SUNDA 13:27 - Boy Lonana

²⁷ Suu Yerusalemma u muli masina wi Yesu kaɗi. Asi hum boy ma vi suu jok vun Lonna ma asi ndumum hu buu ma vi Lonna tew tewna kaɗi lay. Asi a daɓ boy namma kira wanni ci ki ni Yesu.

SUNDA 13:27 ပူးပေါင်းရင်းမြစ်များ

SUNDA 3:17

«Kay ndaɗta gorsenna agi u suu magi suu ŋgolona lagi dla ndaɗta eg Yesu ni ko bay wira ɦawaa.

ROMMA 11:25

Gorsenna gasi mayra ŋgayra an min ana agi waɗ kiyo. Tli boy namma kagi ko agi suu neeyna naɗi, suu Israelna suu ɦiw ni ndak ka a hum u boy nammaɗi, dla ndaɗta tuɗ ni na gak gak kay njaf suu daŋŋa mba fi suɗta.

SUNDA 15:21

Ay jew dayra suuna di boyna kay gaɗta vi Moizza hu ɦoŋzi ma ŋgolona halaŋ, asi ndum gaɗta hu Zira Tokka hu buu ma vi Lonna tew tew.»

Boy Ma Ayra Ma LUK Ɓiirimma 24:20

Muli suu li ɓivunna u suu ŋgolo masisina ɦam ki ana suuna cam kiyo. Asi ɓalam ki kolo hu gu garakŋa.

2 KORINTNA 4:4

Asi ka ndak a viɗi kay lo ma co ma hu ndaŋgara tanina kuluɓusi yal masina ki wa. Lo namma doorosi kay a wi kiɗikka vi Boy ma Ayra ma tak ki kay bibiŋilla vi Kristura, ma tli tam u Lonna.

2 KORINTNA 3:14

Yal masina ndak ay ka a hum u boy nammaɗi, hu li ma asi ndum galamba basira ni yam yal masina namma hoŋ kuluɓ olo gak gak karami asi bay wam tuwa, nam hin tak ki jivira ni ii sa ma taɓi u Kristuna.

1 KORINTNA 2:8

Hu ndaŋgara tani sa ma ndak a wi nera ndaɗta kaɗi, lini asi waɗu ni asi ka ndak a ɓal Bu Suuna vi ŋgolla ki kolo hu gu ma garakŋaɗi.

SUNDA 28:23

Asi ŋga buuna duk tasi u Pol dew, hu buu namma wanni suuna mba bolow cocoo, fi Pol hu li ma nam buu huna. Col ay maɗii day gak gak fiɗigiya, Pol dasi boyna kiyo, nam dasi boyna kay Mul Lonara, hal a mbuɗusi hurusi u Yesu, li sunda u gaɗta vi Moizza u magaara vi suu jok vun Lona.

Boy Ma Ayra Ma JAŊ Ɓiirimma 15:21

Asi hin lagi dla ndaɗta halaŋ egegiya kay senu, ni kayme asi ka wi sa ma sunun aynaɗi.

1 TIMOTE 1:13

An ay jew ni sa ma duu u namma lay sa ma lasamma sa ma ŋgulumma lay ni nam Lona wan hahawan kay mege an ay jewni ka vi umbi ka wi dlara an a laɗtaɗi lay.

Boy Ma Ayra Ma JAŊ Ɓiirimma 16:3

Asi hin li dla ndaɗta na ni kayra asi ka wi bunɗi lay ka wan anɗi layra.

Boy Ma Ayra Ma JAŊ Ɓiirimma 8:28

Yesu dasi ana, «Hu li ma agi tli Goŋ Sanna kolo wa ni, agi hin wi ana an kaa. Agi hin wi ana an ndak a li va kay tanɗi. An di ni tlesuu Bun haɗansina doy hol.

Boy Ma Ayra Ma LUK Ɓiirimma 22:34

Yesu hoŋom dira ana, «Piyer an ka daŋ ha kiyo, golok tlekŋa ka hel karam bay aŋ a tin vunuŋ kan yaŋŋa hindi ana aŋ ka wanɗiraɗi.»

MATIYE 22:29

Yesu hoŋosi dira ana, «Agi viɗ ii tagi ni kay agi wi boy ma hu magaara u saɓak ma vi Lonna kaɗira.

URA TIN AYRA 50:20

Agi lan gin cora ay egenu, Lona hin mbuɗ co ndaɗta ki jivira, a suɗ iirira vi suuna ki ŋgolo ko agi wi u irigi wanda na.

Boy Ma Ayra Ma LUK Ɓiirimma 23:13

Pilat tok muli suu li ɓivunna u suu ŋgolona egemu.

Boy Ma Ayra Ma JAŊ Ɓiirimma 5:39

Agi haɗagi ɓiira hu magaarara, kayme agi saa ana agi hin fi iirira ka daɓ kiɗira huwa. Tle asina ɓakŋi kan daŋ may.