SUNDA 13:19 - Boy Lonana

¹⁹ Nam ba njaf suu daŋŋa ki kiɗisiya kay ndaŋgara Kanaanda, tlasi ndaŋga masira ha ki maŋ suu mamma kay tasiya.

SUNDA 13:19 ပူးပေါင်းရင်းမြစ်များ

GA 8ATAMBARA 7:1

Hu li ma Yawe Loogina cukugi hu mbassa agi tlaɗ ki wanda, nam dikigi njaf suuna ki zeɗ zeɗ suu zuli coco suugina, suu Hitna, suu Girgasina, suu Amorna, suu Kanaanna, suu Perizna, suu Hivna, u suu Jebusna, njaf suuna zeɗ zeɗ kiɗisiya suu zuli coco suugina, saɓak a suugi lay.

SOOLLA 78:55

Nam dikisi suu daŋŋa ha ki fokosiya, nam ɓorow mbassa ki maŋ suu Israelna, nam cuk dee suu Israelna hu ziisina halaŋ halaŋ.

SUNDA 7:45

Mbutluɓ namma jok ha vi somoyoygi suu ay ŋgoo daganna ni namu. Hu li ma Josuwe varak fok suunana Lona dik suu daŋŋa ki kay ndaŋga masira, asi jok usi ni u mbutluɓma usiya. Nam tuɗ na gak gak tew hu cokira David varaka.

JOSUWE 19:51

Gola ni jo ma Eleazar, mul ma li ɓivunna, Josuwe ma goŋ Nunna, u suu ŋgolo suu may suu fok suu Israelnana ɓorowom ki maŋ suu Israelna u paɗta paɗ dewna ay u ɦoŋzi ma Silona fok Yawena. Ay fun Mbutluɓ ma Tokka, asi daɓ mbassa ii ɓorowra ni ko ndaɗta na.

JOSUWE 14:1

Gola ni ndaŋgara suu Israelna ɓorowoɗ kosi hu mbassa Kanaanda, u fiɗigina keŋ lumma Yordanna. Eleazar mul ma li ɓivunna, Josuwe ma goŋ Nunna u muli suu ŋgolo suu ay fok dee suu Israelna ɓorowosira ni asiya.

SOOLLA 135:11

Sihon, mul ma Amoreenna, Og, mul ma Basanna, u muli suu hu mbassa Kanaanda halaŋ.

NEHEMI 9:24

Goryosi hin kal hu mbas ndaɗta hin kak huwa. Aŋ homosi suu Kanaan suu hu mbas ndaɗtana ki fokosiya. Aŋ ɦasisina ki kosiya, muli masisina u suu masi suu hu mbassana a li dlara hurusi miniɗta.

JOSUWE 24:11

Agi hin taɓa lum ma Yurdanna mbay hu mbassa Yerikora. Muli suu hu Yerikona hin duu u agiya. Suu Amorna, suu Perizna, suu Kanaanna, suu Hetna, suu Girgasna, suu Hivna, u suu Jebusna, an ɦagisina ki ni halaŋ halaŋ.

JOSUWE 23:4

Gola an ɓorowogi mbassa vi njaf suu ɦawa suu li cuki kaɗna ki maŋ deeregi dew dew halaŋ u njaf suu ɦawa suu an casi ki col ha fun mbo lumma Yurdanna ii u maɗiina day ta ta tuɗ ay fun mbo lum ŋgol ma Mediteranena u fiɗigina.

JOSUWE 18:10

Josuwe cukusi a paɗ dewna fok Yawe hu Silo. Nam hin ɓorow mbas ndaɗta ki maŋ suu Israelna ni ko ndaɗta na. Ni u irisi ta ɓorowi vora may.

URA TIN AYRA 17:8

An hin ɦaŋ mbassa aŋ kagi kaɗ ŋgayra wanda maŋu, maŋ njafaŋ ma ka ŋgoroŋ daganna lay. Ndaŋgara Kanaanda halaŋŋi maŋ a fafaɗta. An hin li ni a Loosina.»

URA TIN AYRA 12:5

Abram tay caamba, Sarai, u goŋ wayammana, Lot, umu. Nam yow bege mamma u mborɓii suu nam gususi hu Haranna halaŋ umu. Asi tin irisi a tuɗ hu mbassa Kanaanda. Hu li ma asi tew ki hu mbassa Kanaanda,

SUU KAƁAKŊA 11:26

Hu li ma suu Israelna ay cuki Hesbon u zi ma ŋguy kasina halaŋ, hu Aroer u zi ma ŋguy kasina halaŋ, ay hu ɦoŋzi ma cuki fun lum ma Arnonna halaŋ li basara ni kis kis hindi ni agi tli mbas ndaɗta ay ka kiɗi ni kay mege?

1 MULINA 6:1

Mulna Salomon gijaŋŋa a min Ziŋ Lonara ni hu basara 480 ta suu Israelna cuk ay ki hu mbassa Egiptera. Ni hu basara fiɗi ta Salomon kak a mulna kay suu Israelnara may, hu til ma yam ana Zivna ni til ma mbana.

EZAYI 34:17

Nam u tamba paɗ dewna kasi ni namu. Nam ɓorowosi ii mbassa ŋgaaɗ ki u zewna ni u kom tamba. Asi hin lak hu mbas ndaɗta ni a fafaɗta, basara u basara.