SUNDA 13:23 - Boy Lonana

²³ Duk suu hu njafna vi Davidna ni Yesu ma Lona tinim ana nammi Sa ma Suɗta vi suu Israelnana, nam di ki jew ni kam lay.

SUNDA 13:23 ပူးပေါင်းရင်းမြစ်များ

MATIYE 1:1

Ni sem somoyoŋ Yesuna, hu njafna vi Davidna, hu njafna vi Abrahamma.

SOOLLA 132:11

Yawe suu tam fun David, ni gasira nam ka hin boy namma kiɗi, «An hin kak kay dlam maŋga mulla ni sa ma col ay hu njafaŋŋa.

WIRA ŊGAYRA 22:16

«An Yesu sun saan ma sunda huulona ha ni a di boy namma maŋ suu vina halaŋ, an ni hu njafna vi Davidna, an ni vel ma fo lina.»

Magaara JUD Ɓiiriɗta 1:25

Ni maŋ Lona hol Saay ma Suɗta, Bu Suuna Yesu Kristu, ŋgolla u ŋgolla, bibiŋilla u saɓakŋa u eŋga, gijaŋŋa ay jewra day cecemmi lay, ha fokka lay gak gak a fafatɗa, Amin.

SUNDA 13:32

Ami mbaaragi ni Boy ma Ayra namma. Ni va Lona dam dlam ay ki maŋ somoyoygi fok jewna.

ROMMA 1:3

Boy namma ni kay Goomma, Bu Suuna mayna, Yesu Kristu a sa warna nammi hu njafna vi mulna David.

2 SAMUEL 7:12

Hu li ma buu maŋŋa daɓ ki wa aŋ buu ki kaŋga ko taŋ u somoyoŋ wa ni an hin wuluŋ njafaŋ ka ŋgoroŋ dagani. Sa ma kal ay ki egeŋ gawna an hin wulum mul mamba koloo.

1 JAŊ 4:14

Aygi wi boy namma aygi ɓak ki kam ana Lona sun Goromma ay a Sa Suɗta vi suu warna.

2 PIYER 3:18

Wulugi koloo, tuɗ fok u oora u wira vi Bu Suuna mayna, Sa Suɗta Yesu Kristu. Cecemi ŋgolla ni mamba lay ha fok din din. Amin.

2 PIYER 3:2

An hal a gagi humugi kay boy ma suu jok vun Lona suu teteɗna dam jewna, u gaɗta vi Bu Suuna Sa Suɗta u suu vovoɗta vi Lona haɗagi kaɗta.

2 PIYER 2:20

Lini suuna suɗ tasi ki ko dla cora hu duliyara wa ni kay asi wi Bu Suuna Sa Suɗta Yesu Kristu, asi hoŋ yasi kaŋga hu dlaasira cora hin dlaasi ndaɗta su kasiya daɓ masira hin mbuɗni co sura jewra.

2 PIYER 1:11

Ni agi hin a fi voɗta a cuk hu mul mayra ka daɓ kiɗira vi Bu Suuna, Sa Suɗta Yesu Kristu.

2 PIYER 1:1

Ni Simon Piyer sa ma sunda ma vovoɗta vi Yesu Kristu. Maŋ suu may suu fi vira dlaɗ ŋgol ko ami na mayra u ɗegeera vi Lona u Sa Suɗta Yesu Kristu.

TITTA 1:4

An ɓiiriŋ magaara ni maŋ aŋ Tit goron ma gasina hu tin huu ma dukuygi dewna. Ko Lona Buna u Yesu Kristu, Saay ma Suɗta ɦaŋ oora u heɓpa.

ROMMA 11:26

Ni dla mayra suu Israelna halaŋ hin mba fi suɗtara, kay magaara di ana, «Sa ma hin buɗ suuna kina hin mbay ni hu Siyon nam hin yow dla cora kay suu hu njafna vi Yakobma ki halaŋ.

SUNDA 3:26

Ni nam Lona tak Saam ma Sunda kini magi agi jewe, nam sunum ay kay a paɗ vunum ki kagiya, kay a agi hin dlaagira laɗ cora kiyo.»

SUNDA 2:30

Nam ay ni sa ma jok vun Lona, nam wi ki kam ana Lona suu tam ki vi vunum u nam ana goom ma hu njafam maa dew nam hin ɦam mul mamba.

Boy Ma Ayra Ma JAŊ Ɓiirimma 7:42

Magaara di ki ni ana Sa Lona Fuurumma col ay ni hu njaf ma vi Davidna, mba hu zi ma Betlehemma, ni zi ma David ti maara huna.»

Boy Ma Ayra Ma JAŊ Ɓiirimma 4:42

Asi di cara ana, «Cecemi ami tin hurumi kay Yesu ni ka u boy ma ndak damma dewɗi, kayme ami hum u hum tamira may, ami wi ana nam gasi ni Sa Suɗta vi suuna halaŋ.»

Boy Ma Ayra Ma LUK Ɓiirimma 1:69

Lona tin saɓak mamma hu njaf suu vi mulna Davidna a suɗusi kira.

MATIYE 22:42

«Agi saaragi kay Sa Lona Fuurumma ni ana mege? Nammi hu njaf ma vi ge na ge?» Asi hoŋom dira ana, «Hu njaf ma vi Davidna.»

MATIYE 21:9

Suu fok Yesuna u suu ŋgorom daganna sawalla kolo ana, «Geleɗta maŋ Goŋ Davidna. Lona paɗ vunum ki kay sa mbay u sem Bu Suuna. Geleɗta maŋ Lo ma kolona.»

MATIYE 1:21

Ndaɗ hin vuɗ goona, aŋ tinim sem ana Yesu, kayme nam hin suɗ suu mamsina ki hu coosira.»

ZAKARI 9:9

Li furira, goora vi Siyon. Yi ha kolo u delek eŋga, goora vi Yerusalem. Gola mul makŋa ka tuɗ vo varaku. Nam ɗegee, saɓak lay, lamlam, fuli kay korra, kay goo korra.

AMOS 9:11

Hu buu namma ni an hin tli yam zira vi Davidta bowira kiyo, an hin miniɗ iriɗ ma bow kina lay. Min tlesuu ɓeŋ kina lay, an hin hoŋoɗ minda ko ndal ndaɗ ay jewra na.

EZAYI 45:21

Dagi boy namma ha ki maŋ suuna, vasi u dla ndaɗta kiyo, lagi tokka ko tagi dew. Sa ma tak dlara li wanda ay ki fok jewna ni gege? Ni ka Anɗi su? Yaweɗi su? Lini anɗi ni lo ma daŋ kaɗi, anni Lo ma ɗegeena, Lo ma suɗ suuna. Lo ma daŋ kaɗi, ni an dew daŋ.

EZAYI 43:11

Ni anu, anni Yawe. Bay an bani sa daŋ ma suɗ sa kaɗi.

EZAYI 11:10

Hu buu namma ni mul ma wilina col ay hu njaf David ma goŋ Jesena hin col ki fok suuna a va ma suuna wam halaŋŋa. Njaf suuna halaŋ hin halamu, daŋ may mamba hin lini bibiŋilla.

EZAYI 11:1

Na may ko sari gu ma ay gana na, mul ma daŋŋa col ay hu njaf Jese.

EZAYI 7:13

Ezayi hin dam ana, Humugi haa, agi njaf ma vi Davidna. Agi gol ana agi loɓ suuna na ni irigi ni ew su? Agi min a loɓonni Loonna lay su?

SUNDA 4:12

Nam dew daŋŋi Sa ma Suɗta, hu duliyara halaŋŋi Lona ɦal sem sa ma daŋ ma suɗuygi kaɗi.»

JEREMI 30:9

Asi hin sunni Yawe, Loosina u David mul ma an hin tinim kasina.