SUNDA 13:40 - Boy Lonana

⁴⁰ Gologi tagi jiviya kay dla mayra suu jok vun Lona di kaɗta mba li egegiɗi.

SUNDA 13:40 ပူးပေါင်းရင်းမြစ်များ

HEBRENA 12:25

Gologi tagi jivi ɗaŋ humugi vun sa ma ɓakagina. Suu hum vun sa ma gaɗasi kaŋga kay ndaŋgara tani kay tlesuu kolo huulona kaɗina, suɗ kaki ko daŋgaynaɗi. Lini aygi hoŋoygi ki dagani ka hum vun sa ma ka ɓakaygi ay kolo daynaɗi, ni aygi ka suɗ kiɗi.

HEBRENA 3:12

Gologi tagi jiviya gorsenna a sa dukugi mba li hurum coo, bay vira a hin Lona ma irina kiɗi.

MALASI 3:2

Sa hin vi tam juɓ buu ma nam hin mbana ni gege? Sa hin col kolo fokom hu li ma nam hin kal ay ki kiɗikŋa ni gege? Kay ana nammi ko ndal ku mayra yoo tlenara na, ko ndal suu li sun barawina mbususi kira na.

HABAKUK 1:5

Gologi dla cora vi suunara, agi hin mbuɗ ki ndaana kay ana cecem wan daŋga sana hin li sunda, agi hin ka tin saaragi kay boy namma hu li ma asi hi njaɗagi nana.

HEBRENA 2:3

Lini aygi noyogi suɗta ŋgolla wanda kiwa ni, aygi hin ndak a pii ki ko ɓakŋa ni nanage? Bu Suuna u tamba di kay suɗ ndaɗta ni jewe, ŋgoo dagan suu hum boy nammana takaygi kini gasi mamba.

EZAYI 29:14

Kay ndaɗta an tuɗ fok a lasi dlara mbuɗ mbuɗta na gak gak. An wi kan ana yal ma vi suu wi yalnana ka oloɗi lay. Mbeleŋ ma vi suu wi mbeleŋŋa kaɗi lay.

EZEKIYEL 33:9

Na may lini aŋ di sa ma co namma kay dlaamba cora, nam min ka a mbuɗ poy mamba co ndaɗtaɗi. Nam hin miɗ kay dla coom ndaɗta, aŋ taŋga may ni hin suɗ iiri maŋga may.

Boy Ma Ayra Ma LUK Ɓiirimma 24:44

Nam hin dasi ɗaŋ, «Agi gola ni dla mayra an dagira ay ki fok jew an ay u agi tura, boy ma ɓiiri kan hu magaara gaɗta vi Moizza, u ma vi suu jok vun Lona u ma hu magaara Soolla, dla ndaɗta a li ki ni halaŋ.»

Boy Ma Ayra Ma JAŊ Ɓiirimma 6:45

Suu jok vun Lona ɓii boy namma ana, Lona hin haɗasi halaŋ. Sa ma hum vun Buna, vi u haɗ mamba mayna, hin mbay egenu.

SUNDA 7:42

Lona pereɗ irim ki egesi hinisi tani, asi gijaŋ goɓ kaŋga fok tlesuu kolo huulona, ko boy ma ɓiiri hu magaara vi suu jok vun Lona. Agi suu Israelna agi ŋgaɗagi yoorina, u tlesuu ɓivun suu daŋŋa hu basara dok fiɗi ay ŋgoo bagi ni man su?

SUNDA 15:15

Boy na vi suu jok vun Lona taɓ ko tam u boy namma, kay magara di ana,