SUNDA 13:17 - Boy Lonana

¹⁷ Lona vi suu Israelna manaygi somoyoygi aya. Nam zul suu mamma ay ki hu li ma asi ay ki duk suu daŋŋa, ni hu ndaŋgara Egiptera, ŋgoo daganda nam yowosi ay ki ni u saɓakŋa cocoo.

SUNDA 13:17 ပူးပေါင်းရင်းမြစ်များ

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

MISE 6:4

Ni kay sella an selegi ay ki hu Egiptera su? Buɗta an buɗugi ay ki hu mbaɓurara su? U sunda an sunugi Moiz, Aaron u Miriyam ha ana asi takagi voɗtara su?

AMOS 2:10

An may ɗaŋŋi selegi ay ki hu mbassa Egiptera hin tuɗugi hu fulla basara dok fiɗi, a tli mbassa vi suu Amorna.

EZAYI 44:1

Cemi ni humugi haa agi suu man suu Israelna, njaf Yakob, suu man suu an manasi kina.

SOOLLA 135:4

Kay Yawe man Yakob ni namu, suu Israelna ni suu mamsina.

1 SAMUEL 4:8

Dla cora faygi wa. Sa hin ɓaɗaygi ay ki ko Lo ma saɓak nammana ni gege? Ni Lo ma poŋ suu Egiptena ay hu fulla na ta tana ɗi su?

GA 8ATAMBARA 14:2

Kay agi ni suu may suu ki tini zeɗ maŋ Yawe Looginana. Agi ni suu Yawe managi ki mam a suu mamsina kay tamma, duk njaf suu kay ndaŋgarana halaŋ halaŋ.

GA 8ATAMBARA 10:22

Somoyogi tuɗ ha hu Egipte ni, asi ni dok-kiɗisiya ɦawaa, cemmi ni Yawe Loogina mbuɗugi zulira ko ciciwra kolo huulonara na.

GA 8ATAMBARA 9:5

Ni ka ana agi ni suu ɗegeena, ni suu hurugi jivina agi cuk hu mbas ndaɗta ni na ka naɗi. A gasira ni suu asina li coo, kay ndaɗta Yawe Loogina dikisi ki ni na. Nam li na ni a li ki ni u vi vun ma vi Yawe ma nam vam u somoyogina, u Abraham u Isaak u Yakob.

GA 8ATAMBARA 7:19

Tukka ŋgol ndaɗta agi waɗ ay ni u ii tagira, dlara mbuɗ mbuɗta u takka daŋga zeɗ zeɗ. Humugi gagi kay ko Yawe ma saɓak cocona, Loogina hu li ma nam cukugi ay ki hu Egiptena. Ko ndaɗta na may Yawe Loogina hin li u suu bolow suu agi lasi ndaarasi wanna ni na may.

GA 8ATAMBARA 4:37

Kay ana nam minigi somoyogiya, nam manasi njafasi ma hin ka daganna, nam cukugi ay ki fokom hu Egipte, ni u saɓak mam ma ŋgolna.

GA 8ATAMBARA 4:34

Ɗowba lo ma ɦawa maa tuk tam dew a mba duk suuna a tlasi ki a suu mamsina u takka ko wanda na ka su? Ma duu kay suu mamsina u bik kom u saɓakŋa li ndaana coco ko ndal Bu Suuna Loogina li ay kagi hu Egiptera na ka su?

GA 8ATAMBARA 4:20

Na may agi ni suu Yawe yowogi kiyo, nam cukugi ay ki hu mbassa Egiptera, kura ŋgal ndaɗta ni ko jojokka yoo kawi ma vagi ga namma kira, na ni kay a agi mbuɗ ki suu mamsina, ni a joomma ko agi ki cemi wandara na.

KALKIRA 18:11

An wi ki gasi ana Yawe nam ŋgol su loogina hu njafasi lay halaŋ.»

KALKIRA 13:16

«Yawe cukuygi ay ki ni u saɓakŋa hu mbassa Egiptera. Ni dla mayra hin a takaŋ ka na gak gakka, aŋ waɗ u iriŋ lay.»

KALKIRA 13:14

«Lini goroŋŋa joɓoŋ vin ana na ni kay mege? Ni aŋ dam ana Yawe cukuygi ay ki hu mbassa Egiptera ni u saɓakŋa buɗuy ay ki hu mbaɓura.

KALKIRA 12:51

Hu buu ma ŋgaay namma Yawe cuk suu Israelna ay ki hu mbassa Egiptera u suu masisina halaŋ.

KALKIRA 14:8

Yawe so huu Faraw mul ma Egiptena, nam dik u suu Israelna, suu Israelna cuk ay ki ni u furira kosi tlii kolo cocoo.