SUNDA 13:32 - Boy Lonana

³² Ami mbaaragi ni Boy ma Ayra namma. Ni va Lona dam dlam ay ki maŋ somoyoygi fok jewna.

SUNDA 13:32 ပူးပေါင်းရင်းမြစ်များ

ROMMA 4:13

Lona vi vunum u Abraham u njafam halaŋ a nam hin ɦasi ndaŋgara a joosina, vi vun namma ka ni ana Abraham hum u gaɗta naɗi, kay mege Lona golom ɗegee ni kay viimba.

SUNDA 26:6

Cecemmi an ka hu ɓakŋa kay an tin hurun kay boy ma Lona vi vunum u somoyomi kamma.

EZEKIYEL 34:23

An hin tin sa ma a taaran yoori mansinana ni na dew daŋ. Nam hin taarasiya, hin li ni saan ma sunda David. Nam hin taarasi ni namu. Nam hin li ni a sa ma taa yoorina.

ROMMA 9:4

Asi ni njaf suu Israelna Lona hin mbuɗusi ki a goryomu, ɦasi ana nam ka egesi hu ŋgol mamba tew tew, nam vi galamba u asiya, ɦasi gaɗta, li tokka, vi vunna u asiya.

SUNDA 13:38

Gorsenna agi wi ki jivi ana bulumba bulum cora faɗ ni u Yesu, ni va ma di ki fok jewna. Gegelay ma vina buɗ ki hu co mamba wa, gaɗta vi Moizza ndak ka a buɗ sa kiɗi.

ZAKARI 6:12

Aŋ hin dam ko wanda na, Yawe, ma saɓakŋa kom belna, di ana, Gola ni sa sem ana gogorguna na tlena halaŋ hin day kaŋga u semu. Nammi sa hin min ziŋ Yawera.

MISE 5:2

Kay ndaɗta Lona hin noyosi ki ta ta hu li ma ca mayra a vuɗ goonara vuɗum kira. Ɗaŋŋi suu usi hin ko gorsesinana hin taɓ ko tasi u goryoŋ Israelna.

JEREMI 23:5

Buuna hin mbaa, Yawe di na, ma an hin ɦal goona hu njafna vi Davidna. Nam hin ti mulla u saɓakŋa. Nam hin njun kay ma ɗegeena u ma jivina hu mbassa.

ROMMA 10:15

Asi di boyna ki bay sa cukusi ni nanage? Ko ɓiira di kira na, «Jivi ɦay kay suu tuɗ a di Boy ma Ayra kina.»

SUNDA 5:42

Hu buuna halaŋ asi haɗ suuna hu Ziŋ Lonara voo hu ziisi lay. Asi di Boy ma Ayra maŋ suuna kay Yesu ni Sa Lona Fuurumma.

SUNDA 3:19

Jokogi iiri magira ki zeɗ, mbuɗugi irigi eg Lona a nam hin bulumugi coogira kiyo.

Boy Ma Ayra Ma LUK Ɓiirimma 2:10

Sa sunda huulona dasi ana, «Lagi ndaaɗi. An mba dagi ni Boy ma Ayra ma suuna hin furi um halaŋŋa.

Boy Ma Ayra Ma LUK Ɓiirimma 1:19

Sa sunda huulona dam ana, «Ni an Gabriel ma col ay fok Lona a lam sun mambana. Nam gan ay ni a daŋ Boy ma Ayra kiyo.

MALASI 3:1

Gologiya, an sun saan ma vun sunda ha wa. Nam hin minin huu voɗta ha ki fokonu. Toŋgo zak gaw ni nam hin kal hu ziimba, malaŋ haɗta ma agi halamma, sa sunda ma banara ma minimma, gologiya, nam ka mbaya, Yawe, ma saɓakŋa kom belna, di na.

ZAKARI 13:7

Ŋgewra col ki kolo kay saan ma taa yoona, kay sa tuɗ u an ma jivi cocona, Yawe, ma Saɓakŋa Kom Belna, di na. Waɗ sa taa yoona, timigiina hin njay kiyo, kon hin hoŋ waɗ suu gorina lay.

ZAKARI 13:1

Hu buu namma ni mbona hin ɓaɗ hu ziŋ Davidna, suu Yerusalemma a fi kumuna kay sulukŋa u dla cora.

ZAKARI 9:9

Li furira, goora vi Siyon. Yi ha kolo u delek eŋga, goora vi Yerusalem. Gola mul makŋa ka tuɗ vo varaku. Nam ɗegee, saɓak lay, lamlam, fuli kay korra, kay goo korra.

Magaara Vi Sa Jok Vun Lona AGE 2:7

Yam mbassa halaŋ hin dlaka, begera kay yam mbassara halaŋ hin yow liŋŋa, an hin oy hu zi ndaɗta u jivira Jawe ma Saɓakŋa Kom Belna di na.

EZAYI 61:1

Musuk Bu Suuna Yawera ka kanu, Yawe ŋgaɓan a di boy ma ayra maŋ suu hahawra, ɗil ii suu hurusi ki ɓalakina, nam sunun ay a di boyna cuk suu hu daŋgaynana kiyo. Suu ay ki vii balnana tuɗ ki voo.

EZAYI 52:7

Jivi coco kay hum sem sa ma di boy ma ayra tuɗ ay kolo kay ɦinira. Nam mbaaraygi ni heɓpa, mba day dlara jivira u suɗta. Nam daŋ ana, «Yerusalem, Looŋŋa ni mulna.»

EZAYI 41:27

Anni sa ma di boy namma ay ki jew hu Siyonna, An sun sa ma di Boy ma Ayra ha hu Yerusalem.

EZAYI 40:9

Agi suu Siyonna ɗiŋigi ki kolo kay ɦinira. Saagi walla, dagi boy ma jivina kiyo. Yerusalem furyugiya, lagi ndaaɗi. Dagi ɦoŋzi ma Yudana, gologiya Loogina wanna.

EZAYI 11:1

Na may ko sari gu ma ay gana na, mul ma daŋŋa col ay hu njaf Jese.

EZAYI 7:14

Gola Bu Suuna u tamba hin takagi dlara dew, go tamara bay buu u sa njuf tura hin vi wiina, hin vuɗ goona. Ndaɗ hin tinim sem ana, Emmanuel, Lona ka u aya.

GA 8ATAMBARA 18:15

Yawe Loogina hin sunugi sa ma jok vun Lona ko an nana ay dukugiya, ni duk gorsegina tok, sa namma agi hin humummi vunumu.

URA TIN AYRA 49:10

Tokolora mulla hin li ni ko Yuda, ndaɗ hin li coli ni fokom gak gak malaɗna hin mba faɗu. Nammi sa ma suuna hin hum umma.

URA TIN AYRA 26:4

An hin zuluŋ njafaŋ ko ciciwra kolo huulonara na. An hin hal mbas ndaɗta halaŋŋi maŋ njafaŋu. Suu kay ndaŋgarana halaŋ hin fi paɗvunna ni u njafaŋu.»

URA TIN AYRA 22:18

Suu kay ndaŋgarana halaŋ hin fi paɗvunna ni u njafaŋu kay aŋ humun vununu.»

URA TIN AYRA 12:3

An hin paɗ vunun ki kay suu paɗ vunusi kaŋŋa, an hin gi vunna maŋ suu gaŋ vunna may. Suu kay ndaŋgarana halaŋ hin fi paɗvunna ni uŋu.»

URA TIN AYRA 3:15

An hin tin gonokka dukugi u cara, duk ɦoŋ suu hu njaf carana u maŋsina may. Njaf cara hin tooŋ yaŋ kiyo, aŋ hin eɗem diŋ diŋilim may.»

SUNDA 10:36

Lona sun boy mamma ay maŋ suu Israelna, nam dasi Boy ma Ayra ana heɓpa ni hu Yesu Kristu nam dew ni Bu Suuna vi suuna halaŋ.

SUNDA 13:23

Duk suu hu njafna vi Davidna ni Yesu ma Lona tinim ana nammi Sa ma Suɗta vi suu Israelnana, nam di ki jew ni kam lay.

SUNDA 14:15

«Banayamina agi lagi na ni mege, ami ni suuna ɦawa ko agi na may, ami mba dagi Boy ma Ayra a agi hinigi fuli suu asina kiyo, mbuɗugi irigi eg Lona ma iirina na ɗow. Ma li huulona li ndaŋgara li lum ŋgolna u tlesuu hurumma halaŋ.

ROMMA 1:2

Lona vi vunum ki jew hu Boy ma Ɓiirina, ma teteɗna, u suu jokom vunumma, ana nam hin ɦal Boy ma Ayra aya.