SUNDA 13:36 - Boy Lonana

³⁶ Hu li ma David ayna ni nam sun Lona ko nam minda na, nam hin miɗa asi pammi kay us somoyomu, nam loɗ ki ko suu daŋŋa na may.

SUNDA 13:36 ပူးပေါင်းရင်းမြစ်များ

SUNDA 2:29

«Gorsenna an fi voɗta a ɓakagi kay buy ma ŋgolna David, ka a tinigi vunɗi, nam miɗa, asi pamu, usum ka karam dukuygi tu lay.

1 MULINA 2:10

David buu gaa duk somoyomwa. Asi pammi hu ɦoŋzi ma yam ana Ҥoŋzi Davidna.

SUNDA 13:22

Ŋgoo dagan asi hin Sol ki tani, Lona hin ɦasi David a mulna. Lona hin di kam ana an fi David goŋ Jese ni sa ma irin jivina, nam hin li dlara an dam ana nam laɗura halaŋ.

2 SAMUEL 7:12

Hu li ma buu maŋŋa daɓ ki wa aŋ buu ki kaŋga ko taŋ u somoyoŋ wa ni an hin wuluŋ njafaŋ ka ŋgoroŋ dagani. Sa ma kal ay ki egeŋ gawna an hin wulum mul mamba koloo.

1 DLAŊ MULINARA 18:14

David ti mulla kay suu Israelna halaŋ, lasi dlara jivira u ɗegeera masi asi suu mamsina halaŋ.

1 KORINTNA 15:18

Ni di ana suu vi u Kristu suu miɗna ki baaya.

1 KORINTNA 15:6

Ŋgoo dagan nam tak tam ii suu mam suu haɗina su kis kis vadl, suu ɦiw dukusi ka iiri cecemi tuwa, suu ɦiw ki miɗi may.

Boy Ma Ayra Ma JAŊ Ɓiirimma 11:39

Yesu ana, «Lagaɗagi ɦinira kiyo.» Marte ta malaŋ maɗna hoŋom dira ana, «Bu Suuna, nam li ka mbuɗ hisna, nam piira hu zulla buuna ki ca ni fiɗi.»

SOOLLA 49:14

Gola ni daɓpa vi suu laɓana, suu tin saa masira kay tasi holna, u suu may suu min njaɗta fiyekka.

SOOLLA 49:9

Lini sana warak begera a gus iiri mamba ni, ndaɗ hin ba ki ni baay na ɗow.

JOB 21:26

Halaŋ suu furina u suu ka furiɗina tuɗ ni ga duk ndaŋgara dew. Njufulna tasi ni nam bel.

JOB 17:14

An di ussa ana, «Ndak hinni bunu.» Maŋ njufulna ana, «Agi hinni sun u wayansina.»

2 DLAŊ MULINARA 26:23

Oziyas buu kaŋga eg somoyom wa. Asi pammi hu zulla vi mulina kay asi di ana, «Nammi sa ma ndondonna.» Goromma Yotam varak balamam a mulna ni namu.

2 DLAŊ MULINARA 21:1

Hu li ma Josafat miɗna, asi pammi hu zulla vi somoyosira hu Ҥoŋzi Davidna. Goromma Joram varak balamam a mulna.

2 DLAŊ MULINARA 12:16

Roboam buu kaŋga eg somoyomu. Asi pammi hu Ҥoŋziŋ Davidna. Goromma Abiya varak balamam kay mulla may.

2 DLAŊ MULINARA 9:31

Hu li ma nam miɗna asi pammi eg bum tok. Ni hu ɦoŋzi ma yam ana Ҥoŋzi ma vi Davidnana. Goromma Roboam hin varak balamam a mulna ni namu.

1 DLAŊ MULINARA 17:11

Hu li ma buu maŋŋa daɓ ki wa a tuɗ u somoyoŋga ni, an hin mbuɗuŋ njafaŋ ka ŋgoroŋ ŋgolla, hin li ni sa maa duk goryoŋ dew. An hin tinim mul mamba saɓakŋa.

URA TIN AYRA 3:19

Aŋ hin fi tiiŋŋa ni u zamalla vogoŋu, gak gak aŋ hin hoŋ duk ndaŋgara aŋ mbay ki hura. Gasi aŋŋi ndaŋgara, aŋ hin hoŋ duk ndaŋgara aŋ mbay ki hura.»

1 TESALONIKŊA 4:13

Gorsenna ami ka min a agi lak bay wi u boyna kay suu miɗina kiɗi. Ka agi ɓalak hurugi ko suu ka wi Lonaɗina naɗi.

SUNDA 20:27

An dagi dlara Lona ŋgaaɗta ki wa, ŋgay va ka huna ewɗi.

SUNDA 7:60

Nam goɓ kaŋga u vun givim sawalla kolo eŋga ana, «Bu Suuna ŋgaasi co ndaɗta kasiɗi,» vunum ndi kaŋga may ni miɗ ni na gaw.

1 DLAŊ MULINARA 11:2

Ay ki fok jew day lay, hu li ma Sol ay a mulnana lay ni aŋŋi sa ma sel goryoŋ Israelna ki lay hoŋosi ay layna. Doli ɗini Yawe, Looŋŋa, daŋ ana, aŋŋi sa ma hin taaran suu man suu Israelnana, aŋ hin li a mulna kay suu man suu Israelna.»

1 DLAŊ MULINARA 29:28

Nam miɗ ni mbuɗ maara u jivira daɓ buu mamma kiyo, fi bege mamba u bibiŋilla kiyo. Goromma Salomon ti mulla balamamu.

SUNDA 8:1

Sol vi kam a ci Etiyen kiyo. Hu buu namma ni lassa ŋgola ndi kay suu vi Kristuna hu Yerusalem. Suu vina halaŋŋi njay kiyo, hinni suu vovoɗta doy hol, asi njay ki ni hu ndaŋgara Yudera u Samari.

MATIYE 25:16

Sa bege mamma vadlna li sunda u mamma, fi ka u vadl olo.