Lona col Bu Suuna Yesu iiri ki duk suu miɗina, nammi sa ŋgol ma taa yoona, bana mayra didinda faɗ ki ni u miɗ mamma. U saɓakŋa vi busuna vi ɓivun mamma nam mi galamba ka daɓ kiɗira.
Agi halaŋ wagiya suu Israelna halaŋ wagi kiyo, sa namma ka coli dukugi wanni u saɓakŋa vi sem Yesu Kristu ma Nazaretna, nam ma agi ɓalam ki kolo hu gu garakŋa, Lona colom ki kolo iirina.
Loŋ Abrahamma, Loŋ Isaakŋa, Loŋ Yakobma, Lo ma vi somoyoygina ɦal saɓakŋa maŋ saam ma sunda Yesu. Agi u tagira ɦam ki maŋ suu ŋgolona asi ɦam ki maŋ Pilat ni agiya, nam Pilat tin gin hurum a gamu.
Nam li dla ndaɗta ni maygi aygi goryosiya, u colla col Yesu ki kolo iirira, ko ɓiiri hu magaara Soolla mbara na. Aŋŋi goonna, karam wanni an mbuɗ ni buŋu.
Lona di ki fok ana nam hin colom ki kolo hu miɗna iiriya, kay nam ka hin a loɗ ki oloɗi. Nam di ko ndaɗta na ana, An hin paɗ vunun ki kagi gasi ko an di ki maŋ David jewra na.
