SUNDA 13:10 - Boy Lonana

¹⁰ Dam ana, «Sa ma cona, huruŋ oyra u honira, goŋ Satannana, gonokka u tlesuu jivina bel. Aŋ ka ɓalak ki wanni voɗta vi Bu Suuna ta jiviraɗi su?

SUNDA 13:10 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 8:44

Bugi ni Satanna. Agi min li ni dlara bugi laɗta may. Nam ay ni sa ci maɗna hu ura tin ayra day. Nam ka li gasiraɗi kayme gasagira ka hurumbi. Nam di ni dlara kaboyna, ni dlaamba daŋ may, nam kaboyna kay nammi malaŋ kaboyna.

GALATENA 1:7

A gasira ni Boy ma Ay ma daŋ kaɗi, an di na ni kay mege kay suu ganagi yagina kaa, asi min mbuɗ Boy ma Ayra vi Kristu ki zeɗ.

2 KORINTNA 11:3

An li ndaana kay yal magina ɓeŋ kiɗi, a agi noyogi taɓ magira gasira teteɗta u Kristu kiɗi ni ko Eve na, hin taɗ guyna ganaɗ yaɗ u kaboyna.

MATIYE 13:38

Senena ni hu duliyara halaŋ. Njaf ma jivina ni suu tin hurusi kay Mulla huulonara. Ciŋrira ni suuna vi Sa Cona.

Magaara Vi Sa Jok Vun Lona OZE 14:9

Efrayim, va ma an hin lam u fulinana ni me ologe? Anni sa hoŋom dirana, ni sa ka golomma lay. An tanda ni ko ndal ŋgusu sipre na humum ka ɗuf tew tewna na, vuɗuŋ col ay ni egenu.

1 JAŊ 3:8

Sa yam gak li corana ni sa vi Satanna na kay me Satanna li cora ay jew ni namu. Ni kay ndaɗta Goŋ Lonna mba ni kay a ɓeŋ sunda vi Satannara kiyo.

Boy Ma Ayra Ma LUK Ɓiirimma 11:52

«Hahawra kagiya agi suu wi magaara gaɗta. Agi vagi vun zira vi wira ki kogiya, tagira ka kal huɗi lay, suu cuk huna agi ka hinisiɗi lay.»

2 PIYER 2:15

Asi hin voɗta ɗegeera ki tani asi viɗ ki wa, asi tli voɗta Balaam, goŋ Bosorna, tlaɗta, nam min a fi begera u dlara laɗ cora.

SUNDA 20:30

Dukugi tagira lay ni suu ɦiw hin yow kolo a ka boyna, hin viɗ yam suu vina ki usiya.

MATIYE 23:13

«Hahawra ka kagiya agi suu wi magaara gaɗta u suu Farisenna, agi ni suu mbambana, agi dug vun ziŋ Mulla Huulonara ki ii suuna. Agi tagira ka kal huɗi lay. Suu cuk huna agi ka hinisiɗi lay. [

MATIYE 15:19

Saara cora col ay hu sana, zuɗum um ha a ci maɗna, li zoŋga may, li dla cora, kulna, kaboyna, li ŋgeŋŋa kay suuna halaŋ lay.

MATIYE 3:7

Jaŋ wi suu Farisenna u suu Sadusenna mbay egem coco ana nam mbususi batemma na ni, nam dasi ana, «Agi njaf guy magira, sa haɗagi a agi puruɗ tagi ki ko yara vi Lonara ni gege?

Boy Ma Ayra Ma JAŊ Ɓiirimma 1:23

Jaŋ dasi ana, «An ni del sa ma sawalla ki ŋgoo bagi ana, Ɗoɓogi voɗta vi Bu Suunara kiyo,» ko sa jok vun Lona Ezayi di fok jewra na.

Boy Ma Ayra Ma LUK Ɓiirimma 11:39

Bu Suuna dam ana, «Gola agi suu Farisenna ni na. Agi mbus ŋgoo ŋgotta, hurugi oyra u dlara kulna may boy ma cona may.

JEREMI 23:36

Na ɗaŋŋi kay nekka vi Yawera ni agi yagi sem dla ndaɗta oloɗi. Nekka hin li ni kay gegelay u boy mamma, kay ana agi ɓeŋ boyna vi Yawe, ma Saɓakŋa Kom Belna, Looygina, kiyo.

DI BOLLA 9:3

Dlara li suu warnara ha ni fun taɗ halaŋ. Warak ma kay dla ndaɗtana ni ɓalakka. Suu warna li dla cora ɦay. Asi minni dlara uɗ kaɗira. A daɓ kira ni miɗna gaw may.

2 DLAŊ MULINARA 17:6

Hurum haɗ ha fok a min Lonara ni haɗi na ɗow ɗow. Kay ndaɗta nam bulum li ma mbuy kolona u gu ma vi Aserna ki hu mbassa Yudara.

URA TIN AYRA 18:19

An manammi kay nam gaɗ goryomu u suu mam suu hin ka ŋgorom daganna, a asi hum gaɗta vi Yawera, poy ɗegee.» Ko ndaɗta na Yawe faɗ vun dlara nam vi vunum kaɗ u Abrahamba kiyo.

URA TIN AYRA 3:15

An hin tin gonokka dukugi u cara, duk ɦoŋ suu hu njaf carana u maŋsina may. Njaf cara hin tooŋ yaŋ kiyo, aŋ hin eɗem diŋ diŋilim may.»

EFESNA 4:14

Ni aygi ka hin li ko kemba na oloɗi, a semeɗna zuɗuy tana tani naɗi, a hum u haɗta vi suu daŋŋa zul kay ndaŋgara a ganyam suunaɗi, a cuk suuna hu dla cora asi laɗtaɗi.