy u Musuk Lonara ma hurum tini kay Yesu ɦayna, u Filip, Prokor, Nikanor, Timon, Parmenas, u Nikolas, nammi sa ma Antiok ma tin hurum kay vira vi suu Juifna jewna.

SUNDA 2:10

suu Frigina u suu Pamfilina, Egiptena u keŋ mbassa vi Libi tok eg ndaŋgara Sirenda, suu mbay hu Romma ka hu lay.

MATIYE 23:15

Hahawra ka kagiya agi suu wi magaara gaɗta u suu Farisenna, agi ni suu mbambana. Agi tuɗ lina ɗuŋ lumma a hal suuna asi vi ki ugiya, asi mbay ugi wa ɗaŋŋi agi ɓeŋesi ki su mayra fok jewra, a baasi ki duk kura su tagira.

1 JAŊ 2:28

Gasi goryonu, hurugi li taɓi dew u Kristu, a falira nam hin a mbara aygi wi ki kaygi gasi ana zolo ka caygi fokombi.

TITTA 2:11

Lona tak oo mamba kay a suɗ suuna halaŋ.

SUNDA 18:7

Nam hin li namma tani tuɗ vi sana dew sem ana Titiyus Justus nammi sa ma vi Lona. Ziimma eg Zira Tokka na tok.